أمَرُها عَجِيب ، كتاباتُها بَـائِسة .
ووجّهها ضِاحِك ، بـِداخـلهُا حـرب .
"وضَاهَرها سـلاٌم " .
لـ فاء
------------------------------------------------------
..مرت تجهيزات لحفلة طبات وطلعات متتالية على خوف وتوتر وقلق من لـ أيام لجاية رغم حسب معرفتي ألهم خوش ناس بَـس يبقة لخوف بية وحيدر تصالاتة ما بطلت يومية يتصل ويسئل أذا محتاجة شي أو ناقصين شي
- كملت كل لتجهيزات وحجز لقاعة وكلة بأشراف حيدر
گلت ما أسوي حنة مابية حيل وتعب ، حيدر ماخلة شي بنفسي كلش زين وشيختار يسئلني أذا يعجبني أو ـلا
باچر لعرس وليوم رحنة نشوف بدلة لعرس وأقيسها أخر مرة ونشوف بدلات جدد ـلأن ليوم منزلين ، رحنة للمحل ودورنة لبدلات طلعلنة مال قاعات
ختاريت غير وحدة عجبتني تصير تلة چبيرة ردان خفيف بي لمعة بيها فتحة من لصدر تلمع كلش حلوة عجبتنة أجرناها
وطلعنة نفتر ونشتري لنواقص ولحتياجات كملنة ورجعنة
بليل أجة هيثم للغرفة فتح لباب ودخل عيونة يلمعن وبتسامتة على وجهة
- كلحيلي عروسة ، أنسي كلشي صار وياچ وأبدي حياة جديدة ونشالله حيدر يسعدچ ديري بالـچ على نفسچ وبيتچ حتتغير حياتچ ، وأنة نشالله ما أگطع وبوقت فراغي أجيلچ وشوكت متحتاجيني تلگيني يمچ تذكري دوم عندچ أخو يفضلچ على روحة يابعد روحة ،
تقرب طبع بوسة دافية على گصتي وحضني نزلت دموعي وأني أحس بحنانة ، راح ينام وأني طلعت للمطبخ أجيب مي
لگيت أمي بلمطبخ مدري شنو تدور حست بية دخلت لتفتت باوعتلي ودارت بدون متحچي شي
تقدمت للثلاجة فتحتهة وأخذت بطل مي ، ونتچيت علكاونتر
- باچر عرسي مناوية تگولين شي ؟
- لتفتت تباوعلي وگالت ، شگلچ مثـلاً ؟
- تدرين لو ما خايفة على نفسي منچ وأعرف عندچ ولو شوي رحمة مچان قبلت بَـس أدري بمدة كرهچ ألي ، ذمة برگبتچ كل أذية صارتلي بسببچ وأعرف ماضيي وأني طفلة كلة من جوة أيدچ ، شنو أحساسچ وبنتچ هيچ تحاچيچ ؟ أنتي لوصلتي نفسچ لهلحد خليتيني حتة ما أشوفچ أم أو بلصح ماشوفچ أساساً ، تسألين نفسچ ليش مو ؟ ـلأن ولا بفد يوم صرتيلي أم ، وـلا لگيتچ بيوم چنت محتاجتچ بي وتدرين ألبنية تحتاج أمهة هواي ، هواي عانيت بسببچ وأكيد حيضلن بروحي ما أنساها ، أتمنة يجي يوم وتحسين على نفسچ وتندمين على لسويتي وتگولين هاي بتي لشايلتهة برحمي حالي حال ذكني ،
يجي لـيوم لحصير بي أم ساعتهة أملي بنتي حنان وما أخليها بحاجة شي وأسندها طول ماهية عايشة وأعيشهة أميرة على عرش وأسوي كلشي بنفسي ما سويتي ألي ومن تتمرض ألمهة بحضني وأنام يمهة وأسهر عليها ، وأشجعها بدراستهة ، وأخر شي أگولة ألچ أبد ما أستاهل أصير بنت لـ أهل مثلكم .
أنت تقرأ
حروف متناثرة .
ChickLitخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
