THE LOST KING (RUTHLESS SINS SERIES 5)

CHAPTER THREE | Woman in Chains

How closely women clutch the very chains that bind them.

RUTHLESS SINS SERIES 5 | THE LOST KING

CHAPTER THREE | WOMAN IN CHAINS

AUDREY

Ang sakit ng buong katawan ko.

Lalong-lalo na ang pagitan ng hita ko. Hindi ako makaalis dito sa kama kahit gustong-gusto ko nang kumaripas ng takb. Hindi ako makagalaw dahil tulog na tulog ang lalaking nasa tabi ko. Naka-dantay pa nga ang kamay at hita sa akin. Malalim ang paghinga na mahinang humihilik pa.

Pinigil ko ang ang pagtulo ng luha ko. Ginawa ko lang ang gusto ni Mommy. Kasi kung hindi ko naman gagawin, siguradong ibibigay din niya ako sa iba. Naalala ko ang sinabi niya. Ang lola ko daw, pokpok. Siya, pokpok. Kaya ako, ganoon din. Magiging katulad din nila. Pero ayaw ko. Gusto ko ng ibang buhay. May pangarap ako. Magiging abogado ako.

Pero napatingin ako sa lalaking nasa tabi ko. Ngayong gabi, lahat ng pangarap kong iyon ay naglahong parang bula. Ngayong gabi, naging katulad din ako ng lola ko. Naging katulad din ako ni Mommy. Ginamit ang katawan para masunod ang gusto ni Mommy. Hindi ko na napigil ang luha ko at mabilis kong pinahid iyon tapos ay dahang-dahan inialis ang kamay na nakadantay sa katawan ko. Unti-unti akong umusog para maalis din ang hita niyang nakadantay sa mga hita ko.

Hindi muna ako gumalaw agad sa kama. Pinakiramdaman ko kung magigising ang lalaki pero mukhang malalim ang pagtulog niya. Hubad siya sa tabi ko. Kita ko pa ang nasa pagitan ng hita niya na bahagyang malambot. Ang lakas ng kabog ng dibdib ko. First time kong makakita ng ganito. Itinuturo lang ito sa amin sa school. Part of human body. Male and female reproductive system. Pati ang tungkol sa sex kung ano ang puwedeng mangyari once na nag-sex ang lalaki at babae. Puwedeng mabuntis. Magkaroon ng anak. Ano ang alam ko doon?

Napatingin ako sa purse kong dala. Nakakarinig ako na parang may nagba-vibrate. Sigurado akong galing iyon sa purse ko. Muli kong tiningnan ang lalaki na ngayon ay bahagya pang nakaaawang bibig habang tulog na tulog bago ako tuluyang umalis sa kama. Talagang siniguro kong hindi iyon makakalikha ng kahit anong galaw na magpapagising sa kanya.

Kinuha ko ang purse ko at binuksan iyon. Nagba-vibrate nga ang telepono ko. Nang tingnan ko ay si Mommy ang tumatawag. Hindi ko na muna sinagot dahil ayaw kong makalikha ng ingay dito. Dinampot ko ang damit kong nasa lapag at mabilis na isinuot iyon. Pati ang sandals ko ay nagmamadali kong isinuot. Huminto ang pagtawag ni Mommy. Mayamaya ay text message naman ang na-receive ko.

Nasaan ka na? Kaninang-kanina pa ako tumatawag sa iyo. Nag-sex na ba kayo?

Dumungaw ang luha sa mga mata ko. Iyon pa rin ang concern ni Mommy? Hindi man lang niya tinanong kung okay ba ako? Kung nasa maayos akong kalagayan? Bakit ganoon? Iyon lang ba ang mahalaga sa kanya? Ang malaman na naka-sex ko ang lalaking pinupuntirya niya?

Nang maayos ko ang sarili ko ay agad kong tinungo ang pinto. Hindi ko na nilingon ang lalaki at patakbo akong lumabas ng silid tapos ay dere-deretsong lumabas ng bahay. Hindi ako lumilingon. Lakad-takbo ang ginawa ko kahit nananakit ang pagitan ng hita ko. Ang lakas ng kabog ng dibdib ko. Iyak ako nang iyak hanggang sa makalayo ako sa lugar na iyon at napahinto ako sa gilid ng kalsada. Doon ako humagulgol at napaupo habang umaalog ang mga balikat ko sa pag-iyak. Ngayon ako nakaramdam ng takot sa nagawa ko. Natatakot, naaawa ako sa sarili ko dahil sa ginawa ko.

Muli ay nag-vibrate ang telepono ko at sigurado akong si mommy ang tumatawag. Agad kong pinahid ang mga luha ko at sinagot ang tawag niya.

"Mom," bahagya pang pumiyok ang boses ko habang patuloy na pinapahid ang luha ko.