بنت بتقول إن أبوها عنده محل بقالة بتقعد تذاكر طول النهار وتقعد في المحل بليل عشان هو تعبان والبرد غلط عليه.
وفي يوم كانت قاعدة ومعاها بنت أختها اللي في الإبتدائي وبتحفظها سورة الرحمن، وبعد شوية لقت ست داخلة المحل وريحة البرفيوم بتاعها واصلة لكل أركان المكان!
راحت بنت أختها قايلة بعفوية:
" خالتو إنتي مش كنتي قايلالي حديث إمبارح إن النبي قال على الستات اللي بتحط برفيوم وتنزل الشارع زانية! "
بتقول فجأة لاقيت الست وشها بقى ألوان فحاولت أخرجها من الموقف وتوهت الكلام وقولت:
" حضرتك عاوزة تشتري إيه؟ "
وبعد الموقف ما عدى زعقت لبنت أختي جامد وحاولت أقولها إن دي مش طريقة نُصح فعيطت وطلعت لمامتها.
تاني يوم على طول نفس الست جات المحل لابسة فضفاض ومش حاطة أي ميكب أب أو برفيوم وبصت لبنت أختي وقالت " إيه رأيك فيا بقى ياعروستي؟ "
وطلعت من شنتطها بوكس فيه شكولاتات وحطته في ايديها.
إنكار المنكر بيجيب نتيجة والله ياجماعة 💛
لـ / عزة العمروسي
