"جيبو لي نوره ،تضوي لي لياليلي "

"3"

____
○
●
●
○
....
بالليل

بالحديقه كانو مسويين جلستين ،وبعيده من بعض شوي وحده للحريم ووحده للرجال ،الا سمر كانت جايبه لها كرسي وماتبي تجلس على الارض قلك ماتبي توسخ عباتها ،مااهتمو لها الحريم بالطقاق لو تروح تكون مسويه فعل خير لهم  لأن عدمها ووجودها واحد ، نوره وترفه كانو جالسين معهم  ويطالعون للصغار وهم يلعبون والدمعه معلقه بعيونهم رافضين ام ترفه وام بدر انهم يلعبون معهم خايفين يطيحون بالمسبح ،ماتحملت نوره وبكت وترفه اول ماشافتها تبكي بكت معها وقلبوها مناحه ،ام ترفه سافهه بنتها وتسولف مع ام خوله ،اما ام بدر ماقدرت تتحمل بكاء نوره كانت ضامه يدها اليمنى ومغطيه وجهها فيها وتبكي

مسحت على راسها  وقالت /ياماما اخاف عليك تطيحين بالمسبح بعدين تموتين

نوره /مابي ابي العب والله ما اروح للمسبح والله بلعب بعيد

ام بدر كانت بتوافق بس قالت لها ام ترفه/انتبهي ياام بدر والله اني خايفه عليهن من المسبح ذا ادري فيهن شيطانات

ترفه بصراخ وكانت تبكي وتشاهق/والله مااروح له انتي ماتثقين فيني

ام ترفه/ياخوفي تسحبين على كلامي وتنطين بالمسبح

ترفه /والله والله مااسويها

ام ترفه /خلاص رو

ماكملت كلمتها الا وقامو طيران لهم وكانو يصارخون من الفرحه والوناسه ،كملو الحريم سوالفهم وام ترفه كانت مو يمهم وعيونها على البنات خايفه عليهم

انتبهت لها ام خالد وقالت/لاتخافين بينتبه لهم سامر

ام ترفه/ياخوفي يروحون له وينساهم سامر

ام ثامر/ماعليك مايصير لهم شي

ام خالد التفتت لسمر/الا متى عرس اختك قمر

سمر/بعد اربع ايام ان شاء الله

ام هادي/بكره بنروح للسوق ونقضي الفساتين

ام خوله/ان شاءالله اذا امدى الوقت

سمر/بقول لسامر يودينا الصبح

ام خوله/تمام

.. .. .. 
عند الصغار
كان مجمعهم سامر ويلعبهم ويسألهم الغاز وكذا ،انضمو لهم ترفه ونوره وجلسو جنب بدر وهلال وعاد فرحه هلال ماتوصف نورته جالسه جنبه  وبنفسها ومحد قال لها بعد ،يتذكر كان كل مره يسوون جمعه تجلس جنب فهد والله لايوريكم وقتها كيف كان يتضايق وأحيانا توصل لمرحله البكاء ،يحبها وحبه وصل للتملك بس هي ماتعتبره الا اخوها وهذا الي يضايقه واذا زعلت منه تقول بروح لزوجي فهد ويضربها ضرب من غيرته (الرجل الشرقي القيور ههههه)

انتبه لهم سامر واشر عليهم /جونا ناس جدد عرفونا عليكم

ترفه وهي ترفع صوتها/انا ترفه بنت خالد بن فلان بن فلان بن فلان بن فلان الفلاني