بالعافية من بعدت يمخيب ضنوني ،
وضعك حلو ومستقر ناسيني حد ألوجع
چا هيچ گالو ولك يا صاحب عيوني چا
هيچ من نفترگ أختل بسد دمعتي وما تسأل شلوني ؟.
#حروف_متناثرة .
لـ فاء ،
------------------------------------------
طلعت من لغرفة ستغربت من شفت لتلفزيون
معلوگ بي قرأن وبصوت عالي ، كملت طريقي
تعديت على أبوية لگيتة يصلي ساجد گلت بصوت
خافت * اللـه يهدي *
رجعت غسلت وفرچت ورحتلة لگيتة يقرة
قرأن وگفت ساندة روحي علي أطار لباب وأباوعلة
ببتسامة رفع راسة باوعلي صدق وطبگ لقرأن
وحچة ببتسامة
مؤيـد : صح لنوم بنيتي
- يصح بدنگ أصلي وأسويلي ريوگ أسويلك
وياي ؟
- ـلا ما أشتهي گلچ مصطفى شوكت يجي ؟
- أي بـ 6 يجي
- ماشي گـلبي أني صاعد فوگ من يجي صيحي
علي
هزيت راسي وهوا طلع رحت توضيت وصليت
ورحت للمطبخ سويتلي ريوگ تريگت وغسلت
لمواعين ورحت للغرفة سويت وجهي وخليت
ماسك شوي ودگ جهازي رديت علي مصطفى
- ألـو ها ريمة شلونچ گاعدة ؟
- هِـلا زينة أي گاعدة
- زين گـلبي شوي وأجي أخذچ ترحين
وي أبن عمي أيسر وزينة أجو ياخذونچ
وياخذون غراض محتاجينها ترحين وياهم
عادي مو ؟
- أي ميخالف
- يلا عمري أكلتي ـلا وراچ طريق ؟
- أي أكلت قبل شوي
- ألف عافية يـلا باي
گتلة باي وسديت لخط گمت بسرعة غسلت
وجهي ولبست وتعطرت وكملت كلشي شوي
ودگ بسرعة وفصلة طلعت صوت سيارة برة
صحت على أبوي شوي ونزل نطاني فلوس طلعنة سوا فتح لباب ومصطفى واگف ومنتچي على
لسيارة أجة بتجاه أبوي سلم علي وهاي
مؤيـد : ديرو بالكم عليها زين
مصطفى : حريص عمي بعيونة
- معـدل أدري بيك
تسالمو ورحنة للسيارة فتحلي مصطفى لباب
صعدت وطبگة ودار صعد
رحنة لبيتهم بَـس نزلنة شفنة أيسر وزينة واگفين
ويمهم جنط يصعدون بيهن نزلنة ورحنة يمهم
سلمت عليهم أوگفت
مصطفى : وهاي جبتها تديرون بالكم عليهة
زين وما تخلونهة لوحدها
گال أيسر وهوا يعدل بلجنط : تدلل باشا
ضربة مصطفى على رگبتة وگال : عفية
كملنة كلشي وردنة نصعد ضلينة نترادد أني
وزينة هية تگُلي صعدي گدام وأني أگلها أنتِ
لتصعدين
أنت تقرأ
حروف متناثرة .
أدب نسائيخذني إليك فقد عذبني الغياب..! لم أعد احتمل الفِقد والعذاب..💔 طال إنتظاري فهل ستأتي؟ أجبني فأنا أنتظر الجواب..؟!
