روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
z0hr_24
︵‿︵‿︵‿୨♡୧‿︵‿︵‿︵
تاهَت عيوني في بحورِ عيونِها
وأختَار قلبي أن يغوصَ فيغرقَ
أوَّاهُ من رِمشٍ أحاطَ بعينيها
سهمٌ توغَلَ في الوَريدِ فَمزقَ.
♡♡♡ ♡♡♡
ليليان
مر 10 ايام مثل الموت البطيء بل نسبه الي ماعرف شنو السبب وليش كلبي جان يوجعني على ايهم خايفه لا يصيرله شي وانتهي ضليت ادعيله يرجعلي بل سلامه مرت أيامي حالها حال الايام الباقيه بلكوه عشتهن بل خوف والتفكير والقلق وبس اصفن وحتى اهلي لاحظوا هلشي وكلما يسألوني اكلهم تعبانه واني فعلا تعبانه ومنهاره خايفه على ايهم علقني بي الدرجه صرت اذا افارقه دقيقه اموت من شوكي اله
ايهم
مر 10 ايام واني منازل للبيت وخايف لا تنلاص عليه ويمددوها واكل بوري معدل واني ناطي كلمه لؤلؤتي سبوعين ونعقد بس يسويها حظي الكو** وعلي لان هنا الوضع كلش خطر وعلى ساعه يصير هجوم علينه
- سيدي الوضع أمن وماكو خطر
- چيكت زين؟
- نعم سيدي
- عفيه بل بطل عينكم فتحوها زين واستعدوا ع ساعه يصير هجوم منعرف احنا شنو ليصير مايصير بعدين ف انتوا أخذوا احتياطاتكم وانتبهوا
- حاظر سيدي
- يلا حبيبي توكل
باوعت للساعه 15: 12 بعد ما صرت وحدي استغليت الفرصه وخابرت على ايمان اتطمن عليها وعلى امي وبعدها سديته ورحت فتت على اسمها لجماره كلبي جريت حسره شكبرها اعرف هسه هيه تنتظر مكالمتي وكلبها صاير نار كلما اتصل عليها تكوم تبچي وتدعيلي ارجع بل سلامه واني من اسمع صوتها وهيه تبچي توجر نار بكلبي واتمنى اخليها بحضني واحميها حتى من روحي وما خلي دمعه تنزل من عيونها
اتصلت عليها واول مافتحت الخط وصلتني صوت شهكاتها النبشت كلبي
- جمارتي
- ليش تأخرت يلا اتصلت هااا مو تدري كلبي يفرفح عليك ساعه 12:30 وانته توك يلا دكيت ليش طولتت وفرفحت كلبي عليكك تدري شصار بيه
احجيييي ليش ساكت
- اشتعلوا على هلسان هذا مال دلالات ولج انطيني مجال احجي
- هاي فوكاهاااا تغلط عليه
أنت تقرأ
معجزتي أنتَ
General Fictionفلم يتبقى جُزء صغير مني من الصغر إلا و امتلئ بالضَرر من بعد ما مر بي من الغدر كانت عيناها لي كأنها النصر . كنت لا اؤمن ، فاقد الشغف فأذا بثورة احيت ما بداخلي و تغلغل حبها في اوردتي و كل خلايا جسدي و روحي .. كُنت الضحيه لسنين عمقية الاثر لشهور...
