"جيبو لي نوره ،تضوي لي لياليلي "

"4"

____
○
●
●
○
....
عند الحريم

خلصت ام بدر من تجهيز نفسها وكانت قمر بمعنى الكلمه ولابسه الذهب الي جابها لها ابو بدر ،دخلت نوره ومعها ترفه ونادتهم ام بدر عشان تلبسهم الذهب وتحصنهم
،لبست ترفه وبعدها نوره وحصنتهم وكانت الابتسامه ماليه وجه نوره وكل ثانيه تستعجلهم عشان يروحون بدري

.. .. ..

خلصو من التجهيز وركبو وكانو ينتظرون ابو بدر وكان يتصور معهم وناسيهم ،دقت عليه ام بدر وطلع وكان معه بدر وهلال وثامر وهادي ومهند وباقي الرجال راحو لسياره ابو ترفه وروحو قبلهم، ركب السياره بعد ماسلم وردو السلام ونوره بدون سابق إنذار ركبت قدام وكان زحمه بس صامله الا تركب قدام ،حاولو فيها ترجع ورى بس بكت الا تبي تجلس جنب ابو بدر (دلوعه والله بكف يرجعها لمكانها )

جلسها ابو بدر بحظنه وكانت ماسكه دركسون السياره ومسويه يعنني تسوق معه وهو يسولف معها وهي تسولف ،وثامر يبتسم لنوره ويحصنها وهادي يدعي ربه مايصير حادث ويموتون،وهلال كان جالس جنب ابوه ويبتسم معهم وأحيانا يسولف، وبدر يلعب مع مهند ،والبنات الصغار كانو يسولفون ورى ،كانت نوره تتأمل الطريق لين ماشافت ضو القمر وكانت تأشر عليه وتلف وجه ابو بدر عشان توريه

نوره /شوف قمر قمر

ابو بدر تأمل البدر وتذكر ابيات كان حافظها/‏

"حظ المكان اللي يضوي فيه قمرين
قمر السما و قمر وجهك المعتاد"
منقول*

وطالع بنوره وكانت نوره تطالع فيه وتبتسم وغمازاتها باينه مسك خدودها وقال/‏

"عيونك أجمل من السماء بنجومها
وضحكتك أجمل من البدر لا أكتمل"
منقول*

ثامر صفر وقال /صح لسانك ياعمي انا انشهد انها أجمل من القمرا

أبتسم ابو بدر وقال/صح بدنك ياولدي

هادي غمز لأبو بدر /اخسس حركات ياعمي قول لي شعر تكفى

ابو بدر/لا الشعر كله لنوير

هادي مسك قلبه وقال بزعل/طيب اجبر بخاطري لاتقولها على طول

ثامر/هههههه احسن وهو صادق ماتزين الشعر والقصايد الا على نوره

هلال خرج عن صمته وقال بيت شعر قد قالها ابوه وحفظها/‏
شفت القمر لا طرَِف اللَيل يضويك
أنت القمر . يضوي الديار البعيده ..
منقول*

واشر على نوره وقال /

اللي يقول إن القمر . . . ماله شبيه
ما يدري إن نورك طمسّ نور القمر ؟
ما فيه وجهٍ يشبهك . . بين الوجيه
أقرب شبيه لـ وجهك الموت الحَمر
منقول*

ابو بدر قبل راسه وقال /صح لسانك ياولدي

هلال أبتسم وقال/انا اذا كبرت بصير شاعر وكل شعري وقصيدي يكون عن نوره