"جيبو لي نوره ،تضوي لي لياليلي "

"5"

____
○
●
●
○
....
بالرياض
جالسه مع اختها ام فهد وتهوجس ولاهي بيم اختها ابد، شايله هم عيالها وزوجها دياب ووضعها بشكل عام ،
اوقفها شرودها على صراخ بنتها عهود

جت عهود وهي ماعطه شعر اختها الصغيره لولوه/ Mam Lulwa stole my doll [مام لولوه سرقت دميتي]

لولوه بصراخ/She's my doll [انها لعبتي]

عهود بعصبيه /she's lying [انها تكذب]

قامت ام إبراهيم وفرقت بينهم وعطت الدميه لعهود وجلست لولوه بحظنها تبكي وتردد كلمه دميتي دميتي ،طالعت فيها ام فهد بيأس من بعد ماجت الرياض وهذي حالتها ساكته وتهوجس حاولت قدر المستطاع انها تسليها وتفتح مواضيع معها بس ماتلقى منها غير الصمت ،جت امهم وكان معها صينيه القهوه والشاي ،قامت ام فهد وخذتها من يدين امها وجلست امها جنبها بعد ماسلمت عليها وربتت على يدها

ام فادي/ها يمه كيفتس الحين

هزت ام ابراهيم راسها بزين ورجعت لشرودها ،طالعت ام فادي ببنتها ام فهد بيأس وكانت الدمعه معلقه بعيونها

ام فادي /يايمه تكلمي قولي اي كلمه

مالقت منها غير الصمت ،جاء ولدها الكبير ابراهيم ذات العمر 11 وهو ينادي لولوه عشان تلعب معهم قامت لولوه بعد ماهدت ونست الزعل وراحت معه ، مدت لها ام فهد فنجال القهوه وكانت ام ابراهيم بتمسكه الا وطاح على الارض والفنجال تكسر مسكت يدها الي انحرقت بسبب حراره القهوه ،مسكت يدها ام فادي وتنفخ فيها عشان يخفف من الالم،وام فهد راحت تجيب الاسعافات الاوليه، دنقت ام ابراهيم راسها وبكت، انصدمت ام فادي وحظنتها وكانت تهديها

ام ابراهيم قالت وكان صوتها فيه غصه/تعبت منه والله تعبت

ام فادي وهي تربت على ظهرها/بسم الله عليك يابنتي تعبتي مِن مَن؟

ام ابراهيم/منه يايمه منه لاهو مهتم فيني وفي عيالي كل وقته مقضيه معها او برى البيت

ام فادي/ربي بيعوضك ياميمتي اصبري

جت ام فهد وكانت مصدومه من حاله اختها/بسم الله عليك وش فيك

ام فادي ماحبت تقول لها السالفه عشان لاتكبر الموضوع وتضايق اختها/تعبانه شوي

ام فهد وهي تعالج يد اختها/الله يقومك بالسلامه وانا اختك وترجعين لنا زي قبل واحسن

.. .. ..
عند نوره
كانو كل الاولاد والبنات يلعبون كوره مع سامر ،ماعدى ثامر الي كان يرسم ومركز برسمه وهادي الي يتفلسف على ثامر ومعه دله الشاي وماغير يشرب فيها، فز هادي من مكانه بعد ماسمع صراخ امه وهي جايته وكانت لابسه عباتها عشان الرجال لايشوفونها وتنادي بهادي

ثامر طالع بخالته والتفت لهادي وقال/جاك الموت ياتارك ،ياويلك وش سويت هههههههه

التفت هادي على ثامر وكان ينتفض من الخوف وقال له/ والله ماسويت شي ،ادعيلي بالرحمه ولا تنسى وصيتي الي قلتها لك