دَموعنَا ووجعنا وحزننا وكَسرت خاطرنا اذا هانت عند البشر فـ مراح تهون يم رب العالمين
.................................
تعليق ولايك ؏ ڪل فـقـرة ♥️
الڪاتبة أسـتـبـرق الـزبيـدي ✨🦋
.....................
في مڪان مجهول) )
فاتن: دخلت للغرفة گالت راح تنتقلين للغرفة رويـدة وعهود انـي هاي الغرفـة اريد ارتبها واخليها بس الي
ماناقشتها مبينة سفانة مو سهلـة
اخذت ملابسي وطلعت من غرفتها طبيت الغرفة رويدة وعهود
باوعـلي گالن انتـي شسمج گتلها فاتن گالن تمام فاتن شنو اشوفين بهالغرفة وتسمعين بهالغرفة ميطلع برا واذا طلع نعاقبج گتلهن لاعليه بيجن ولاعليجن بيه
هن گالن عفية
وعافنـي وطلعن ينظفن
طبت فضة مثل الاجل المستعجل جرتنـي يلاا گومي نظفـي
گمت شسويلها سفانة تخلت عنـي لازم أكون قوية وأكدر اعتمد ع نفسي
طلعت اجمع بالبطالة مال الش..رب والگلاصات
استغفرت ربي وحتقن وجهـي من الريحة والقهر
رويدة ندستني گالت موگتج ڪمليي فضة دتباوعلج شلت السطل والماسحة وگمت اذب بالگاع وامسح
لحد ماڪملت الصالة
نوب گالت روحي غسلي الملابس مال البنات هزيت راسي الها طبيت لحمام ملابس شگد اخذتهن بالطرمة
خليـت الطشت وكعدت بالگااع التايت والمي يمي
گمت اغسل بيهن لحد ماايـدي گامت توجعنـي وظهري نڪسر ڪسر
شريتـهن ؏ السطح ونزلـت گالت فضـة سراب تصيحج
رحت گالت فاتن هذا اسمج راح أغيرة گتلها لااحبه گالت راح اسميج مفاتن مأگدرت اعترض اخاف منها تهددني باامنة جنت حيل اخاف منها لو اعرف أمنة وبراء بمكان أمن جان ماطوعتها
طلعت جان تصيح مفاتن انداريت عليها گالت يلاا خوش بس ردت اختبرج
تلگتني سفانة
گتلها شلونج سفانة گالت زينة وعافتنـي وطبت
عيوني نملو دموع گلت هااي شبيها ليش هيج تغيرت
طبيت الغرفة لگيت رويدة وعهود يسولفن ؏ سفانة وشلون طاردها مازن وگايلها بعد ماريدج اكتفيت منج
عهود گالت الرويدة شمدريج رويـدة ردت عليها بسمعت هي وسراب يسولفن
تجاهلت ڪلامهن تغطيـت وسويـت نفسي نايمـة
گالت رويـدة تـدرين ليش سفانةطردت هاي
ردت عهود ليش گالتلها مو سراب ماخذة سفانة لفاخر وطاردها گايلها سفانة ماتفيـدنيي وانـي اريـد ذيج البنية وگايل السفانة بعـد لاتـرجعيـن هناا ترا أدفنج وانتـي حيـه
نزلـت دمعتـي يعني سفانة ڪرهتـني وعاملتـني بقسوة لان جانت تريد تاخذ فاخر وفاخر رفضهاا
وهو مـنـو فاخر والڪل يريدة
ضليـت بهالبيـت اشهـر وخلتـني سراب بس أنـظف واطـبخ مرتاحـة
نوعاً ما مرت هالاشهر بضيقـة وخنگة ياترى هسـة
اخواتـي شلونهـن
الفجـر نايمـة
مااحس اله سراب تجرنـي گتلها اخ ايدي شبيج
گالت وجع گومي صااحت فضة رويـدة تعالن
أجن يرڪضن گاتلهن اريدجن تطلعنها عروس
گتلها شكوو عروس وخرن ماريـد
باوعتـلي سراب بخزرة جان تصيح شرايج نجيب أمونـة
بلعـت ريگي واستـسلمت الهن وحدة تسوي بشعري وحدة تمڪيجنـي
نفسيتـي تعبت والخوف اڪلنـي ڪملن جان تگول سراب يلا البسي هذاا النقاب
باوعتلها ليششش
گالت لاتعاندين لبسته وانـي محطمة نفسياً شنو الراح يصير خفت حيل
بس قويـت نفسي تـلگتني سفانـة گالت مبروك
بس معرفت شقصدهاا
ليش هيج تـعاملنـي صعدنا السيارة وگفنا يم مڪان معيـن ونزلنـا جان ينـزل هذا الاسـمة فاخـر گال صعدي لزمـت أيد سراب گتلها عفيـة لاتعوفيني مستعدة أخدمج بس لاتسوين هيج بيه
گالت لاتخافين لاتخافين وعافتـني وصعـدت بالسيارة اني عطـت وراهااا عفية لاتـعوفيني وهو مجلب باايدي بجيـت بخوف صعـدنـي وطول الطريق هو يدخن لعب نفسي فتحت الجامة صاح سديها مشوفين فاتح التگيف
گتلة اختنگت من الريحة گال سديهااا
خفـت منه وسديـتها دباوع مڪتوب بابل ترحب بڪم بلعت ريگي كتلة ليشش بابل
گال ملاحظـة نفسج تحجين هوااي سڪتت وهو شغل اغنيـة
أم العيون السود
وبدت لاأغنيـة
بكلمات يام العيون السود ماجوزن انا
خدك القيمر انا اتريق منه
لابسه الفستان وقالت لي انا
حلوه مشيتها دتمشي برهدنه
لو تحب خادم خادمها انا
ولعوف الدوله واعوف السلطنه
........
ويـردد أي والله اعـوف الدولة والسلطنـة
خليت راسي بتعب ماعرف شنو لي ينتـظرنـي هناك
طكت روحـي من الاغنيـة گتلة الناس تشغل دعاء قرأن مو اغاني
باوعـلي وضحك گال ااي صدك
انـتي بيـت سراب كل ليلة تشغلون القرأن ومن الصبح تگعدن تصلن وتسبحن
گتلة انـي مووو مثلهن
گال ااي خوش يلاا سدي حلگج لااعرف شلون اسدة تعصبت منه گتلة لاتدخن يلااا ترا نفسسيي لعبت
باوعـلي بنظرة گلت يمڪن راح يڪتلني سڪتت
غفيـت ماحس اله هو ندسنـي گال نزلـي النقاب
باوعـت سيطرة گدامنا نزلتها
وفتنا طلعلهم الهوية ومشى من يمهم
صوجي لو عايطة هذا خاطفني ههههههه والله اني غبية غير عندة هويـة مال صماخات كبار
سكتت وصلنا النجف روحي طارت گتللة الله عليك وديني الامي گال امج شنو
گتلة وديني القبر امي الله يخليلك أمك
باوعلي گال محاجة يخليها جان يجرنـي گعدنا بالمطعم باوعت الناس شلون فرحانين گال نزلي النقاب گتلة عفية من انزلة انثول خليني اباوع شوي
گال بس شوية باوعـت شفت عائلة طبـت شايلة علاليگ شكثر وبنيـة بگدي شايلة جنطة والصغيرة شايلة لعبة
گلت بيني وبين نفسي الله هنيالج
گال انتـي شكاعد تحجين
گتلة اباوع ع البنات جانو بالسوگ
گال وشنو المطلوب گتلة ولاشي ڪملنا أڪل جان ينزل النقاب وسحب ايـدي طبينااا السـوگ
گتلة مداشوف والله گال عادي ملازم تشوفين
دامشي جان انرگع ببنية وهو يجـرجـر بيـة صحت ييي شبيكك راح أوگع
توجهـنا هناك السيد گعدنـي گال للسيد نريـد عقـد طلع هويـة باسم فاخـر نـصـر.....
وهويـة باسم مفاتن فلاح ....
نفس اسم جدة سوانـي بنـت عمـة
تفاجئـت هااي شوڪت سوالي هالجنسية
سألني الشيخ هل تقبلين الزواج من فاخر نصر الـ .....
بمهـر مقدمـة 4 ملايين ومؤخـرة 6 ملايين
ضليـت صافنـة گال هل تقبلين هو استأذن السيد گال شبيج ماتـنطقيـن گتلة ليش تريد تزوجنـي ليش تريد تضيعنـيي ارجوك رجعنـي الاهلي اعتبرنـي اختك هو صار عصبي گال لاااختـي ولااشيي يللاا وااافقـييي
گتلة ماوافق دگ ع سراب گالها سرااب البنية الاخذتـة تراااها تعانـد راح ارجعها ورجعي المهرر مالتها
نطانـي تلفون اجانـي صوت سراب تصيح هااا مفاتن شنو گتلجج لج
اذا ماااروح واخذ اختج انـي مو سرراب
گتلهاا لا خلاص راح اوافق والله خلاص
رجعنا جان يملي الشيخ عليه الكليشة مال الزواج گتلة قبلت
بس نسحبت روحي مني عرفت نفسي بعد ماڪو أمل ارجع الاخواتـي
جرنـي من ايدي ورحنا للبيت هو مأجرة مالتة مادري بس مبين جان محضر كلشي نظيف ومرتب
رفعت النقاب ونزعتـه بعصبيـة گعدت ابجـي گال شڪو تـبجيـن
اصلا سفانة تمنـت تـڪون بمڪانج
عطـت بيي انـييي مو سفااانة انـيي فاتـن
فاتـن بنـت باوعـتلة ردت أڪولة بنت حسن بس سڪتت حسيت اذا اگول اسم ابوي راح اوصخة
گمت گال وين گتلة للحمام أشرلي عليه ورحـت طبيـت باوعـت النفسيي المڪياج مالليي وجهـي
غسلتة وافرك بوجهـي يمـي علبة مال صابون ضربتها بالمرايااا جان تـطشـر
اجى يدگ بالباب گال افتحيي شلت الكزاز اريد انتحر انتحر احسلي قبل مايلمس شرفـي أموت نـفسي أفضل خليت فوهه الڪزازة ع گلبي جان يڪسـر الباب گال لج تريدين تموتين نفسج
تعالي انـي اموتج
جرنـي من شعـري وگعدنـي ع الجربايـة گال هسة انـي أموتج بيدي
باووعتـلة
كتلة عفية اترڪنـي والله انـي مو منهن
بدى يقرب عطت بي ابوس أيدك لاتقـرب
جر الفستان ونشگ من يم الجتـف
صحت گتلةوخرر تف عليك وع امثالك
أنت تقرأ
ســت أرواح
Mystery / Thrillerسأخـط لـڪم قـصـة سـت فـتـيات ينتـظـرن تـحقيـق أحلامـهن يـسعـن جاهداً أن يـزيـلـن لـقـب أنـتِ عـار للمـجتـمع آراء أخـرى يستـسلمـن أم يـحاربـن الالـم الـجـوع والـفـراق وڪم روح ستـغـادرنا بـسبب ظلـم العادات والـتـقـالـيـد. 💔 (مستـمـرة) اللڪاتب...
