في ناس تحس إنها مخلوقة عشان تعترض على أي حاجة تعترض على لون السماء ليه مش بينك، عدد ألوان الطيف ليه ٧ ومش ٨ أو ٩، جسم أبو الهول مش جسم قطة ليه جسم أسد، جبل افيريست ليه في آسيا مش في أفريقيا.
بص من الآخر هي وظيفتها إلي اتعينت فيها ومتسالش مين عينها هي جت كدا فردة إنهم يعترضوا.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يعني كمثال لو قولتله النهارده الشمس ساطعة والجو حر استحالة تشتي.
هيقولك بس أنا شايف سحابة أمل حاملة أمطار مدفونة في أعماقها الخفية
دا ميتردش عليه غير بحاجة واحدة أمل دي تبقى خالتك
لو قولت الدنيا هتمطر والسحاب مالي السما هيقولك بس الشمس تسطع من جوف الظلام وتنجلي بها السحب، وهيعمل فيها النابغة الذبياني ويلقي شعر كأنه في سوق عكاظ.
ولا لو جيت توصفله طريق :امشي يا ابني يمين. هتلاقيه تلقائيا راح شمال حتى لو حودة سد هو هيروح شمال عشان يخالفك بس
ولو قررت تبقى إنسان محترم وتعزم عليه يقولك مباكولش وأول ما ينزل الأكل يقول بسم الله ويشمر و ينزل في الطبق ولا أجدعها طور في برسيمه .
دا غير إنهم ممكن يعترضوا وهما مش فاهمين حاجة ولا عارفين أنتم بتتكلموا في إيه ولا وضع الموضوع إلي بتتناقشه فيه من المنطق هو دخل لقى حوار بيدور مش فاهم حاجة فرمى في وسط الكلام أنا حقيقي اعترض.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هتقوله الصدق هيكذبك هتقوله الصح هيغلطك هتقوله العدل هيظلمك هو طبيعته كدا عنده جين زيادة عن باقي البشر اسمه الاعتراض بلا هدف.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عارف تامر حسني لما غنى ملكة العالم في النكد هما دول ملوك العالم في الاعتراض وميعرفوش يعملوا حاجة غير الاعتراض حياتهم كلها اعتراض للاعتراض ليس إلا
الناس دي بجد صعبة لو تعرفها شخصيا عاملين زي الشخصية الميؤوس منها في الكرتون إلي كله بيحذره ميضغطش على الزرار الأحمر فيروح يدوس عليه.
والتعامل معاهم متعب عايز تتفاهم معاهم لازم تبقى زي مرايتهم
