رواية حتى عذولي يقول اليوم وش صابك

البارت 1

الصبح في مدينة العين و تحديدا بيت بو ذياب الساعة 8:00

بو ذياب:وين العيال ما نزلو عشان يروحون دوامتهم و يتريقون في نفس الوقت

ام ذياب:الحين كلهم بينزلون شو فيك محرج من صباح الله خير

بو ذياب:هب محرج انا......

و ما يكمل كلامه ولا كل عياله نازلين من فوق و يلسو على طاولة الطعام

العيال:صباح الخير

ابو و ام ذياب في نفس الوقت:صباح النور

ابو ذياب:اخيرا نزلتو

ذياب:اسمحلنا ابويه كنا نتناقش منو بيودي حصوه الجامعة

ابو ذياب:ومنو بيودي بنتي حبيبتي الجامعة

هزاع:انا بوديها لانه انداوم في نفس المكان بس انا ابدا الساعة 10:30 و كلاس حصوه يبدا الساعة 10:00 و بنطلع على الساعة 9:30

ام ذياب:يلاه سكتو خلونا نتريق

حمد:عصبت الوالده عصبت

الاخوان الباقين يلسو يضحكون

ابو ذياب:يا ولد اصطلب و احترام امك وانتو اسكتو

العيال:انشاالله ابوبه

بعد ساعة الكل راح داومه وابو و ام ذياب سارو العزبه اجابلون الهوش و الحلال (حد يسير العزبه فالحر)

الساعة 5:30 في بيت بو سيف الكل متيمع في الصاله و يتكلم بو سيف و يقول

بو سيف:يا جماعة الخير اليوم عقب صلاة العشاء عمكم عزمناكم في بيته عقب صلاة العشاء الكل يكون جاهز سامعين

العيال:انشاالله ابويه

منصور:ابوي انا ما اقدر احضر

بو سيف:وليش انشاالله

منصور:ابوي الدكتور عطنا امتحان قصير مال نص ساعة و بيكون بعد صلاة العشاء فبحضر بيت عمي عقب ما اخلص من الامتحان

بو سيف:خلاص انا بقول حق اخوي بو ذياب انك بتحضر عقب

منصور:مشكور ابوي ما تقصر

بو سيف:العفو

بعد صالة العشاء الكل كان جاهز عشان يسيرون بيت عمهم بو ذياب طبعا بو سيف و ام سيف في سيارة البيت و سيف في سيارته الفتك الاسود و مكتوم في سيارته الجي 63 سوده بعد و علياء سارت وياه اخوه سيف في الفتك

بعد نص ساعة من وصلهم استقبلهم بو ذياب في صالة بيته

بو ذياب:عيل وينه منصور ما يا بو سيف

بو سيف:بي عقب نص ساعة الحين عنده امتحان اونه الدكتور عطنهم اياه الحين عاد اسمحلنا

بو ذياب:مسموح يا اخوي هي دراسه اهم من كل شي

بو سيف:ما تقصر

بعد نص ساعة وصل منصور و سيارته كانت فتك نفس اخوه سيف بس مال منصور ابيض و مخطط باحمر و دخل و بداو كل هم يتعشون بعد العشاء كل حد انقسم انه يكون ويا حد يعني بالمختصر المفيد بو ذياب ويا بو سيف ام ذياب ويا ام سيف و ذياب ويا سيف و حمد و يا مكتوم و هزاع ويا منصور و حصة ويا علياء

نسير صوب ذياب و سيف

ذياب:ها سيف شو الاعلوم وينك اليوم ما شفتك في الدوام

سيف:ماشي علوم والله من الدوام للبيت ومن البيت للدوام اليوم ما ييت لانه ابوي كان يباني في حايه

ذياب:هيه , اقوالك شو رايك دام ماشي شغله انسير كلنا يالشباب و البنات عقب المول نتحوط الساعة 10:00

سيف:أنا ما عندي مشكله بس قبل بنخبرهم.