لاتهِدني
الوَطن حيطانه بِعيدة
ومايِلم الينتِچي
أنه مِن تغيب
يستحفل على عيوني البَچي
ياحَبيبي،
شلون لو شَحت مكاتيبَك؟
الغيم ما يودي حَچي .
#حروف_متناثرة .
لـ فاء ،
محمد : گلتيلة أنتِ أتصلي علي وگليلة
يابة هيچ وهيچ
- أي چا متصلة علي هسة ما أگدر
باعي بَـس روحي گليلة ونوب خابريني
باچر لصبح أنة جاي ، يلة باي
.. طلع من لغرفة ثواني ورجع رفع لغطة
من على راسي وباسني ، ضل يلعب بشعري
وكل شوي يگـوم يبوسني
درت نفسي وغمضت بقوة
- يسوي نفسة يحبني وهوا نفس طينة
وليد مخابرات بنص ليل
ضل لحچي يتردد بعقلي ضليت أطحن
بروحي وأريد أگوم وأگلة منو هاي وشعندك
مخابرها بَـس أدري ما ألزم روحي وراح أكبرها
ضليت أفكر بحچية ألى أن غفيت
گعدت لصبح على طگطگتة بلغرفة بَـس
ما شافني دخل للحمام
گمت بسرعة طلعت من لغرفة رحت للمغسلة
غسلت وخليت ماي لشعري ومشطتة نشفت
وجهي ونزلت جوا لگيت عمة تسوي ريوگ
گاعدين عمامي ثنينهم ونسوانهم صبحت
عليهم وگعدت
قاسم : ها بوية محمد گاعد لو بعدة نايم
نور : ـلا گاعد
أزهار : عميمة فدوة لگلبچ ما ترحين تگعديلي
لبنات يردن يرحن للمستوصف ولسة خامدات
- أي عمة گايمة
گمت طلعت صار بوجهي محمد مبدل وكاشخ
وعطرة سابح بي
محمد : صباح لخير نور عيني
نور : صباح لنور
عفتة ومشيت بسرعة للغرفة مال لبنات
صعدتلهن گعدتهن گوا
نور : يلة ـلا يصير ضهر مو تردن ترحن
للمستوصف
بَـس گتلهن هيچ طفرن بسرعة
زينة : شنو چا بيش لساعة ؟
نور : بعد وكت بـ 8:30
يلة أنة نازلة غسلن وتعالن تريگن فد مرة
عفتهن ونزلت گعدنة على لريوگ شوي
وأجن لبنات
نور : محمد طلع ؟
- أي ما راد ريوگ گال ياكل برا
زينة : يبا أريـد فليسات
باسم : أي شگد تردين
زينة : اللـه ويدك شگد ماتنطيني
طلع محفضتة أخذ منها عشرة ونطاهية
زينة : عشرة ليش ليش هاي لخمسة
وعشرينات كلهة تنطيني عشرة
أنت تقرأ
حروف متناثرة .
ChickLitخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
