أليلة كل شوغات روحَي
كل بواچيها وحزنها
لتمت بروحي وذكرتك
شلون أقنعهن خسرتك ؟
#حروف_ متناثرة
لـ فاء ،
أنستا _so. 7r
..
أبراهيم : مصطفى أبـوي
مصطفى : شنو أبوك شبي عمي ؟
سكتت ثواني وبَـس صوت لخبصة
ولهوسة ليمة ينسمع
- لك أحچي شنو شبيك شصاير ؟
أبراهيم : مصطفى ألحگلي تعال محتاجك
نهديت
مصطفى : بَـس أهدء وحاچيني وين أنتة ؟
أبراهيم : ستعجل أخيك بـمستشفى ****
- أي أي جايك
قفلت لجهاز ورجعت للسيارة بسرعة
ركبت لسيارة ورحت طاير للمستشفى
روحي راحت أسوق وأدعي كون مابي
شي
وصلت للمستشفى نزلت بسرعة لـ أمة
مگلوبة أباوع ناس شگد كلها ـلابسة عسكري
وضباط مالين لمستشفى ومخبوصين ويصيحون
صياح
صار بوجهي واحد طالع يركض لزمتة بسرعة
- وينة خو مابي شي
- راح يموت يمعود
حچاها وحسيتهة سچينة بگلبي گبل
أجت بالي ريم ، عافني وراح رحت لغيرة
بلكي يطلع غلطان بعدني ما حاچي وهوا
حچة بسرعة
- يا اللـه بي نفس يگولون صيح عليهم
بسرعة
عفتة ودخلت ـلأن ذول ما ينفهم منهم
شي
أجاني من وسط لمستشفى أبراهيم
يمشي بخطوات بطيئة وعيونة ثابتة
رحت أمشي بتجاهة وصلت يمة وگبل
حضني وبچة ،
أبراهيم : مصطفى أبـوي راح
مصطفى : كافي حبيبي أبراهيم أن شاء اللـه
مابي شي أمسح دمعك وأمشينة نشوفهم
مو گالو رجع نفسة
شوي وضلو يتصايحون وكلها نطقت نفس
لكلمة لخلت أبراهيم ينهار
- مات
ضل لكل يصيح ، ـلا أله ألا اللـه ، ولـ أصوات
عالية حيل
أبراهيم : ريـم ريـم شلون بيها أذا درت
ولك لحد مساع ويوصي بية
مصطفى : إنا اللـه وإليه راجعون ، ألبقية
بحياتك كلنة على هاذ لطريق أبـوك محتاج
وگفتك تشوف هاي لناس كلها مو مال تضل
تبچي لبچي ما راح يرجعة وهم تأذي
هز براسة ساكت وبَـس يبچي
- شنو شصار هوا ؟
أبراهيم : حادث عود راحو زين وشمس وراد
يروح وياهم
شوي شوي ضلت لهوسة تزيد أجو گومو
أبراهيم خذو بغرفة ـلأن تخربط
جهازي بجيبي وبَس يدگ أريد أطلعا
أشوف منو ما أگدر
أنت تقرأ
حروف متناثرة .
ChickLitخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
