#حروف_متناثرة .
لتنسن لـ تصويت🤎.
من شفت نفسي بلمراية .. بچيت
غمضت عيني وكسرت مرايتي
وأنة هسة براحتي ماريد أعيش
"؏ لـ أقل خلوني أموت براحتي
******************
رفعت لجهاز وفتحت لخط رديت بعدم
هتمام
- منو وياي ؟
أجاني صوت بنيـة أول ماعرفتهة صفنت
شوي مركز بي
- هلو مصطفى ، ألـو
- ها وياچ
- عرفتني ـلا
- أكو غيرچ شمس لزگة بَـس أن شاء الله
أكون متوهم
حچت بتموع : ههه ـلا أني شمس
- ها خوش شتردين ومنيلچ رقمي ؟
- جبتة من أبوي علمود أحاچيك بموضوع
مهم كلش
- يلة أحچي أسمعچ ؟
- مو مال أتصـال تعال لبيتنة نحچي
- شبيچ بنتي وين أجي لبيتكم
چنچ رحتي زايـد ؟
- أي مو والله لموضوع مو مال أتصال
وهوا بَـس نحچي وترجع ولبيت محد
بي
- دمشي لچ خريانة ، فصلت لتصال
ورجعت لجهاز ؏ لميز ورجعت أكل
ضلت تتصل هواي شوي وسكتت
كملت أكل دفعت لحساب وطلعت
توني دصعد بلسيارة ورجعت تتصل
رديت عليها
- شلزگتي رحمة للحسين
أجاني صوتهة وهية تبچي
شمس : دگلك تعال شبيك متصدگ
والله موضوع مهم يخصك وأني هم
أريدك تساعدني
- تحچين صدگ وين أجي يعني
شيصير لو تحچين بلجهاز وثانياً تگولين
بيتكـم فارغ أنة شلون أجي وأنتي لوحدچ ؟
- ترا أحنة محنسوي شي مجرد
نحچي ونلگي حل وترجع وأختي هم موجودة ،
بلبيت الله يخليك تعال بـسرعة ،
سكتت متنهد ويوصلني
صوت شهگاتها
- جاي جاي بَـس وحگ أبو فاضل
أذا موضوع بايـخ أطيح حضچ
- ـلا والله يلة أنتضرك ، سديت لخط
ومشيت متوجه لبيتهم
دگيت هورن طلعت أختها فتحت لباب دخلت
لسيارة ونزلت تقدمت علي مبتسمة
لوجين : هلو شلونك
مصطفى : تمام ، متصيحين أختچ تجي
مستعجل ترا
لوجين : ثوانـي دتعال أدخل جوا قابل
تحچون هنا
ذبيت نفس بضوجة ومشت ومشيت وراها
فتحت باب لصالة
- أدخل خل أصيحها تجي ،
هزيت راسي وگعدت على لقنفة شوي
ونفتح لباب رفعت راسي دخلت شمس
تضحك وبيدها صينية بيها عصير تقدمت
خلتهة علطاولة
- شلونك
- زين
- شسالفتك هلگد عنودي شلعت گلبي
أنت تقرأ
حروف متناثرة .
ChickLitخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
