في كل بلاد العالم المجنح هو أداة لحفظ باطن القدم من الاتساخ والإصابة وللفصل بين باطن القدم والأرض.
لكن في مصر كل أم عظيمة طلعت باستخدامات مختلفة للمجنح .
عظيمة يا مصر طول عمرك ولادة.
المهم المجنح بيستخدم كأداة حرب في:
التخلص من الحشرات.
بيستخدم كوسيلة عقاب وتهديد للطفل المشاغب إلي مبيذاكرش .
بيستخدم كإهانة للأشخاص الوقحين.
وبمرور الزمن ارتبط عندنا قلبته بالفال الوحش ووصل الأمر لتحريم قلبته.
شوفتوا عظمة المجنح
أما بقى عن سبب تسميته بالمجنح لأنه بيطير أيوة والله بيطير تبقى ماما في الصالة بتقشر بطاطس وأنت عامل فيها بتذاكر في الأوضة تقفش ودن ماما رنة الموبايل فتعرف إنك صايع مش بتذاكر تلاقي المجنح بيحلق في الهوا من الصالة لمكتبك ويا سلام على براعة الأم المصرية في النشان بتنشن بالمجنح على قفاك وبيوصل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعد ما ربنا يمن عليكي بشوية نشاط وتقرري تفركشي مع السرير عشان تساعدي ماما في المطبخ و يطلع من اللامكان كائن مقزز ب٦ رجلين وشنبات طوال تصرخي تقوم ماما بالمجنح مخلية وش أمه شوارع معنتيش تفرقي بين شنبه ورجله رقم ٥ .
شوفتي عظمة المجنح .
أحب أوصل رسالة شكري لكل مجنح وأنصح إلي بيستخدم المجنح يحسنوا معاملته عشان الراجل تعبان معانا خالص من تعدد مهامه وخاصة المجنح المصري وأتمنى زي ما فيه منظمة حقوق حيوان يبقى فيه منظمة حقوق مجنحات .
هذه الخاطرة مرت بعقلي وأنا بسلق البيضة امبارح عشان أتعشى وخارج من المطبخ فودعت المجنح .
متنسوش تدعوا لأخوكوا المجنح
وشكر واحترام لكل الي بيقرر يفسح المجنح فبيروح بيه خروجاته وبياخده معاه المدرسة والدروس عشان يبقى مجنح متعلم أنتم فداء للمجنحين .
