وفي صباح اليوم الثاني
الي بداء فيه عناد بأنه يحاول يحسس الأخوان هادي وعقاب انه انسان طبيعي ولا وراه اي اسرار انسان مو مهم بحكم انه ولد الشيخ ولو عرفوا بياخذونه رهينه وهو كان يحاول يخفي هل شيء لين ياخذ حلال محمد ابو الجادل من هل حراميه بس الي ماكان عارفه انه هو يسوقها عليهم وهم يسوقنها عليه انهم مصدقينه ومصدقين انه من جيرانهم مع ان هادي وعقاب عارفين زين الي حولهم ومتأكدين مليون مرا قبله ودايم يشيكون في الي ينزلون ويروحون خوف من انهم يلاقون محمد الي هو صاحب الحلال الي سرقوه
عقاب: الا اقول ياهادي ماتلاحظ ان ضيفنا ذا كذوب؟
هادي: هاه منهو؟
عقاب: الي أسمه عناد ذا
هادي: اها ايه ايه بس وش كذب فيه؟
ناظر فيه عقاب برفعه حاجب وهادي جالس في الأرض يعدل
مركاه عشان يتكي ومامداه يتعدل الا الرفسه الي جته من عقاب
هادي: هاهه وشهو خخير؟
عقاب: تسلك لي انت وجهك الودر؟
هادي: لايخوي بس وش كذب فيه!
عقاب وهو يمسح على شنباته ويقرص عينه وعينه لا وهو يناظر لخيمه عناد الي كانت قدام جلستهم وكان يحتري بس عناد يقوم بس عناد كان قايم ولا طلع لهم ويسمع كلامهم ومبتلش مايدري وش يسوي: انت تدري وانا ادري انه مب من هنا ولا من ذي المنقطه وبصراحه أسمه مب غريب علي!؟
هادي: لا لا ويين اكيد انه جديد تو ماشيدوا خيامهم ولاجهزوا
عقاب وهو يجلس جمب هادي على مركاه ويناظر بهادي بنظرات استغراب: خير ياشيخ هادي ليكون بعد بتسوي نفس سواتك الاولى؟
هنا عرف عناد الي كان يسمعهم وهو بمكانه انه صدق الي في باله مهب وهم وانه طايح بيدين ناس مايخافون الله لابسرق ولا قتل وان الرجال الثالث الي شافه أمس مهب وهم عقب ماسمع صوته معهم وهو يدافع عن هادي
هادي: خلاص ياخالد خله على الي يبي يقوله وعلى الي يبي يضنه فيني
عقاب: ايه ايه خلني عساس الي اضنه فيك مكان واقع قبل يومك فكيت السلوقي منا وحنا ماذبحناه
هادي بصراخ: ياخوييي بتعيد ذي السالفه لمتى ياورع صدق جاهل والجاهل الي يجلس معكم
وقام هادي من مكانه ودخل شبك الغنم ويحوس فيهم ويفكهم وهو كل فجر يفكهم ويسرحهم ويرجعهم
وقرر عناد يلتفت برا ويشوف اذا في احد قدامه ولا لا وصدق طل وشاف بس شاف الشيء الي صدمه وماتوقعه.
ان خالد الي كان معهم بجلساتهم وضحكهم هو نفسه خالد ذا الي شافه أمس بضلام ومعه سكين وبيده دم وكان مشبهه عليه بلحظه خوف وتجاهل هل شيء لان كان يعتقد انه جن.
عقاب: يالله صباح خير انت تبلع من ذا الحبوب ليل ونهار؟
خالد: هههههههههههههههههههههههههههههههههههههههه مارحت هانكونغ وشريتهم عبث وعشان اخليهم لك لا ياحبيبي
أنت تقرأ
لجل الجازي صرت لعداي سياف
Mystery / Thriller( الجازي بنت هملان) أسرار يهدمها الزمان ويخرجها بعد سنين من الكتمان، وهل يمكن لنفس أن تصبر على كتمانها وتستسلم لحزنها وقدرها ومصيرها؟ هل من مهرب من واقع مر نعيشه وهل صدق إن الأنسان يمكن أن يسجن نفسه هل من حرية في هذه الحياة أم أن الحرية فقط لأشخاص...
