"جيبو لي نوره ،تضوي لي لياليلي "

"6"

____
○
●
●
○
.. .. ..
بالرياض[ عند ام فادي ]
الحمدلله قدرو انهم يونسون ام ابراهيم في بعض السوالف والمواضيع الي هي تنجذب لها ،سكرت ام فادي اتصال كان من اختها من الرضاعه وبنت خالتها ام خالد ،وقالت لها لازم يزورونها اليوم ،التفتو على امهم الي كانت تكلمهم

ام فادي/اتصلت علي اختي ام خالد واصرت علي الا اجيها وانتو لازم تكونون معي

ام فهد بأبتسامه/انا جايه والله وابي اتونس مع ام بدر وخواتها

ام ابراهيم كانت تبي ترفض بس ماتبي تكسر بخاطر امها/وانا معكم

ام فادي بفرح /صدق

ام ابراهيم بأبتسامه وهي تحرك راسها بالموافقه/اي

قامت ام فادي وحظنتها وهي تبكي/الحمدلله يايمه واخيرا رجعتي لنا

ام ابراهيم وهي تحظنها زياده وماتكلمت، حطت ام فهد يدينها على خصرها وقالت وهي تمثل الغيره/اي احظنو بعض وانا مثل الجدار

تكلمت ام ابراهيم وقالت لها بأستفزاز/موتي حره امي تحبني أكثر منك

ام فهد رفعت حاجب وقالت/اي اخر العنقود اكيد تحبك

ام فادي ضحكت وقالت/هذا وانتو كبترو وعيالكم بيصيرون بطولكم وباقي تتهاوشون على نفس الموضوع، اقولها من الاخير ماأحب الا فادي

ام فهد وام ابراهيم صرخو بنفس الوقت/يمهههههه

ام فادي/وصمه ،امزح معكن ،يلا انا بروح اتجهز خمس دقايق والقاكم جاهزات

ام فهد وام ابراهيم/ان شاءالله

ورقت ام فادي الدرج

ومسكت ام فهد يدين ام ابراهيم وقالت لها/نوره بنت دياب موجوده مع ام بدر حاولي ماتحتكين فيها تراها تس تس

ام ابراهيم وهي مصدومه من كلام اختها/البنت صغيره وش ذا الكلام لاتخليني ازعل عليك

ام فهد بكره لنوره/ماقلت الا الصدق البنت تس تس عبت راس ام بدر وام ترفه علي وكله منها، وتلاحق بعيالي

ام ابراهيم بعصبيه/قولي انك تكرهينها وبس لاتقولين كلام يضرها ويضرك مستقبلا، اقسم بالله ياام فهد لاازعل عليك

ام فهد بصراخ/حتى انتي غيرتك علي هذا وانتي ماشفتيها اجل كيف لو شفتيها

ام ابراهيم وقفت وقالت/لأني ماارضى الظلم وانتي قاعده تظلمينها يابنت خافي ربك ،اذا هي بنت طيف وتكرهين طيف والبنت مالها دخل لا بأمها ولابأبوها

ام فهد كانت بتتكلم،بس سكتتها ام ابراهيم وكانت تبكي/حرف واحد تقولينه لااني اختك ولااني اعرفك

وطلعت لفوق وهي تمسح دموعها ،جلست ام فهد بالكنبه بقهر كيف قلبت عليها فجأه وهي ماسوت شي غلط بس حذرتها من السوسه نوره
.. .. ..
عند عائله ابو سلطان
كان جالس يبارك للمعرس الي كان اسمه(منصور ) رجل شاب بعمر 28 ومتوظف واموره زينه ،وقف وسلم على سلطان وقال لهم يبي يشوف البنت ،وبالعكس مارفضو