○
●
●
○
....
كل إنسان يولد في هذه الحياة يكون له أهل وأقارب يكبر معهم ويعيش معهم مدى الحياة يرتبطون مع بعض بصلة الدم يقفون معا في كل وقت، في السراء والضراء، الحزن والسعادة ويشاركون الهموم والأحزان.
...
وقيل
ان الأقربون طعناتهم دائما تقتل ،لأنها تأتي من مسافات قليله
...
.
.
.
____
قبل 24سنه
في احد الليالي، دخل ابو بدر ومعه طفله رضيعه مايقارب عمرها اسبوع ،تقدمت ام بدر وكانت مصدومه بكت يوم سمعت صراخ الطفله توقعت ان زوجها سوى المحرم وجابها
ضربته بحرقه وقالت/حسبي الله عليك حسبي الله عليك حرام والله حرام صغيره صغيره ليش مشيت بدرب اخوك ليش؟!!!
هداها وقال/والله مو بنتي هذي بنت دياب تزوج الثانيه وانجب منها وعطاني ياها قال عنده شغل بالخارج وامها ماتبيها
ام بدر مسكت البنت ودموعها تصب صب/حسبي الله عليها وعليه ماعندهم رحمه هم
ابو بدر /قتل ابوي تبينه يرحم الصغيره
تقدم بدر الي كان عمره سنتين وماسك اخوه هلال الي كان عمره سنه ،أشر بدر على الطفله وسأل/من هذي ماما لعبه
ام بدر ابتسمت ونزلت بمستوى ولدها وورته الرضيعه/هذي اختك الجديده
بدر ضربها وقال/يع مابي اخت
بكت الرضيعه ،حاولت تهديها،تقدم ابو بدر ومسك يد ولده بدر وضربه بخفه على يده ورفع صوته/يدك هذي لاتضربها يابدر ذي اختك
بكى بدر ،وزعلت ام بدر من زوجها وقالت/صغير لاتضربه ياعقاب
ابو بدر/لازم نعلمه مايمد يده ان سكتنا بيزيد
ام بدر/يبقى صغير
ابو بدر بأبتسامه/ادري انتس تغلينه بس لازم يتأدب ،اشتكت اختي منه انه اليوم ضرب بنتها ترفه
ام بدر بضحكه/اخته ويبي يفرض سيطرته عليها عادي
ابو بدر تأمل الرضيعه بعد ماهدت ونامت بحظن ام بدر ،طالع بزوجته /عطاني اوراقها وطلع مو مسميها وش تبين نسميها
ام بدر بعد تفكير/وش رايك بضي
ابو بدر بأنتقاد/لاماعجبني
ام بدر بزعل منه/اسم امي علامك
ابو بدر بتفكير /وش رايك بمزنه
ام بدر/لا والله تسميها على اسمك امك؟
ابو بدر/انا الي جبتها بسميها على اسم امي مزنه
ام بدر/وليش تسألني من الأساس
ابو بدر/احب اخذ رأيك
ام بدر/دام تحب تاخذ رأيي ابي اسميها ضي
ابو بدر/لا موحلو
ام بدر/نذر علي ماتسميها مزنه
ابو بدر بأبتسامه/وان سميتها مزنه
أنت تقرأ
"جيبو لي نوره ،تضوي لي لياليلي "
General Fiction_ _ _ عمر المسافه ما ميزت يوم الاحساس ولا بدلت ناس بقلبي بدل ناس واذا هالدنيا خذتك مني وجودك تتعب لاجل تاخذ غلاك ▪︎ ▪︎ ماكل عين تذرف الدمع بأحزان وماكل من يضحك يعيش بسعاده •••••••••••• كم واحد دمعه على الخد هتان من زود همه يذرف الدمع...
