عارف لما ربنا يتوب عليك وتقرر ترتب دولابك فترمي الهدوم كلها فوق السرير وتطلع الشماعات وتعلق على كل واحدة طقم طقمين تلاتة على حسب تحملها وعدد الهدوم المهم إنك متطبقش حاجة وتحطها على الرف كله لازم يتعلق على شماعة وفيه ناس بيوصل بيها وسواس الرف إنها تخترع شماعة حتى لو من قلم رصاص عشان تعلق الهدوم مستحيل تطبقها وتحطها على الرف لازم تسيبه فاضي .
هدفي من الموضوع إيه ؟
ببساطة في ناس بتحب تريح ضميرها ومتأنبش نفسها على اختياراتها وفشلها وحياتها فبترمي فشلها على غيرها على الأهل الأصدقاء الأقارب ظروف الحياة لكن عمرها ما هتقول أنا غلط أنا كسلت أنا طنشت أنا هربت خفت من النتائج هتفضل تستخدم الناس كشماعات تعلق عليها فشلها بدل ما تحط فشلها على نفسها وتأنب نفسها عشان تتحسن بتحب ببساطة تعيش دور الضحية الرف الفاضي .
لو أنت من الناس دي الحق نفسك خليك فاكر إن ظروفك أهلك مش باختيارك دول قدرك لازم ترضا بيهم وتكمل وإذا كانوا صعبين فتأكد إن فيه إلي عنده أصعب وأسوأ من إلي عندك وصبر وكمل وحسن من نفسه ونجح في حين إنك واقف مكانك .
في الختام بلاش تعلق فشلك على الناس لأن الفشل مش هدوم والناس مش شماعات.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
