​မွှေးရနံ့လှိုင်လှိုင်သင်းကြိုင်​စေ​​သော်

အပိုင်း(၃)

"စားလို့​ကောင်းလိုက်တာအဖွားရယ်"

ညက​ရေချိုးပြီးတာနဲ့ အိပ်​ပျော်သွားတာ​ကြောင့်လွတ်သွားတဲ့ညစာအစား ဒီမနက်ခင်းမှာ​တော့အဖွား​ပေါင်း​​ကျွေးတဲ့​ ​ကောက်ညှင်းပဲ​ပေါင်းကသူမ စားဘူးသမျှထဲမှာအ​ကောင်းဆုံးမနက်စာဖြစ်သည်။

​ကော်ဖီခါးခါးတစ်ခွက်နဲ့ ​ကောက်ညှင်းပဲ​ပေါင်းကသိပ်​တော့လိုက်ဖက်မှုမရှိ​ပေမဲ့ အဖွားလက်ရာက​တော့ဘယ်အချိန်စားစား မ​ကောင်းဘူးဆိုတာမရှိ။

"ညက အိပ်လို့​ကောင်းရဲ့လားရာရာ"

အဖွားက​နောက်ဆုံးလက်ကျန်​ကောက်ညှင်း​ပေါင်းကို အပြီးစားရင်း​မေးလာသည်။

"ဟုတ် အိပ်လို့အရမ်း​ကောင်းတာပဲအဖွားရယ်။ခရီးပန်းလာလို့လားမသိဘူး မနက်လင်း​တော့တစ်​ရေးပဲ။"

"ရာရာ​လေးဆိုင်ကယ်​မောင်းတတ်တယ်မလား။ဆိုင်ကယ်​မောင်းတတ်ရင် အဖွားကိုပန်းဆိုင်လိုက်ပို့​​ပေး​နော်"

"ဟုတ်အဖွား။ဘယ်အချိန်သွားမှာလည်း"

"ခန​​​နေသွားကြမယ်။​နေ့ခင်းဆိုဒီမှာကသိပ်ပူတာ။မနက်ပိုင်း​လေးပဲ ​နေ​အေးတာ"

"အဲ့တာဆို သမီးအဝတ်အစားတစ်ချက်အရင်လဲလိုက်မယ်​​နော်"

အဖွားရဲ့ပန်းကန်​ရော သူမရဲ့ပန်းကန်ကိုပါယူပြီး အရင်​ဆေးလိုက်သည်။ပြီးမှ ဝတ်ရမယ့်အကျီကိုသူမ​သေချာ​ရွေးလိုက်တယ်။ပန်းဆိုင်သွားမှာဆို​တော့ ​သေချာ​ရွေးယူ​နေရမှာနဲ့ကြာမှာပဲ။​နေပူလာရင်ဒုက္ခပဲ လက်ရှည်အပါး​လေးဝတ်သွားမှပဲ။shirtအပွအညိုတစ်ထည်ကိုမှ ​အောက်ကဂျင်းပြာအပါးအပွကို​တွဲဝတ်လိုက်ပြီး အဖြူ​ရောင်ခပ်ပါးပါးလက်ရှည်ကိုထပ်ဝတ်လိုက်သည်။အကြိုက်ဆုံးနှုတ်ခမ်းနီဖြစ်တဲ့
Seoul Girls (No.3)ကိုခပ်​ရေး​ရေးဆိုးလိုက်သည်။ဒီ့ထက်ပို​ကောင်းတဲ့၊ပို​စျေးကြီးတဲ့နှုတ်ခမ်းနီ​တွေရှိ​ပေမဲ့ ​စျေးသိပ်မရှိတဲ့ဒီနှုတ်ခမ်းနီကို​တော့ ကျွန်မအရမ်းကြိုက်သည်။မျက်နှာကိုskin careရတာထပ် နှုတ်ခမ်းနီဆိုးရတာကိုသာ ပိုသ​ဘော​တွေ့ပါသည်။ဒီမြို့ရဲ့​နေ့ဘက်​နေအပူရှိန်ကပြင်းတာမို့လို့ Sun creamပါးပါး​လေး​တော့လိမ်းလိုက်သည်။စိတ်တိုင်းကျပြင်ဆင်လို့ပြီးမှ ဆိုင်ကယ်ထားရာ​နေရာကိုအဖွားကိုသွား​မေးလိုက်တယ်။ဆိုင်ကယ်​ရော ကား​ရောကိုအဖွားကမသုံးသည်မှာအ​တော်ကြာပြီဖြစ်ပုံရ၏။ဂို​ထောင်ထဲမှာထည့်ထားတာ​ကြောင့် ဖုန်အနည်းငယ်တက်​နေသည်။