حتى أحلامي متعوبات 🥀
___________________
ڪتلة عمـري 20 واسمـي هادي
ڪال بس جسمك مايدل هيج عمـرك
ڪتلة لاعمو هو انا ضعيف ؏ أبوي الله يرحمـة
تمايزنـي عدل ڪال أصعـد صعـدت وأنا ڪلبي احسه راح ينفجـر من الخوف
اخذنا ونزلنـا يم بيـت النص مبنـي ڪالو يلا بلشـو شغـل
أنا همزين بس ذبو عليـه اخبط لان بنيه جسمـي ضعيفة فڪالو هادي ؏ الخبطة
ڪيفت لان راح اوفر مصروف الاخواتـي
ماڪشفـت وجهـي أخـاف حتى بوڪـت الاستراحة ماڪعدت يمهم
خلصنا شغلنا ورجعـت للبيـت
لڪيـت لبنات يبجـن وخايفات تلڪني يحظنن بيـه
شڪو شبيجن
فاتـن: ڪل يوم نطلع ونرجع نلڪى هدى بالبيت تـهون علينا الدنيا جنها أمي مايوم شڪت لو ڪالت منين اجيبلج أو تعاجزت
بس اليوم رجعـنا للبيـت ماڪو ڪلبي تفتت من الخوف عليها الف فڪرة اجت بالي ها خاف عمامي عرفو وخذوها ها خاف ڪتلوها وين راحـت يربي عقلـي وڪف من التفڪيـر
والله الساعـة 3 العصـر طـبـت فزينا ڪلنا عليها
ونبجـي ڪالت مابيه شي ولجـن بس لڪيـت شغل حمدلله
رقيـة: شنو شغلـج بلاا
هدى: منظفة بالبيوت
فاتن: هدى بس
هدى: ماڪو بس لمهم شغلة حلال
جذبت عليهن خما اڪولهن اختجن عمالة واسمها هادي بلعت الغصة وڪملتلهن الجذبة
هن اقتنعن شـوي وصيت فاتن اذا تأخرت بالشغل
تڪعد وتلم خواتها وماتغفـى عينها لو بالغلط
فاتن: حاضـر وعـد احافظ عليهن
هدى: تغديتن
رقيـة ' براء ' أمنـة : لاماڪلينا
هدى: ڪومن سويتلجن تشريبة حمره
هزن روسهـن وڪامن ياڪلـن
ومثل ڪل يـوم أنام ڪلنا من 8 بليل روتينا المعتاد
ڪعدت الصبح وصيـت فاتـن ؏ البنات وطلعـت
لڪيتهم واڪفيـن ڪالو وين جنت تأخرت يمعود
تعذرت منهم وصعدت
حجـى واحد اسمه صالح
وڪال
اڪلك هادي اخواتك شڪد اعمارهن
بلعت ريجـي ڪتلة صغار بالابتدائية واحدة بالمتوسطة
ڪال ها لعد هسة عفتهن وطلعت منو يمهن
ڪتلة أم المتوسطة هي تداريهن وسڪتت
نوب رجع ڪال بس ماڪلتنا وين بيتك
ڪتلة تجاوز ڪاعدين
ڪال ااي بس وين صاح بي المقاول ڪافي تتسأل شعليك أنت وين ساڪن
رد عليه بتهجم اسطة شبيك بس فضول
أنت تقرأ
ســت أرواح
Mystery / Thrillerسأخـط لـڪم قـصـة سـت فـتـيات ينتـظـرن تـحقيـق أحلامـهن يـسعـن جاهداً أن يـزيـلـن لـقـب أنـتِ عـار للمـجتـمع آراء أخـرى يستـسلمـن أم يـحاربـن الالـم الـجـوع والـفـراق وڪم روح ستـغـادرنا بـسبب ظلـم العادات والـتـقـالـيـد. 💔 (مستـمـرة) اللڪاتب...
