معجزتي أنتَ

هديه

- مرت ايام حياة عاديه هادئه مابيها اي مشاكل الحمد لله
الكل فرحان وعايش حياته بهدوء وسعاده بس اكيد اكو بداخلنا حزن وكسره على جاسم الله يرحمه وعلى ورده الي متقبل ب اي احد وهيه بعدها بهلعمر محد يجبرها على شي

ليليان : كاعدين العصريه اني والبنات بالحديقه الجو بارد ومغيم كل وحده لازمه كوب الكهوه ونسولف

ابرار : اكوللجن اشو هذوله طولوا وين راحوا

لبنى : ها شتاقيتي لكرومي .. عوفي الولد خل يتونس
شويه يفتك منج ومن شرج بس تنكدين علي

ابرار : انتي نجبي ترا اخلي اخويه يطلكج

لبنى : دمشي ام الوعث غير يموت عليه شيطلكني

ابرار : غير بلسحوره طبعا يموت عليج

ليليان : ها بدت رحمة الله وياجن شنو ضراير انتن

ابرار : غير هيه بدت

ايام : ترا صدك بنات كافي مناكر تره بزعتونه

ورده : عوفنهن يتعاركن متونسه عليهن والله يضحكن

ابرار : ها لج عود بمكان متدافعين لاختج

لبنى : طاح حضج ورده

ابرار : طاح حضج انتي لج لتحجين على اختي

ورده : با فديتج كومي برو اكتليها محد يحاجيج

ايام : هيييي شنو منو يكتل اختي اكسر ايده

لبنى : لك عاشششش ايامي

ليليان : لا حول ولا قوه الا بالله سونها حلبه مال مصارعه
كعدتجن كلها مشاكل خل اطب جوه اشوف ايليان احسن الي

- طبيت جوه صعدت فوك كبل فتحت باب الغرفه لكيت ايليان كاعده ووصاعده علميز مطشره المكياج كله هل ادبسز بعدها فصمه وتدور سوالف المكياج

ليليان : يا ولج ايليان شمسويه ماما كم مره كتلج لتلعبين بل مكياج مو زين وعيب

ايليان: اماااا هليلي (ما خليلي )

ليليان : عيب ماما شخليلج بابا ميقبل

-ضليت الم المكياج الحمد لله ما مكسرته بس مشمره الحمر بالكاع خليتهن ع الميز شلتها سبحتها وبدلت الها كشختها ونزلته جوه ضلت تلعب ويه ابن لبنى ميتفاركون ابد كعدت يم خالتي واجت عليه ابرار وجها قرفان

ابرار: للوش بس تعالي

- باوعت عليها هزيتلها راسي شكو ..رجعت اشرت بيدها تصيحني وجنا كاش كمت عليها اشوف شبيها

ليليان : ها بريره شبيج شو وجهج كاش

ابرار: باعي عندي لعبان نفس صارلي اسبوع نفسي جاي تلعب واحس دادوخ هواي

ليليان : يااااا

ابرار : شكو ولج

ليليان : ولج يمكن حامل