في ديوانيه الشيخ سلطان <
.
.
.
.
الشيخ سلطان: اسمعوا العلم الي يجمد على الشارب سياف اليله يرد بيته عند امه فهمتوا ابيكم تنشرون في الديره كلها وتدورونه بيت بيت سكه سكه ولاتخلون ماكان وان كان مالقيتوه بندور في الديار الي حولنا وانتم تخبرون من حولنا هملان! ايه هملان وانا شاك انه هو بس والله ماحطها بذمتي
عبدالمالك: الا الا يبه هو اسمع انا بجهز الرجال وحن اليله جايينهم
سعود: هدو هدو خلونا ناخذ الموضوع بركاده الوضع لازم يدرس ولازم نتأكد اذا هو عنده او لا؟
الرجال: حكيم ياشيخ سعود
الشيخ سلطان يناظر سعود وهو بخيبه وحس انه مراح يلاقي ولده أبداً وان اكيد ان كان عند هملان او غيره بيقتل
في المستشفى عند وضحى<
.
.
.
.
صيته: يارب رحمتك يارب انك ترحمني برحمتك وتجيرني في مصيبتي حسبي الله ونعم الوكيل على من كان السبب يالله
فهد وهو للحين طاغيه الغضب ولاطلع الي بخاطره للحين خاصه ان فهد عصبي وعلى اتفهه شيء يعصب فا وش عاد في سالفه مثل كذا وتمس خواته: يمه ترا الي جاها قليل وتستاهل!
صيته: اص اص ولاكلمه انت مب ولدي ولاذي تربيتي وانا متبريه منك لو يصير في بنتي شيء حسبي الله ونعم الوكيل
نوره: لالاا يمه تكفين وش هل كلام الله يهديك
نوف: استغفرالله بس
فهد انصدم صدمه ولابحياته توقعها وانها تنقال من امه جته كسره ولا بعدها كسره اقوى وكيف ان امه بتتبرا منه عشان الي سواه في اخته
مناحي راح يبوس يد امه ويترجاها: تكفين سامحيني وسامحي فهد تكفين
صيته: وخر عني لاتكلموني
قطع كلامهم الدكتوره وجاتهم وهي كلها رعب وتوتر كيف تكلمهم
الجازي: جتت جتت الدكتوره
الجازي منهاره بكي طول اليوم وعلى اعصابها ماشاركتهم حتى الكلامم وهي ماتحب تتكلم في وقت ضيقتها أبداً وخاصه الي صار وكانت تحتري بس خبر ان وضحى مافيها شيء لأن أملها بالله كان قوي
الدكتوره: سلام عليكم أهل المريضه؟
صيته: ايه ايه يايمه اهلها بشري بنتي حيه فيها شيء؟
الدكتوره: الصراحه مدري كيف اقولكم
هنا انهد حيل الكل والكل على اعصابه وفهد بذات رغم الي سواه بس حس بذنبب
الدكتوره: بنتكم دخلت في غيبوبه والله أعلم كم بتقعد على هل حاله بس هي بتقعد في العنايه المشدده لين ماتصحى ونطلعها
الكلل كان في صدمه وهنا سكوت سعد ماطول بعد ماكان متصبر وساكت ولادمعه نزلت منه انهار وبقوه ماتتخيلونها وصرخ وضرب في فهد وضرب فيه وفهد كان واقف ولا اي شيء سواه غير ان عينه على نظره أمه نظره أمه الي مليانه ملامه على فهد مليانه حزن بس أيمانها بالله قوي ولا انهزمت للحزن غير الي انهاروا خواتها ومناحي وسعد والجازي الجازي معاد تشيلها الأرض من الي حصل في وضحى والمنظر الي شافته
وهم في صراخهم وبكيهم وصلت ريم زوجه فهد ومعها عياله
أنت تقرأ
لجل الجازي صرت لعداي سياف
Misterio / Suspenso( الجازي بنت هملان) أسرار يهدمها الزمان ويخرجها بعد سنين من الكتمان، وهل يمكن لنفس أن تصبر على كتمانها وتستسلم لحزنها وقدرها ومصيرها؟ هل من مهرب من واقع مر نعيشه وهل صدق إن الأنسان يمكن أن يسجن نفسه هل من حرية في هذه الحياة أم أن الحرية فقط لأشخاص...
