رواية حتى عذولي يقول اليوم وش صابك

البارت 2

صوب هزاع و منصور و حمد و مكتوم كانو كلهم ربعاه

هزاع:يا جماعة ملل ماشي فعاليات

منصور:هيه والله وايد ملل ماشي شغله

حمد و مكتوم نفس الوقت:شو تبون اسون يعني

منصور:قومو بنسير مكان نتحوط

فهالوقت يو ذياب و سيف و سمعو يوم منصور يقول قمو بنتحوط

سيف:ترى احنا ياين انقولكم انه بنسير المول جان بتخونا

الشباب كلهم بردود مختلفه: يله , انا ماعندي مشكله , فوقه , يله قومو

ذياب:انا بسير بخبر البنات بسيرين ويانا ما عندهن شغله و في نفس الوقت بخبر ابوي و عمي و انتو سيرو اجهزو

الشباب:اوكي

سار ذياب في البدايه وين البنات يالسات كانن يالسات في الحديقة الي وراء البيت

ذياب:حصة و علياء

حصه و علياء في نفس الوقت:نعم

ذياب:قومن اجهزهن بنسير المول كلنا نحن يا الشباب و البنات

حصة و علياء:يله اوكي ربع ساعه و بنكون جاهزين

ذياب:انا بسير اخبر ابوي و عمي و انتن يوم تخلصن طلعن في الحوش بنترياكم هناك

سارن حصة و علياء يجهزن و ذياب سار عند ابوه و عمه عشان يقولهم انهم بيطلعون طبعا بعد كانو يالسن ام ذياب وام سيف

ذياب:ابوي و عمي و امي وحرمة عمي بقولكم شي

كلهم الكبار:تفضل شو عندك

ذياب:ترى نحن بنسير المول بعد نص ساعة بنطلع و بنرجع على الساعه 11:30

الكبار:سيرو الله يحفظكم تبون فلوس

ذياب:لا عدنا الحمدالله

بو سيف:لا تتاخرون عاد

ذياب:لا انشاءالله ما بنتاخر انشاءالله يله فداعة الله تبون شي

الكبار:لا

طلع ذياب و كلهم يتريونه برا فقررو انهم يسيرون سيارتين لانه سياره وحده ما تكفي بسيرون بسيارة الفتك مالت ذياب و بيسرون بالجي 63 مال مكتوم و انقسمو في السياره بالشكل هذا:

سيارة ذياب الفتك كان فيها (ذياب – منصور – حصة – علياء)

سيارة مكتوم الجي 63 كان فيها (مكتوم – حمد – هزاع – سيف)

طبعا وصلو الجيمي مول بعد نص ساعة نزلو كلهم من السيارة طبعا

حصة و علياء انقسمو مع بعض و الشباب الباقين يالسو في الكوفي يتريون البنات يخلصون من المشترى و بعدين بدخلون فلم في السينما طبعا مر الوقت و البنات خلصن مشترى و دقت حصة حق حمد تسئله هم وين و قاله انه هم في الكوفي الي مجابل محل العطور و وصلن البنات و يلسن طلبن قهوه حصة طلبت في 60 و علياء طلبت فلات وايت بعد ما خلصو اتجو صوب السينما عشان يتابعون الفلم دخلو فلم كان توه نازل و طبعا دخلو في اي بي عشان ياخدون راحتهم اكثر بعد ما خلص الفلم طلعو كلهم و قالت حصة انه بسير الحمام ويا علياء و الشباب قالو بيترنهم عند الباب من وين ما دخلو اول مره سرن حصة و علياء الحمام و هن سيرت الحمام سمعو واحد يقولهم

الشخص1:يا الحلو عطينا الرقم

الشخص2:انزين سناب انستا شي مني منك

الشخص3:يا جماعة صدق ما تستحون على ويهكم يالسين تغازلون في بنات خلق الله

الشخص1:انته شو يخصك

الشخص3:لا والله باجر يوم بيستوي جي في خواتكم لا تقولن ما يخصك لا تنسون انه الدنيا الدوراه اذا مارديت في خواتكم بترد في بنات عمتكم او بنات خالتكم او اي حد قريب منكم , وانا ما اتشرف استوي ربعكم بعد ما عرفت انكم جي سمحولي و مع السلامة

حصة و علياء:اخوي لو سمحت

الشخص3:هلا

حصة و علياء:مشكور ما تقصر على الموقف الي استوى من قبل شوي

الشخص3:ولو غيري بعد بسوي نفسي ترى وانتن بعد انتبهن من هي الاشكال مرثانية

علياء:انشاءالله

الشخص3:انتو هني بروحكم ولا وياكم حد

حصة:لا هني ويا اخواني و اخوانها يعني ويا عيال العم بالمختصر

الشخص3:تبوني اوصلكم عند اخواكم ولا ما يحتاي

حصة:لا ما يحتاي مشكور ما تقصر مرثانية

الشخص3:ولا تراني في الخدمة متى ما بغتني و زاد العفو

وراح عنهم و ردو حصة و علياء عند الشباب ورد البيت على الساعة 11:05 ما اتاخرو وايد وكل واحد عقب سار حجرته يرقد و اليوم الي بعده بو سيف كان عازم اخوه بو ذياب في البيت عشان الغداء وصلو قوم بو ذياب بيت بو سيف اسارو اتغداو وبعدين بو ذياب كل حق كل حد

بو ذياب:لو سمحتو كلكم سمعوني باجر بنسير دبي بنيلس هنالك مال اسبوع و بنرد العين

بو سيف:شورن زين

العيال كلهم طبعا اتحمسو لانه من متى يبون يسرون دبي فالكل سرا يجهز اغراضه من الحين (وايد متحمسين الصراحة)

بالباجر الكل جاهز حق الطلعه طبعا كلهم اجتمعو في بيت بو ذياب بيطلعون من هناك طبعا بعد ما وصل بو سيف بيت اخوه انطلقو في الدرب كانو سايرين بهشكل في السيارة انقسمو جي:

السياره1:بو ذياب و ام ذياب و بو سيف و ام سيف

السياره2:ذياب و اخوانه كلهم

السياره3:سيف واخوانه كلهم

و هم في درب استوى حدث على سيارة بو ذياب و الحادث كان وايد قوي مب انه انه خفيف طبعا وصل الخبر حق العيال و العيال اتخبلو يتهم حاله على صدمه طبعا من خلال الحادث ام ذياب توفت و ام سيف بعد توفت و بو ذياب دخل في غيبوبه ماحد يعرف متى يمكن ينش و بو سيف ما كان متعور وايد فترقد في المستشفى مال شهرين لانه ريله ما يروم يحركه وايد.