يوم ما ستحلو الحياه ☺️🧡
__ها يا حبيبه عامله اي انهارده، احسن
"ولله يا دكتور انا مش عارفه انا كويسه وله لا "
__اتكلمي يا حبيبه قولي الي جواكي انا سمعك
«ده دكتور زين دكتور نفسي ودي انا بقالي شهر متابعه معا وهو بيعمل كل الي يقدر علي بس انا مش بتكلم ممكن خايف وله مش واثقه في وله خايفه لما اتكلم يلومني انا مش عارفه اتكلم اقول ايه طب انا كده بأذي نفسي وله لا ، انا كنت نفسي اروح لي دكتور نفسي عشان اتكلم واطلع الي جوايه واهو روحت وبردو مش عارفه اتكلم 😔»
اتنهد وقال _خلاص يا حبيبه براحتك لما تحبي تكلمي اتكلمي
خت نفس طويل وقولت ودموع في عنيا "انا حبيبه مش بعمل حاجه تغضب ربنا مني عشان لما اقبلو يبقا مش زعلان مني، عارف انا عندي كل حاجه كل حاجه ممكن تتوقعها بس مش عارفه انا ليه كده انا اي الي وصلني ان الناس تقولي انتي مجنونه كل ده عشان بروح لدكتور نفسي ليييه"
اتكلم بهدوء وقال __انتي مش مجنونه يا حبيبه الي بيروح لدكتور نفسي مش مجنون ده بيبقا اكتر واحد عاقل عشان بيبقا عايز يطلع الي جوا مع اي حد مش عارفو وده الي انتي بتعملي دلوقتي
قولت وانا قعده قدامو علي الشسلونج وبصا فوق وهو قاعد علي الكرسي قدامي وماسك ورقه وقلم "عارف انا ممكن اكون وحشه بس ولله انا مش كده مش عارفه اكون كده انا مش عارفه ليه انا خايفه اتكلم معاك ليه بس انا خلاص تعبت من الصمت خلاص هتكلم"
__اتكلمي انا سمعك
ابتسمت وقولت "انا اتولت علي حياه جميله عندي اب وام واخوات وعيله بسيطه مفهاش اي حاجه كلها فرح (ملامح وشي اتغيرت من ابتسامه لي تكشيره ودموع في عيوني) بس جي بقا الوقت الي كبرت في كان عندي 16سنه بابا بقا مش بيهزر معايه زاي الاول ماما بقت مشغوله باختي الصغيره ولبيت وبقا بيخافو عليا اووووي من نزولي من الشارع حته انا عارفه ان من حق اب وام يخافو علي عيالهم وده الصح بس مش اوي كده اتحكمو فيا زياد علي الزوم، تروحي في حته اخوكي يبقا معاكي راحه المدرسه اخوكي يوصلك، بتعملي اي في التليفون وريني، بتكلمي مين، قولتي لصحبت اي انهارده، متلبسيش ده، متعمليش ده، متزفتيش ده متسويش ده اعملي الي بقولك علي مفيش مدرسه طول ما انتي كده مفيش خروج مفيش ومفيش ومفيش تعبت"
__اهدي اهدي وخدي نفس عميق يلا.... خت نفس عميق وهديت خالص
__هديتي
"ايوه"
__كملي
رجعت بصيت لسقف تاني وانا بهز رجلي وايدي بتترعش "كنت بجدلهوم ولما اجدلهم يزعقو فيا وانا بكره الصوت العالي بقيت اكبر يوم عن التاني وكل يوم لازم يحصل مشكله شكل لغيت اما جي وقت وايدي بقت تترعش زاي اما انت شايف بقيت اهز رجلي كل شوي حته لو مش متوتره بقيت اخاف من اي حاجه بقيت اقعد لوحدي بقيت مش عايزه اعمل حاجه في الدنيا غير افضل لوحدي وبس بقيت اخاف من بكره مع ان بكره ده بتاع ربنا بس كنت بخاف ليجي حاجه كبيره ومش هعرف اوجها او الحاجه دي تاذيني حولت اني مفكرش في الي جاي بكره بس كنت بفكر واخاف اكتر حالتي بقت تطور يوم وراه يوم ايدي تترعش ازيد بخاف اكتر لو صوت حد كان عالي شويه اخاف واكش كده وافضل خايفه"
