مرحبا كلششششش اسفه ادري تاخرت هواي عليكم وجنت مواعدتكم انو يوم الاثنين انزل بس جنت تعبانه كلش من الامتحانات واليوم يله كدرت
اوركيد: جنت صافنه والي كطع صفنتي علي من يكول احفاد كلش استحيت
وراها بدا يحجي واني ماعرف ليش رجعت صفنت
علي :عمي من رخصتك ومن رخصت ام اوركيد اريد نطلع اني واوركيد ونروح نزور بما انو احنه بغداد قبل لا نرجع ولتخاف هاي امانه ومستحيل اخونها
ابو علي : ابو اوكيد لتخاف على بنيتك هاي امانه واني كفيل وليدي
ابو اوركيد : هذا هو حجي خلي يرحون كومي بنيتي اذا ماعندج شي كومي تحضري
اوركيد : ماشي بابا ، واني صعدت وبقيت كاعده افكر صح الولد خلوق وحلو ومرتب بس هواي اشياء جانت غلط يجوز لو متعرفين بغير ضروف احسن جان حبينه بعض بس هسه ثنينه مجبورين على بعض وسبب امي سبب فلم سوته والكل صدكت بيها ، صح كل ام تحب اطفالها وصح كل ام متفرق بس امي غير امي جان حبها لكلام العالم اكثر مني للفلوس اكثر دائما ربتني على انو كلشي يكون حلو كدام العالم حتى لو ممرتاحة بي حتى لو معاجبني حتى لو ماريده يعني عدنا هاي صورة المصطنعه كدام العالم لحد ما فقدت نفسي وصرت ماعرف اني منو كلش صعب من الانسان يفقد سنده صح عندي ابويه بس كل بنيه تحتاج الام الي طبطب عليها وتفتح قلبها يمها الام الي تخاف على بنتها ومتفرقها عن اخوانها محد يعرف هل شعور بس الي مجربه يجوز بعض ناس تشوفه تافه بس هو مو هيج كلش صعب ، بدلت ونزلت بعدني ملابسه الشال وشعري جان مفتوح لبست فستان اسود وحذاء اسود وجنطه بني من اروح للاماكن المقدسه احب البس اللون الاسود لان كلش مريح ومو ملفت ونزلت وفجاه اشوف عين الكل صارت عليه
ام علي : صلوات على محمد يمه شهل جمال كل لون احلى من ثاني عليج عين الله تحرسج حبيتي
ام اوركيد : تعالي قبل لطلعين ، باعي ديرين بالج كلش زين ماريد حجايه ناقصه او زايده وطفرين الولد من ايدج دير بالك يرجع ضايج لو يحجي شي محلو والله اكص لسانج
اوركيد : تمام
علي : يله اوركيد
اوركيد : جيت
علي : يله من رخصتكم
ابو اوركيد : مرخوص
ابو علي : مع سلامه وليدي
اوركيد : طلعنا وصعدت بسياره وبديت اسوي حجابي وطول طريق علي ساكت بس انتبه عليه من يباوع كملت حجابي سديت المرايا ووصلنا وكتله ، عادي اخلي تليفون هنا لان نبقى نحير باماناته وثانيا مااحب اخلي يم احد
علي : تمام فتحي جكمجة وخلي
اوركيد : ماشي ، فتحت جكمجة وفجاه وكعت صور من شلتهم شفت علي ويه بنيه بسرعه ضميتهم بقت وحده اريد اجيبها وعلي كال اني اجيبها كتله لا قريبه عليه ومن اخذتها جانت صورتي يم جامعه واكفه ورجعت بسرعه ضميتها ونزلت
