كل يوم داكتب بارت اتمنى يعجبكم وتحبون القصه ❤️
خذت قلبي بنجمتك ذوبت حيلي ⭐️❤️
اوركيد : شنو شغله ثانيه
علي : عدلي لبسج طلعي البدي لا اشكه
اوركيد : شعليك انته شكو تدخل
علي : طلعي كلت متشوفين عيون العالم
اوركيد : خلي العالم تغض بصر اني شنو
علي : ليش هو الي يشوفج يكدر يغض بصر
اوركيد : انته اول واحد غض بصرك عني
علي : ماشي بس طلعي البدي
اوركيد : بابا معليك انته شكو تدخل
علي : ليش تخليني اسوي شي اندمج مطلعتي
اوركيد : كلت ماطلعه شسوي سوي
علي : اني عيني على شفه متتت وجان ابوس واطلع البدي بيدي
اوركيد : داحجي وفجاه يبوسني حسيت نفسي نكطع وقلبي وكف والوقت وكلشي وكف وخله ايده على خصري وطلع البدي واني جمدت اريد اتحرك ماكدر
علي : راح تموتين شبيج
اوركيد : انته مخبل شسويت
علي : كتلج طلعي بايدج احسن بس راسج يابس
اوركيد : اطلع برا
علي : طلعت طلعت
اوركيد: عزا بعينه شكد جريء اني عمري كله احلم باول بوسه الي وهذا خربها بس ليش قلبي وكف وليش صرت ارجف شبيج اوركيد تخبلتي
علي : طلعت واني اضحك بس شنو قلبي يدك سريع هاي شبيك علي معقوله هيج لك طعم شفتها يجنن وعيونها بعد احلى شسوت بيه هاي بس شكد عنوديه
اوركيد : طلعت من الحمام واني وجهي احمر كلش
نور : شبيج اوركيد شو مو على بعضج
اوركيد : مابيه شي هيج غسلت واجيت
نور : كومي نسلم على عرسان ونطلع ابويه عنده دوام
اوركيد : ماشي
نور : ليش طلعتي البدي جان احلى
اوركيد : لا هيج احلى
نور : نجبي دخلي البدي حتى نروح نصور همات او اكلج تعالي اني اعدله
اوركيد : اني اباوع على علي وهو عيونه صارت دم كلها تباوع بس اني كلش كرهته بلي سوا
نور : هيج احلى يله امشي
اوركيد : ماشي
رحنه وسلمنا على عرسان اني بقيت واكفه لان ماعرف احد
ام العريس : الحلوه تعالي تعالي صورو كلكم وياهم
اوركيد : لا خاله شكرا
ام العريس : تعالي خاله تعالي
وسحبتني وصورنه بس الكوشة قريبه على قسم شباب وكلها تباوع اني متت
وعلي يباوع عليه وراهة طلعنه واكفين برا ننتضر محمد يجيب سياره لان عمو ميشوف بليل وفجاه نسمع صوت
علي : سلام عليكم
عمو : عليكم سلام وليدي
علي : محتاجين شي واكفين هنا كول عمي
عمو : لا عمو ننتضر محمد يجي يجيب سياره
علي : خلي البنات يكعدون بسيارتي بين ما يجي محمد لان عيون ناس ماترحم
عمو : اي والله صحيح اوركيد صعدي انتي ونور
اوركيد : ماشي عمو كعدت ورا كرسي سايق وهو صعد ويباوع عليه من المرايه واني مدنكه
علي : شلون بلوه ياربي متباوع معقوله كرهني ليش هيج اني مهتم محد يسوي هيج بعلي ليش هاي هيج سوت ادز رساله اشوف اذا ضايجة او لا يي يي احسن حل
اوركيد : كاعده وفجاه تجيني رساله من رقم رفعي راسج على مرايه رفعت راسي لكيته يضحك اني مرديت ورا شوي اجة محمد
عمو : يله تعالو اجة محمد عمي علي مشكور وماقصرت
علي : تدلل صدك جذب بعيوني اخليهم
عمو : سالمه عيونك يله صعدو
اوركيد : وصلت للبيت ميته تعب مكسره بس صورت علي ماتطلع من بالي دخلت للبيت
امي : هلو يمه ها تونستي
اوركيد: يي ماما تونست كلش
امي : تعالي اشوف الصور
اوركيد : ابدل وانزل واشوفج ، صعدت وفجاه تليفوني دك كلت اكيد نور على صور ، بدلت كملت ، افتح تليفون ٢٠ مكالمه من رقم عاد انتبهة رقم علي دكيت
علي : وينجج صار ساعه ادك
اوركيد : شبيك وشكو دك عليه
علي : وصلتي
اوركيد : يي وصلت شبيك علي هواي جاي تدخل روح خلي انزل لامي
علي : من صعدين دكي عليه
اوركيد : ما ما ادك
علي : ساعه وحده عندج اذا مدكيتي اني ادك ونشوف شلون متردين
اوركيد : نشوف ، سديته ، نزلت اشوف الصور لامي
امي : كلش حلو العرس
اوركيد : صدك ماما اكو رجال اسمه ابو علي من ..... كال كولي لاهلج باجر ان شاء الله خطاركم لان راجع
امي : وهسة تحجين
اوركيد : يمه هسه جيت يعني شوكت احجي
امي : ماشي هلا بيهم ، باجر عندج دوام
اوركيد : يي ماما عندي
امي : روحي نامي لعد
اوركيد : ماشي ماما ، محتاجة شي
امي : لا ماما
اوركيد : صعدت ودك تليفوني .........
وهذا البارت الرابع كل يوم جاي انزل جزء اتمنننننى يعجبكم 🥰
