يوم دخلو البيت حمد و حصة دخلو حصلو ابوهم و ذياب و هزاع يالسين في الصالة و يسولفون
حمد و حصة:السلام عليكم
الباقين:وعليكم السلام
شافهم هزاع وقال بعد سايرين دبي بدوني ولا بعد مشرين انزين اخوكم الصغيرانا جان خطفتو على انزين
حمد:انته اسكت كل يوم سار دبي ويا ربعك ولا ويا منصور ولد عمي شو تبا بعد
ذياب:انزين شو يبتولي من دبي انا
حصة:يبتلك من الحلوه الي كنت تباه من هذاك المحل
ذياب:فديتج خيتو ما تقصرين دوامج راعية واجب
هزاع:انزين انا ما يبتولي شي وياكم
حمد:تعال يبتلك من كارتير السوراه الي كنت تباه من فتره
هزاع:جذاب صدق
حمد:هيه صدق شو فيك استويت خريش بعد ما تصدق انته اصلن حد يبلك شي
هزاع:ياخي مشكور ما تقصر يعلك ذخر و عمر طويل ما تقصر صدق مشكور
حمد:هيه الحين بيلس يتمدح وقص علي بهالكلام و ما بيخلي شي اقول شل كيسك و سر حشرتنا
هزاع:افا يالس انا الحين انا اتمدح فيك و اخر شي هذا ردك
كلهم ضحكو لانه لو مب حمد ولا هزاع جان البيت الحين ميت ما فيه حياة و بو ذياب يالس اطالع عياله كيف حمدالله ردت الحياة في ويهم و في البيت بعد لانه صدق الواحد يوم يفقد الشخص ما يحس اله يوم يفقده
بعد خمس شهور من هاي الاحداث حامد بدا يتحرك و يسوي خطته الخايسه اللي ما من وراها غير شر و طبعا في هالفتره العئلتين عايشين في سلام بقولكم شو استوى لين يبدا حامد خطته عليهم و يسوي اللي في راسه بو ذياب و عياله حالتهم استوات احسن الحمدالله ذياب الحمدالله حالته تحسنت وايد احسن من قبل استوى حمد خلص استواعب انه اللي استوى حق امه حق قضاء و قدر و قاعد يكمل حياته بس مفتقد امه طبعا هزاع رجع يداوم في الجامعة قال اكمل دراستي وايد احسن و اصلن ما بيفيده في الحياه غير دراستها فيكمل وايد احسن حصة ردت كلمت ابوها عشان تكمل دراسه برع البلاد وفي نفس الوقت طلعتلها بعثه انه تقدر تدرس برا في لندن ابوها اول شي ما طاع بس عقب وافق بس قالها تاخذ واحد من اخوانها وياها على الاقل وياها حد و قالت بتاخذ حمد و بسيرون بعد شهر ونص لندن و عقب ابوها بيي اشوفها في لندن بعد ما تستقر و الحين نسير عند بو سيف طبعا حالة العيال احسن لحسن قاعده تستوي سيف الحين ماخذ اجازه شهر من الدوام لانه قرر يفتح مشروع و المشروع هو مطعم و ما شاء الله عليه سيف يعرف يطبخ و اكله حلو كل اهله و ربعه و الناس الي يعرفونه يمدحون اكله مكتوم الله يسلمكم نفس ما هو بعده ويا ولد عمه حمد بس يوم عرف انه حمد بيسير لندن ويا اخته قاله بيك هناك عقب اسبوعين ما يصبر عن ولد عمه منصور يكمل دراسه في جامعة الامارات و باقي نص سنه و بيتخرج فبدا يدور على وظيفه علياء طبعا ما بتخلي حصة بروحه قالت بسير وياه لندن بدرس هناك و طبعا ابوها وافق عقب ما يلست تحن على ابوها انه تسير و ابوها بيها عقب شهر في لندن فنكمل الحين الاحداث
بعد اسبوع
في بيت بو سيف
بو سيف: ها سيف شو استوى على مشروعك
سيف: حمدالله ابوي المشروع ماشي من الحين و باجر بيكون الافتتاح
بو سيف: ساعة كم الافتتاح بنروح انا و اخوانك و عمك و عياله الافتتاح باذن الله
سيف: الافتتاح بيكون على الساعة خمس و نص ان شاء الله
بو سيف: ان شاء الله
أنت تقرأ
رواية حتى عذولي يقول اليوم وش صابك
Diversosروايه باللهجة الاماراتية الروايه كلها بتبدا في مدينة العين و بنتقل من العين الى دبي و بيستوي شي بغير مجرى الاحداث بمجرد ما يصلون دبي ما بطول وايد وابكم كل شي تكتشفونه بروحكم.
