علي : رسل اريد نروح لاي مكان وحدنه حبابه بس ثواني دبريها
رسل : علي انته مخبل شلون يعني اهلها مراح يقبلون
علي : حاولي حبابه
اوركيد : اباوع بصدمه وخوف وماعرف شنو جاي يصير وماعرف شنو جاي يحجي وياهم ومادري شنو يريد
رسل : يله كوم اخذت الاذن من امها بس بسرعه علي لان عالم عيب
علي : مهم شوي بس تمام وانتي ابقي موجوده من احد يريد يجي تعالي قبله
اوركيد يله كومي
اوركيد : وين شنو كومي شكو
علي : كومي ومعليج بس امشي ويايه
اوركيد : وين اروح شبيك علي ، وجرني من ايدي ويمشي بنص العالم واني ماعرف شديصير ودخلني بغرفه الخطار وسد باب ، علي هاي شدسوي ليش جينه هنا شبيك منا العالم
علي : شنو العالم انتي مرتي
اوركيد : واني ميته خوف ، شتريد
علي : باعي اني اريد اعتذر منج على كل الي صار واني ادري بيج رضيتي غصبا عليج اني ماريد اجبرج على شي بس مجان عندي حل ثاني لان اذا اني هسه متقدملج راح تصير سمعه عليج واني ماقبلها على روحي شلون اقبلها عليج وانتي بنيه ادري متريدين زواج وشنو تريدين اني حاظر
اوركيد : شجاي تحجي انته ، لك شفتني انضرب كدامك معقوله متحرك احساسك منقهرت عليه كسرت قلبي بلي سويته
علي : اكيد اني مو حديد بس ماكدر اسوي شي لان اهلج والله اني احبج واريدج من كل قلبي مجانت نيتي اقدملج بهل طريقه
اوركيد : اسكت اسكت لو تحجي منا سنه متغير شي ابقى اكرهك واموت منك تعذبت وانضربت اول مره بحياتي من اهلي خليتهم يكرهوني راح اطلع من بيت اهلي وهمه يكرهوني وسبب انته
علي : كتلج اني مجان قصدي هذا
اوركيد : قصدك مو قصدك يله نرجع
علي : ساعات اكول هيه حقها تحجي هيج لان صعب البنيه تنكسر من اهلها وتنكره من اهلها بسبب تصرف سخيف ، يجوز هسه انتو متحسون من احنه نحجي ونكتب بس المعاناة الي عشناها مو طبيعيه اسف اعرف طلعتكم عن القصه هسه تجيني اوركيد 😂😂😂 نرجع نكمل ...
علي : اني اباوع عليها بجمالها ودموعها وبودي احضنها بس اعرف مراح تقبل فا خليني بعيد
اوركيد : كل حجيه خله احساس بقلبي غريب رغم هذا اني بعدني اكرهه ومكسوره منه بس ماعرف شنو اسوي
رسل : احم احم ، يله يله طلعو ابويه يريد يشوف اوركيد
علي : سم فززتيني
اوركيد : وك يله جيت
علي : نهزمتي هسه وبعدين تبقين مهزومه
رسل : شبيكم شكد تتعاركون
اوركيد : ماعرف شلون خلصت منه اني اكرهه ماريده ولا اطيقه المهم طلعنه شفت عمو ابو علي خليت شي على جسمي لان فستان كلش كلش مفضوح كله من ورا رسل ورا ما طلعت سلمت على عمو ابو علي وباسني براسي وكال الف مبروك هسه صرتي جزء من عائلتي وبنتي وجنتي الله يهنيكم ويرزقكم الذرية صالحة
علي : مشكور يابه ان شاء الله تشوف عيال عيالنه ، واني اباوع على اوركيد واشوفها الخوف مالي عيونها والكره هم وماعرف شنو اسوي وك اني غلطت بس ماعرف شلون راح اصلح كلشي صار شلون راح اقنعها اني احبها وامه اصلا كبرت الموضوع وياها ياربي ساعدني
رجعنا للكوشه وكاعدين علي يباوع لاوركيد بكل خوف عليها وبكل حب واوركيد ولا تباوع بوجه بعدها خلص كلشي خلصت الخطوبه وراحو اهل علي وعلي وياهم واوركيد صعدت لغرفتها وهيه تبجي
اوركيد : كله حضي وغلطي نطيت مجال لهيج شخص ياربي والله تعبت ماكدر اتحمل شلون اخلص منه ، وهيه وكاعد تبجي غفت ونامت ، دك تليفونها ساعه ٨ صبح ، يووو منو يدك هسه ، باوعت على تليفون لكيته علي
علي : صباح الخير خطيبتي
اوركيد : تفضل شرايد
علي : احترمي نفسج وجاوبي عدل مدالعب وياج
اوركيد : كول شتريد لان نايمه ، وكعدت على حيلي واشوف نفسي بعدني بالفستان والمكياج والصخام مال كحل
علي : تحضري ساعه ١٠ اجي عليج
اوركيد : وين
علي : تحضري ومعليج
اوركيد : شنو بكيفك ماعندي اهل يحجون يعني
علي : لو عندج اهل جان مشمروج هيج شمره مثل الجلب تحضري غصبا عليج ساعه ١٠ اني بل باب واذا مطلعتي ادخل اسحلج واطلع وسديت تليفون ، واني صافن على نفسي واكول هاي شنو حجيت علي انته مخبل ليش هيج كسرت قلبها بس خليها تستاهل صح غلط الي صار بس حتى تتعلم
متعاند بس ادري الي حجيته ميصير بس يله الله كريم
اوركيد : داحجي ويا لان ماريد اطلع ويا وكتله اهلي ومن جبت طاري اهلي جاوبني جواب مو بس كسر قلبي لا احس كلشي داخلي نكسر كل بنيه بلحياة ملجأها اهلها وعزوتها اهلها وسندها ومن كال اهلج شمروج هيج عليه حسيت بذيج اللحضه بغصه لان جاي يعيرني باهلي وجاي يستقوي عليه لان ماعندي سند سد الخط ونكدت باب الغرفه
ام اوركيد : كومي بنتي كعدي يله
اوركيد : بنتي !!!
ام اوركيد شنو استغربتي ليش انتي بنت منو ، يله كومي بعدج لهسه بملابس الخطوبه هيج فرحانه
اوركيد : فرحانه !! ، معقوله هيه جاي تشوفني فرحانه ، تدري كلش زين اني مفرحانه بس تحاول تبين للعالم هذا شي ، كلت الها ، هسه راح اكوم اعرف اجة حجة وياج لان اني كلت لا
ام اوركيد : وشكو كلتي لا باعي لج لو يطلب روحج متكولين لا لتخلين الولد يشرد واحنه لكينا بلحظ يا نصيب
اوركيد : يا حظ يا نصيب شبيج انتي معقوله هيج انتي تسوين ترا انتي امي مفروض متسوين هيج وتجبريني المفروض انتي سندي انتي المكان الي من الدنيا كلها تحاربني تكونين بجانبي مو هيج مو الدنيا كلها ضدي وانتي ضدي
ام اوركيد : يجي يوم وتشكريني على كلشي جاي اسوي الج ابقى بهذا عقلج الخايس كافي حجي زايد وبدلي وتحضري ونزلي وطلعين حلوه غصبا عليج فتهمتي
اوركيد : سبحت وسشورت وبديت اخلي مكياج ومن كملت دك تليفون وشفته وطلع علي
علي : .......
حيل آسفه انو تاخرت بس اولا لان ماكو تفاعل على قصه وثانيا ضروف ودوام هواي ومدالحك اكمل اعذروني بس هل فتره احاول بكد ما اكدر انزلها شكرا ❤️❤️❤️
