رواية حتى عذولي يقول اليوم وش صابك

البارت 4

بعد ما خطف يومين من سالفة البوكس الاسود الصغير بو سيف قرر انه يسير عند اخوه بو ذياب في المستشفى وما يبا حد من عياله او عيال اخوه يعرفون بس قال حق ولده منصور انه عنده مراجعه في المستشفى و بيخلي ولده يرد البيت و ما يبا بو سيف انه منصور يقول حق اخونه و حتى حق عيال عمه انه هو سار المستشفى يعني بالمختصر المفيد الموضوع كله يبا يكون بدس

بتقولون ليش بو سيف يالس يسير المستشفى عند اخوه بدس الحين بتي السالفه:

الله يسلمكم قبل لا يستوي الحادث قبله بيوم بو ذياب ياله اتصل وهو يوم شاف الرقم انصدام قال ليش اتصال بعد فتره طبعا رد هو على الاتصال و قال:

بو ذياب:السلام عليكم

الشخص:؟؟؟

بو ذياب:حق شو داقلي

الشخص:(مصر بعده انه ما يتكلم)

بو ذياب:قتلك ليششش داقلي ها ما كفاك الي سويته قبل 10 سنين

الشخص:(اخيرا تكلم) لا ما كفاني وتذكر كلمي زين يا سلطان باجر بسوي شي وانته ساير دبي

بو ذياب:انته بس جرب اسوي شي يا حامد لا وديك وراء الشمس

بند عنه بو ذياب و سار عندهم الصاله وهو بعده يتسئل حق شو دق عقب هي السنين كلها

طبعا انتو الحين تسئلون منو حامد الحين بقولكم منو حامد الله يسلمكم

قبل عشر سنين حامد كان اليد اليمين حق بو ذياب في الشركة و في نفس الوقت كان ربيعه وياه في كل الاجتماعات وفي الكل المحاظرت وياه بعد في كل مناسبه والي يشوفهم يقول اخوان ولا جنه ربع بس بعد فتره حامد بدا يتغير على بو ذياب بدا يشوف حامد انه بو ذياب عنده خير وايد و فلوس وايد يعني بالمختصر المفيد يعني يبا يسرق بو ذياب وهو فعلان قدر يسرق بو ذياب و سرق من عنده فوق 15 مليون و عقبه شرد برا البلاد طبعا بو ذياب يوم عرف بسالفه انجبر انه يسير يلحقه و يشوف ليش هو سوا جي طبعا بو ذياب بعد فتره لاعت جبده من هي السالفه و قرر انه يرجع البلاد و يرد انه يعدل على الموضوع و قال حق اخوه بو سيف السالفه كله من اولها لين اخره و لازم على اخوه بو سيف انه ما يقول السالفه حق حد حتى عياله و حرمته.

نرجع حق الوقت الحالي الوقت الي كان فيه بو سيف عند بو ذياب في غرفة المستشفى و يالس يكلمها عن سالفة البوكس االاسود الصغيرو كان يالس يقول

بو سيف: شكله حامد رد و ما بيرد على خير بيرد على شر و العيال امس يلسو يسئلوني منو هذا الي كاتب جي و منو يمكن انه ايذك طبعا ولدك ذياب عصب انه ليش يالس يهدد وانه منو حرف الميم

انتو الحين بتقولون الحرف الي كان مكتوب في الورقة حرف الميم بس اسم حامد يبدا بحرف الحاء و بتقلون هذا شو يخصه في هذا الله يسلمكم حرف الميم هذا ولد عم حامد و اسمه مايد وهو الي خبر بو ذياب على سالفة حامد و كيف سرق منه و كم سرق بتقولون هذا ولد عمه كيف اجراء انه يخبر عليه اصلن علاقة مايد ويا حامد جدا عاديه واكثر عن عاديه وايد سطحيه علاقتهم وكل واحد يكره الثاني بس مايد يحب بو ذياب و يحترمه بس حامد كان حاط عينه على حلال بو ذياب فعشان جي سرقه و الي طرش البوكس الاسود الصغير كان مايد انه يحذرهم من حامد ومن مصيبه الي بتستوي.

بعد ما خلص بو سيف من عند بو ذياب قرر انه يرجع البيت و يالس ويا عياله و عيال اخوه

طبعا انتو الحين اسئلون كيف بو ذياب عنده شركة وهو متقاعد هي الشركه كان مسوينه قبل لا يبدا في الجيش و عقب مساكه ولده ذياب الشركه و عقبه بو ذياب يوم اتقاعد من الجيش رد حق الشركه و ولحين ذياب مسك مكان ابوه في الجيش