يلا نكمل ❤️❤️❤️
نخفِي حُزناً ووَجعاً وَدُموعاً أحيَاناً .. خَلفَ عبَارة { أنَا بخَير } .. تبّاً لعزة النفس .. وسحقاً لواقع لا يوجد به احتواء صادق.
علي : بخصوص زواج اني مراح أأجل شي راح يبقى كلشي على حاله بس يا اوركيد اذا عرفت عندج ذرة ايد بلي صار ادفنج وانتي عايشه واي اتفاق ماكو بينه افتهمتي لا ورقه ولا اي شي والله يا اوركيد اذا الي حجا محمد صح اموتج وميرفلي جفن
اوركيد : والله جذاب والله ماعرفه منو هسه عرفت اسمة منك انته مخبل اكو وحده تسوي هيج يوم حنتها وبيت زوجها والله شاهد على كل حجايه احجيها ليش متصدك بيه
علي : وانتي منو حتى اصدك بيج كلج خلك وحده اهلها جبروها واجبروني على زواج منها ومحد يعرف شنو سبب خاف يطلع غير شي وامج طلعه براسي وهيج شمرتج عليه الله واعلم واي اتفاق ماكو بينه اذا ماعرف بيج بنيه ماخليج يمي ولا ثانيه
اوركيد : انته مخبل احنه ممتفقين هيج بينه اتفاق ميصير تخرب الاتفاق اني مالي ذنب مسويت شي اني ماعرف كرايبك منو شلون اسوي هيج لهل درجة يعني
علي : هذا الي عندي فهمتي باجر تبين انتي شنو شكو متردده خايفه اكو شي
اوركيد : انته مخبل شنو اكو شي
علي : يي اكو يله بدلي ونزلي وباجر يصير خير ، طلعت وماعرف الي سويته صح لو غلط اني صح ردت اتقرب منها بس مو هيج لان هيج راح تكرهني اكثر بهواي اني ادري بيها ممسويه شي وادري محمد الجلب هيج سوه متقصد بس صح قربني منها بس مو هيج ياربي شسوي هسه وين اروح طلعت واني ماعرف شسوي اريد ابرد قلبي بهل كلب محمد
اوركيد : علي مصدكني شنو الحل ياربي لازم ابدل وانزل نزلت واني ميته مليانه دموع رحت لرسل كتلها اريد ارجع
رسل : ها حبيبي شلون صرتي
اوركيد : فدوه اريد ارجع ماريد ابقى هنا
رسل : ماشي حبيبي هسه اشوف علي
اوركيد : لا ماريد علي ، وفجاه اندار على صوت
علي : ليش علي يجكجك تريدين محمد
اوركيد : علي لتحجي هيج هسه لو يوكف كدامي ماعرفه لان ماعرف شكله الله شاهد
علي : اسكتي اسكتي يله لبسي نطلع
اوركيد : ماريد هسه اخابر ابويه
علي : ومن يكلج علي وين تكولين من ورا محمد لان يتهمني ماروح ويا نجبي وسكتي ويله
اوركيد : ماشي رايحة
رسل : ترا اوركيد خوش بنيه حرام تسوي بيها هيج كلنا نعرف محمد شنو وكلنا نعرف هاي مو اول مره نعيد سالفة سفانا لو ناسي
علي : انتي سكتي اششش ويله صيحيها
اوركيد : رحت واني ميته قهر علمود ادور عباتي وكاعده ادور واسمع صوت
