عند حصة و علياء في الجامعة على الساعة 2:30
حصة:اقولج عليوه متى كلاسج يبدا
علياء:يبدا على الساعة 3:00
حصة:هيه
علياء:ليش تبين شي
حصة:لا بس ابا ارد البيت ما اتحمل البنات و شفقتهم خلص احس اشويه و انفجر في ويهم و الكلام الي ينقال من وراي
علياء:لا تحاتين حصوه قولي الله يرحمها و الله بياخذ حقج يوم من الايام انشاءالله
حصة:انا بدق على حمد برد البيت ما اتحمل وانتي سيري حضري كلاسج عشان ما تتاخرين
علياء:يله عيل اشوفج عقب المغرب في بيتنا باي
حصة:باي
سارت علياء الكلاس تحلق عليه وحصة دقت حق حمد
حصة:الو
حمد:الو ها حصة شو بغتي امري
حصة:حمود عادي تيي تشلني من الجامعة
حمد:شي مستوي
حصة:لا بس ما تحمل شفقت البنات و الكلام الي ينقال من وراي
حمد عرف حصة شو تقصد فقالها
حمد:نص ساعة واكون عندج و لاتاخذين بخطرج من كلام البنات و ترحمي عليه حصة
حصة:الله يرحمها يله عيل اتريك يوم توصل دقلي عشان اطلع
حمد:انشاءالله
وصل حمد الجامعة و طلعت حصة ركبت السيارة
حصة:السلام عليكم
حمد:وعليكم السلام
حصة و الحزن و التعب يبين في ويها و حمد انتبه حق هالشي و سكت ما تكلم و سار اقرب رمله و وقف فوق عرقوب و نزل من السياره و سار صوب حصة و بطل الباب لقاه تصيح على الصامت يوم شافها هشكل سار و حضنها و خلها اطلع كل الي في قلبها و الي كاتمتنه طول هالفتره حصة و هي تشاهق بصوت عالي
حصة:حمود اشتقت حق امي
حمد:بس ياحصة قطعتي قلبي ترحمي عليها
حصة:الله يرحمها , حمد ما اروم اتحمل و الكلام الي ينقال عني في الكلاسات
حمد:وشو الكلام الي يقولونها
حصة:يقولون هذي يت الي امها توفت و ابوها دخل في الغيبوبه و مايندارى متى نش و انها استوت عايشه بدون ام و كلام وايد يقولونها بعد
حمد:سمعي حصوه الحين بنسير الجامعة عند مدير الجامعة و اباج تقوليلي شو اسمي البنات الي قالن هذا الكلام الي ما يستحن على ويهم هب متربيت اسميهن و بنشتكي عليهن
حصة:اوكي
سارو حصو و حمد الجامعة و صلو ودخلو عند المدير بحكم الواسطة الي عند حمد فبسرعة دخلو
أنت تقرأ
رواية حتى عذولي يقول اليوم وش صابك
Diversosروايه باللهجة الاماراتية الروايه كلها بتبدا في مدينة العين و بنتقل من العين الى دبي و بيستوي شي بغير مجرى الاحداث بمجرد ما يصلون دبي ما بطول وايد وابكم كل شي تكتشفونه بروحكم.
