كل مؤذي سيؤذى ، إنها الأيام..
_______________________
الـمـوت زار دارنـا..
(من بعـد أنقطاع أشهـر رجـعـت بـارت جـديد شوفونـي أعجابڪم وتعليقاتڪم الحلـوة 💖
الڪاتبة أستبـرق الزبيـدي 🥰🌼
________________
🐆
فـاخـر: نگطع الاتصال أريـد الحگ مابيـة احس خدر جـسمـي من الخـوف
وصـلـت بطـلاع الروح
لگيـت أم فـاضـل واگعـة ودم ماعـرف منـين مضروبـة گلبتها من كل صوب تـنزف شلتها وصعدتها بالسيارة فتحت عيونها گالت استاذ فاخـر
زوجـتـك الحگلها انـي ضربتـي خفيفـة
ططبيـت لگيت الباب
مڪسور وطبيـت لگيـت
فـاتـن فـاقـدة
مابيها نفس هزيـتها ضربت ؏ وجهها
شلـتها مابيها نفس
نطلقـت للمستشفى أخـذو المعينة وفـاتن
گعـدت فـاقد من التعب واحساس الخسارة فضيـع
استذڪرت قبل 5 سنـوات
شلـون طبيت ؏ عائلة هـم امهم فقدت من الخوف
لزمـت راسي اااعصررر بيـي طلع للدڪتور گال اجهضـت وحالتها صعبة والمريضة الثانية حالتها
مستقرة
نفـسيتـي تعبـت أمتحانك ياربي صعـب
سامحنـي ربي سامحنـي لاتخـتبرنـي بـمرتـي
دخلـت ؏ أم فاضل گلتلها منـو هالمـره لي أجـت عليجن وهيج سوت
گامـت تسولفـلي أم فاضل گالت فتحت الباب جان تجفت البيت رگضت وراها
وهي ولاتسمعنـي شافـتها
زوجتـك گالتلها انتي
وذيج خنگت زوجتك ضربتها عدت ضربات حتى تعوفها
لمن عافتها رڪضت زوجتك
للغرفة وسدتها وهي ضلت تدفـر بالباب
أني سمعتها تعيـط برعـب رڪضت عليها ماحس الـه مطلعة درنفيس وضاربتنـي صحت عندي اطفال وأذڪر اخر شي عياط زوجـتك وهـي تگولها أمانـة انـي حامل عوفيني وبعدها صوتها اختفى
واني ماوعيت اله بالسيارة من شفتك
ماگدرت أگوم واصيـح
وين راحـت المـره بعد ماعرف
ترڪت أم فاضل وطلعـت ياترى منو هـاي وتعرفها فاتن شو مگالتلي منو ولاجابت طاري
وصارلها 3 أشهر مرعوبـة
عصرت گصتي بألم أحاول الگى خيط لهاي الانسانة المجهولة
ماڪو حتى أم فاضل تگول ماذڪر وجهها حيل
جان نص من وجهها ضامتـة بالشال بس فاتن عارفتها منوو
ضليـت گاعـد بالمستشفى أيام وليالي وفاتـن ماگعـدت
أنتـابنـي الخوف ڪل ماسأل الدڪتور
يگول ننتظرها بـعـد
ڪانو ميتـة بس الاجهزة تنطـي مؤشرات عايشة
خليت راسـي ؏ الڪرسي لخارج الانعاش
غفت عينـي وسمعت جهاز صفـر
فزيت من نومـي طبيـت شفـت الاطباء واڪفين ؏ راس شخص ماعرفـتـة فاتن او غيرها رأساً انغمى عليـه شفـت فاتـن گاعـدة يم مـره جبيرة
وتضحك گتلها فاتن رجعي وياي رجعي
ضحڪت وگالت فاخر انتهت قصتنا أني وانـت بعد مابينا شي
بس المره ليمها گالتها بعد قصتج وياااه ماخلصت رجعي وياا رجلج يمة روحي أنـي يمي اخـواتج الاثنين
فاتن باوعت اڪو بنات اثنين شافتهن وگامت تبجي
المره جرت ايدي وخلتها بيد فاتن جان أفز
باوعت بالوجوة گلت للممرضة منـووو لمات زوجتـي لو منوو
گالت هاي مرة جبيرة بالعمر توفت أطمئن زوجتك مؤشراتها الحيوية زينة
گمت من مڪاني ورجعت يم لباب مال الانعـاش
تعبان صارلي اسبوع هناااا وهالاسبوع صار سنة بالنسبة الـييي
ثاني يوم گعدت الفجـر طلعت التلفون باوعت لساعة بعد دقيقتين ويصير الاذان
طلعت من المستشفى توجهت الجامع
دخلت الجامعة واني فاقـد جزء من روحي بالمستشفى
توضيت وتوجهـت للصلاة ارتفع الاذان صليـت وياا الناس
ختمت الصلاة بالسلام گعدت ادعـي وابجـي طلباً لرحمة ربي عليه أدعي فاتن تگعـد
ومسامحتـة الي ؏ ڪل يوم زنيـت واخطئـت بيي
أبجـي وادعـي عسى ولعل دموعـي هذول يغسلن ذنوبـي
گعـد بصفـي رجال جبير يسبح بالسبحة مالتة ويردد سبحان الله العظيم
سبحان الله القدوس
گطع تسبيحاتة وگال شبيك وليدي تبجي
گتلة عمي واگع بشدة وأريدك تدعيلي هو مابخل عليه بدعائه گال الله ينتشلك من المر الى الحلو أبني لاتقطن من رحمة ربك هذا رب العرش هو الوحـيد ليگدر يساعدك
گتلة عمي وهسة اني جاي وطالب من ربي يساعدني ويغفرلي ذنوبي ويرجعلي زوجتـي
صفن بوجهي گال شسمك گتلة فاخر
گال وليدي فاخر لو وصلت ذنوبك عنان السموات ربك يسامحك اذا أنت ندمان وتقرر وتوفي بوعدك مع الله انك ماترجع تسوي الذنب مرة ثانية
گتلة عمي أني تايب من طبت زوجتي لحياتي تبت عن ڪلشي
گال شنو قصتك
سولفتلة قصتي گتلة وهسة اخر مافي المطاف
خسرت أبنـي وزوجـتي بين الحياة والموت
نفخ بالسبحة وغمض گال الصار حڪمة من ربك هالطفل جان راح يجي معلعل
وهاي المرة تعيش بمرارة وحسرة والله راح ياخذ حقك منها بمرض
وزوجتك بأذن الله ترجعلك بس أصبر هذا أختبار من ربك يريد يشوفك تحمل مصايب لو ماتحمل
والضايع منك راح تلكاه
صفنت شنو الضايع منـيي بس ركزت ؏ ڪلامة
مؤنث وذڪرين
گتلة يعني شنو گال الله اعلم بس طلعلك مؤنث وذڪرين هم هذول لي راح يسندونك أولادك اخوانك اصحابك الله اعلم بعد
استغفر ربنا وگال أني اروح ياوليدي ولاتتوازة ع رزقك الله ضاملك عطاايا هوااي
تسالمت ويااة وطلعت للمستشفى وگبل لفاتن شفتها
عيونها غائـرة شفايفها يابسـة
وايدها باردة والنفس يروح ويرجع جهاز القلب يرن يم أذني أسمع گليبها شلون دگاتة سريعة مبينة شگد عانت وخافـت لاحضـت خدش ؏ ڪتفها
طلعت گلت للممرضة عنه گال خدش سطحي وتأكدنا مابيها اي ڪسور بس مانعرف ليش هيج غايبة عن الوعـي
(( بيـت أبو الحسن) )
رقيـة-: يوم عـن يوم ڪاعدة أڪتشف شي جديد بنفـسي واڪتشف مشاعري تجاه باسل
خابرتنا ضحى عزمتنا ؏ خطوبـة نهلـة
ماجذبنا خبـر هدى طبخـت الاڪل تغدينا للظهر اخذنا باسل نزلنا يم بيتهم
الزلم تسد عين الشمس
باسل رفع عينـة عليه گال لمي روحج فستانـج طالع
هزيت راسي اله وابتسمـت وطبيت للبيت وياا اخواتـي
تلگتنا ضحى تهلـي وتمرحـب بينـا
باوعت لنهلة طالعة حلـوة ڪاي عروس بس مبينـة ضايجـة واخواتها بصفها يندسن بيها بمعنى لاضلين معبسة
سلمت عليها هي ڪشرت انيابها علينا و؏ هدى
طنشتها وگعدنا بعيد عن الديجي
حضرنا الحفلة من التلبيس لحد مافضت ورجعنا للبيت نزعت العباية لجانت ؏ اجتافـي
أبو الحسن گال طلع قبـول هدى بالمعهد
هدى گالت ها ماداوم ومادري شنو لحينا عليها شلون ماشلون گالت افڪـر
گال ابو الحسن يابـة شهل الملابس الحلوة
ولجن طالعات حلوات
ضحڪت ڪتلة عادي غازل مرتك ليش تجمعنا
ضحك هو گال مو اخاف منجن من اغازل اختجن ومامدح لبسجن تزعلن
گتلة لا والله مازعل بس اكو نتفـة تزعل
باوع الامنـة گال هاي النتفـة هي مرهـم الجروح احسها بنتـي مو بنـت عمـي
أمنـة ابتسمـت گانو مالڪة الدنيا حظنتـة گالتلة ياريـت عدنا أخو مثلك
ربت ؏ راسها گالهاا اني أخوجن وأبوجـن
بس الله يخليني عايش لذاك الزمن أزفجن بيـدي
باسل گال اي ونخلص منجن أنتـن لـ 3
باوعتلـة ونعـفس وجهـه أني حسيت بقهـرة بس ماعرف ليش نقهـرت من هالڪلمة
طبيـت للغرفـة غيرت ملابس وطلعـت اغسل واتوضى
أسمع أبو الحسن يحاجي باسل يگلة شبيك
اليوم مو ؏ بعضك فهمـني
وباسل يرد مااابيـة شيي عوفونـي
أسمعة خابر ضحى گالها باسل يـريد يروح لبيت شاڪر
گالها هذا وياج
رد عليها مااعليڪم بية ماريد اضل هنا مخنوگ عوفونـي اروح البيت
راضـي خلي يذبحـني ماعليـكم گتلڪم اترڪونـي مختنـگ ماڪدر أبقى اڪثر
أني أبتسمـت بخيبـة عرفـت باسـل سامـع شي
وماخاب ظنـي طلع وجهه يرعد
گال أذا اذيتـي أبو الحسن اختج تتأذى قبله
استغـربت من ڪلامة
لحگتة يمشي سريع جان ألزم قميصـة گتلة شنو قصدك ليش أنـي شنو مسويـة
أنتفض بوجهـي گال وعدج الامـج انو دمريـن ال راضي
ابتسمـت بسخريـة گتلة ليش أنت وأبو الحسن من هالجلب مشارڪينـةة بشي لو لا
صااح لامشارگينة ولاشييي دير بالج تندڪين باأبو الحسن لاتحطمين حياة شخصين
وصل لباب الغرفة گال ابـتعـدي عـن حافظ ترا حافظ بعدة شاب وبريئ
وگف عقلي هذا شمـدريـة
((رجعـت بالذاڪرة ))
لمن شفت حافظ اخو باسل يفتر يم مدرستنا
اجيت ياابن راضي اجيت برجليك
طلعت اتمشى بتجااه سيارتـة گتلة هلـوو
شعندك هنا لازم أبوك راضي مايدري أبنة لدازة يدرس يصجم بنات هنا
هو أبتسم وبرز عظم فكـة گال لا ماجاي اصجم انه جاي أشوف طيرة هنا
ضحڪت بسخريـة طيـرة شسمها حتى انقذها منك قبل ماتوگع بشبڪتك
گال لعد حاولـي تنقذين نفسج
حلو يعني انا المقصودة
هـو رد اڪيد انه جاي متعني من الناصريـة علمـود اشوفج
گتلة بيها الخير بس يومين وتمل وترجع لعش أبوك الجبان
تعصب هو گال بت لاتغلطين هذا عمج
باوعتلة عمة لعماني وموت الخذاني اذا اعترف بيي
عفتـة وتمشيـت
للبيـت
وهو صار ڪل اسبوع أشوفـة يجي
احتفظت بهالسر لنفسي وگمت أعاملـة لعبة بيدي
لحـد ماطلعـت روحـة عشمتـة بالحب
مادريـت راح أخلق عداوة بيني وبين باسل بس مامتندمـة تمنيـت أگدر أقنص ظاهر لڪن ماگدرت
حافظ گام يحجيلي بعفويـة وبعشم بالحب أتمنيت مااستهدف شخص بريئ لڪن ماڪو غيرة
لحد ماقبل الخطوبة مال نهلـة أجى لحـد لبيـت
وطلعتلة بالخفاء
أثاري باسل شايفـنا هنا
خفـت ولمن حسيت راح أخرب حياة اخوان فگتلة بعد لاتجي اني ماحبك وهو گال اني اعلمج هزيت ايدي وعفتة
طلعت من صفنتي من هدى صاحتني
رحتلها وانـي مقهـورة لان باسل راح يمشي باجر يروح للناصرية
بس ماصبـر وطلع بليل ماعبالي بهالسرعة
أنت تقرأ
ســت أرواح
Mystery / Thrillerسأخـط لـڪم قـصـة سـت فـتـيات ينتـظـرن تـحقيـق أحلامـهن يـسعـن جاهداً أن يـزيـلـن لـقـب أنـتِ عـار للمـجتـمع آراء أخـرى يستـسلمـن أم يـحاربـن الالـم الـجـوع والـفـراق وڪم روح ستـغـادرنا بـسبب ظلـم العادات والـتـقـالـيـد. 💔 (مستـمـرة) اللڪاتب...
