معجزتي أنتَ

Part, 15,

روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
z0hr_24

••••   ••••  ••••  ••••  ••••  ••••  ••••

︵‿︵‿︵‿୨♡୧‿︵‿︵‿︵

بعد حوار دام ساعتين: سألها
قائلاً:
من أنا بالنسبة اليكِ؟
فـ قالت بـ لهجتنا العِراقية:
أنتَ أمي وِأبوية
أنتَ العُمر وكل العُمر
اوصفك بعد؟
فـ قال:
هِمت ُ بـ عَيناك العِراقيتَين وانتِ
تتحدثين
بـ لهجتكِ "ذِبت والعباس
ذبت

♡♡♡ ♡♡♡

.
ليليان:

اليوم خالتي ام ايهم مسويه عزيمه والي فتهمته انو عازمه خواتها ورادتني احظر حتى تعرفني عليهم رغم انو اني ماحب هيج عزايم واستحي لازم رح اكون غريبه بنصهم بس محبيت اكسر بخاطرها
فقررت اكشخ حتى ارفع راس ايهم

لبست تنوره زرقه وقميص سمائي فاتح جان مايل على بياض التنسيق طلع كلش يجنن حطيت القميص جوه التنوره ولبست حزام مال خصر اسود صاير مثل المشد اكيد عرفتنه بنات

لبست ويا كعب اسود نسقته ويه الحزام والجنطه خليت مكياج سمبل محبيت اكثر مجرد كونسيلر ومسكاره وحمره خليتها لون احمر وشويه خليت احمر خدود على وجناتي وبس شعري عجبني اشيله ذيل حصان وانزل خصل من كدام

وعجبني اخلي بروش على شكل تاج ومكتوب Queen تيم جابه الي خليته على القميص من يم الصدر لان جان القميص ساده ولبست كلاده ذهب مكتوب عليها Lolo دلعي بالانكلش وهم جانت هديه من متيم بمناسبه نجاحي عجبني البس هداياهم واكيد ما انسى احلى هديه والي هيه اللسوار المكتوب علي جماره النشمي من ايهم

مدكمت كل دكم القميص عفت دكمه وحده مفتوحه حلى تبرز لكلاده والاردن مال قميص جان بيهن دكمه تكفهن ف اني كفيتهن ماحب يضلن هيج نازلات

بعدها نزلت جوه حتى اخذ رأيي ماما بلبسي هوا اعرف بي حلو كلش طلع بس احب اخذ رأيها حتى ترفع معنوياتي وتلوزني

- ماما حبيبتي شنو رأيج بلبسي

- طالعه تخبلين حبيبتي عين البارده عليج

- يروحي ماما يعني حلو مابي اوڤر؟

- لا حبيبتي بل عكس كلش مناسب وحلو بس لو لابسه بعد التراجي مالتج ليش عايفه اذانج فارغه ماما

لزمت اذاني وفعلا ناسيه البس تراجي صعدت بسرعه لبستهن وكلت همزين رحت على ماما ذكرتني بعدها ايهم دك هورن رحت فتحتله الباب وفات جوه سلم على اهلي وكعد شويه