- واحد اتقدم لـ بنت زميلته فاترفض .. اتقدم تاني اترفض .. اتقدم خمس مرات وكل مرة يترفض .. والبنت اتقدملها واحد غني جدا شغال في الخليج ومقطوع من شجرة اتجوزها .. بعد شهور الراجل الغني توفي البنت تعبت جدا راحت تكشف اكتشفت انها حامل في الشهور الاولي .. قعدت مع والدتها لغاية ما ولدت واطمنت علي ابنها وابنها دا الوارث الوحيد للملايين اللي سابها ابوه .. الولد اللي كان بيحب البنت دي عاش حالة من اليأس والاكتئاب لا توصف .. وهو شايف كل التفاصيل دي قدامه .. ومع ضغط من اهله اتجوز بنت من جيرانه واتأخروا في الذرية .. الولد راح كشف الدكتور قاله مش هتخلف للاسف .. صارح زوجته لكن زوجته متقبلتش دا وحصل مشاكل وانفصلوا .. ويشاء ربنا ان فاعل خير يكلم الولد دا عن البنت اللي كان بيحبها ويحكيله اللي حصل ويقوله اتقدملها تاني .. وبالفعل يتقدم وربنا ييسر الحال ويتزوجوا ويربوا الولد سوا .. حاليا مسافرين بره مصر بيتفسحوا .. القدر عجيب بس تأكد ان قدر الله كله خير فلا تحزن
- سيدنا النبي صلى الله عليه وسلم كان الزوج التالت لأُمنا خديجة بعد ما كانت مقررة انها مش هتتجوز تاني .. لكن ربنا يعوضها بسيدنا النبي صلى الله عليه وسلم
- سيدنا زيد بن حارثة اتخطف وهو صغير واتحرم من امه وابوه .. واتباع عَبد .. وبعدين راح هدية للسيدة خديجة .. والسيدة خديجة اهدته لـ سيدنا النبي صلي الله عليه وسلم .. اتخطف واتباع عبد علشان يتربي في أطهر بيت عرفته البشرية
احنا منعرفش الخير .. فديما قول " اللهم قدر ليّ الخير ثم ارضني به ..."
الشيخ المصري...كان بيقولى... تمتع بقدر الله..هو يدبر الامر❤..!!
