لـيس لدي مقـدمـة تلـيق بالـذي سـأڪتبة
أعلم جيداً أنني لست الأولى في التحدث عن ما يدور في ذلك الزمن ولڪن سوف ألجأ إلى أحـد الشخصيات الاقص لـڪم روايـة عاشـتها هـي وأخوتها
____
مـرحـبا وياڪم هـدى أو هـديوة مثل ماأمي وأبوي يسمونـي
عائلتـنا تتـڪون مـن 8 أشخاص
أبوي حـسن
وأمـي حمديـة
وسـت بنـات
حـوراء >>87
(أنـي) هـدى >>88
فاتن >>90
رقيـة >> 91
براء >> 93
أمنة >> 96
أبوي تزوج أمي زواج تقليدي جانو نفس الديرة وتزوجو
ڪلنا ملتمين قسم بحظن أمـي وقسم يم رجليها نفرجلها يمة سولفينا شلون جانت حياتج قبل
ححمدية: يوو يايمة شلجن بقصتي تولي يمة تولي
البنات: لاحبابة يوم سولفينا
حمدية :خوش جان عمري 15سنة أسرح بالهوش مالتنا منگبة بشيلتي (ملثمة)
وميمتي(أمي) تصيح من بعيد
خايبة حمدية الهوش مرد الزرع فلك طرج خايبة روحي روحي الحلال
جريت الحلال وروحت طبيت للـبيت شفـت مرت أخوي صباح تتڪالب بشهرها الاخير شايلة الشجوة
خذيت الشجوة من أيدها و ڪتلها شايلتها ثجيلة عليج روحي حبيبة روحي ارتاحي اني أصبن العشه واجي
خخليتها غسلت أيدي من التربان وبديت اطلع الزبدة طلعتها ڪلها وخليت لبن ؏ صفحة وطلعت الخبز خليت الزبدة والخبز وديتة الابووي وأخوي صباح
حمدية : مساك الله بالخير يابة
الاب: الخير بوجهج يبعد أبوج
حمدية : يبعد رويحتي يابة اتعشو بين ماخدرلڪم جوي (جاي)
حظرتة وخذيتة الابوي واخوي كعدت أصبلهم ونسولف
فجأة وندك الباب
صباح ڪام وفك الباب وصاح اميمتي وينج هاي أم رضيوي تريدج
طفرت أميمتي تهلي وتمرحب بيها
وطب أبو رضيوي ڪعدو بالحوش هو وأبوي وصباح
ڪعدت أم رضيوي وأميمتي ومرت صباح
يسولفن صاحت أميمتي حمدية يمة جوي من ايدج
حمدية: حاضر يمة حاضر
خـذيت الجوي وخليتة ورجعت لمطبخنا أرتب بي بس أريد أشغل رويحتي بي
ماحب ڪعدت النساوين الڪبار
أجت مرت صباح تتگالب وتتمضحك
ڪالت حمدية خايبة حمدية
حمدية :ها ها شبيج
مرت صباح: خايبة خطبوج
حمدية: أسم الله منو خطبني
مرت صباح: خايبة أم رضيوي خطبتج الابنها
أنت تقرأ
ســت أرواح
Mystery / Thrillerسأخـط لـڪم قـصـة سـت فـتـيات ينتـظـرن تـحقيـق أحلامـهن يـسعـن جاهداً أن يـزيـلـن لـقـب أنـتِ عـار للمـجتـمع آراء أخـرى يستـسلمـن أم يـحاربـن الالـم الـجـوع والـفـراق وڪم روح ستـغـادرنا بـسبب ظلـم العادات والـتـقـالـيـد. 💔 (مستـمـرة) اللڪاتب...
