كلها منِك !
شوغتي الرافگت ليلي
والدموع التچوي خدي
وطيحتي بالمغربية
وانعزالي الأَذة اهلي
وظلمة الغرفة التغثهم
من يشوفني ضگت طعم الأذية .
#حروف_متناثرة .
لـ فاء ،
أنستا : _so. 7r
ريم ::-
مرٍ أيام لفاتحة وبيتنة فرغ كلها راحت
مصطفى رجع للبيت ما گدرت أرجع ويا
فَ بقيت ببيتنة
طلعت من لغرفة عيوني على أمي ألي
ما بطلت بچي ، حاضنة ملابس شمس
وزين لگلبها وتبچي بحرگة
- عمت عيني بعدكم يمة ، أخذكم لتراب
من حضني يابعدها لروحي
وجهة أصفر وأيديها يرجفن وتشهگ
وتحچي حتة حچيها ما مفهوم
بمشيتي للمطبخ نزلت لوجين من فوگ
ضاربة لـ أمة بعرض لحايط لازمة جهازها
وتركيزها بي
لوجين : أيع شنو هاي لبيت مليان كأبة
شسالفتكم
- ولچ لوجين راحو خوانچ
توجهت نضراتهة لمليانة حقد ألي وگامت
بسرعة
- تعاي لچ كلبة واگفة تتشمتين بية مو
تردين تشبعين عيونچ بشوفتي هيچ
لزمتني بقوة من ياخة ملابسي أوخر
بأيدها أريـدها تفك مني أبد لازمة بية
حيل وفوگاها زودتها لوجين
ريم : صابچن لرضا وخخرنن عني
أخ يمة خنگتني وخخررنن
دفعتهن وركضت للغرفة مدت أيدها
تريد تاخذ أخر ضربة بَـس ما گدرت
ضليت گاعدة بلغرفة وخايفة أريد أرجع
للبيت أروح يم خالة بدور ومصطفى أريـد
واحد يوديني ما تصلت على مصطفى
ـلأن عندة دوام
مرت ساعة تقريباً وأني گاعدة بلغرفة
ومصفنة ، ضربتلي صفنة على لجهاز
وگمت أخذتة شغلت قراية ورجعت تمددت
أگلب بي ،
دخلت على لستوديو صارت بوجهي صورتي
أني وأبـوي چانت أخر طلعة ألنة سوا بلمطعم
واگفين سوا بيومها وگفنة بنية صورتنة
ضليت أگلب بيهن وأحس نار شابة بداخلي
حسيت على دموعي لحارة تنزل ، مسحتها
بسرعا وگعدت مغطية وجهي وأبچي
مسحت دموعي وگمت غسلت ضهر وأني
من لصبح ما ماكلة جعت كلش ، غميت
نفسي وحچيت بلوم
- هسة أني لو راجعة وي مصطفى هيچ
أحسلي ضليت معلگة
دقايق ونفتح لباب بقوة رفعت راسي
أباوع لـ أمي لواگفة گبالي وأحاول أبين
نفسي ما خايفة
- يـلا شو مترحين لو حلتلچ لگعدة هنا
أبوچ ولفة لگبر وأخوچ نفس لحالة بعد
شعندچ باقية ؟
ريم : أساساً أني رايدة أروح من زمان
بَـس أنتضر مصطفى
- ـلا مصطفى وـلا مدري منو دقايق
وألگاچ طالعة ، ـلا وحق لحرگة لبگلبي
ألزمچ ما أخلي بيچ شي صاحي
أنت تقرأ
حروف متناثرة .
ChickLitخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
