روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
z0hr_24
•••• •••• •••• •••• •••• •••• ••••
آنه متعلم عَليك هواي
يا سولة سكتّتي ويا طواريَك
من الظلمه تجيني ،
چانن ثيابي عليّ غُربه گبل جَيتك ..
⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹⊹
تهسترت وضليت ابجي وحاطه ايدي على حلكي وتيم حاظني لا بيه اعيط ولا همه الهم يصيحون الكل جمد بمكانه وصلو يتعوذون من الشيطان
ثوانييي بسسس ونسمع صوت عياط قوي من البيت فاتوا الولد يركضون وتيم لازمني ويركض والبنات وراي فتنه جوا و......
شفت ايهم حبيبي ابو طول الحلو امدد بالكاع لا حس ولا حركه وخالتي تلطم على وجها والولد يطشون علي مي يردون يصحوا ماكو ميتحرك
ولا حتى يرمش رمشه عل أقل يطمن كلبي
هنا الدنيا ضلمت بعيني لا اكول كمت اعيط ولا اصيح ولا حتى ابچي
ضليت بمكاني جامده مثل التمثال وصوت الصريخ يمي بس اسمعه بعيد عني احس روحي بغرفه معزوله والعالم تتعايط برا الغرفه يحجون واني بالي مو يمهم بس اباوع لايهم
الدنيا تضلم بعيني وترجع الصوره مغوشه بعدها محسيت على نفسي اخر شي سمعته صوت تيم يصيح ليليان
فتره طويله صحيت ولكيت روحي بغرفه وممرضه فوك راسي تشوف السيروم وجع بطني مينحمل واحس بثكل مو طبيعي
ماكو احد بالغرفه وياي اهلي ماكو لساني ثكيل بلكوه نطقت
- ايهم وين
الممرضه: الحمد لله على سلامتج حبيبتي
مجاوبتها بس هزيتلها راسي ورجعت سألتها
-ايهم وين اهلي وين
الممرضه: ثواني حبيبتي واصيحهم توهم جانوا هنا واحنا طلبنا يفرغون الغرفه
سكتت مجاوبتها ضليت بس دموعي تجري من عيني طلعت وثواني دخلوا تيم وإيمان سويه
اباوع لايمان عيونها حمر وتيم وجهه ميطمن تخبلت شصاير كمت مفزوعه من منضرهم وكلت
ليليان: ايهم وين شصار؟
تيم: ارتاحي بابا ماكو شي
ليليان: شرتاح ايهم شبي؟ ايمان ليش تبچين احجوا ايهم بي شي؟؟
ايمان: لا والله مابي شي حبيبتي كالوا هابط ضغطه علكوله مغذي
ليليان: وينه كعد؟
اباوع لايمان بسرعه بچت ودارت وجها تخبلت وكمت والسيروم وكع فلت ومن نسحب نسحبت الكانونه شاغت روحي
تيم: الله الله شببببييججج على كيفج
ليليان: وديني لايهم ابوس ايدك
أنت تقرأ
معجزتي أنتَ
Narrativa generaleفلم يتبقى جُزء صغير مني من الصغر إلا و امتلئ بالضَرر من بعد ما مر بي من الغدر كانت عيناها لي كأنها النصر . كنت لا اؤمن ، فاقد الشغف فأذا بثورة احيت ما بداخلي و تغلغل حبها في اوردتي و كل خلايا جسدي و روحي .. كُنت الضحيه لسنين عمقية الاثر لشهور...
