Unicode
" ဒီမှာ ကြီးမေစုထားတဲ့ ရွှေစတွေ "
" အာ ကြီးညို ဘာလုပ်တာတုန်း ၊ ပြန်ထုတ် ပြန်ထုတ် ၊ သားမယူဘူးနော် "
" ဟဲ့ ကောင်လေး ဘာကို မယူရမှာလဲ ၊ မြို့တော်ကြီးဆိုတာ ဘယ်လိုနေရာမျိုးလဲ မင်းသိရဲ့လား ၊ ငွေကိုရေလိုသုံးနိုင်မှ လူရာဝင်တာ သားငယ်ရဲ့ ၊ မင့်မှာ ရွှေလေးနည်းနည်းမှမပါရင် မတော်လို့ အရေးကြုံလာတဲ့အခါ ဘယ့်နှယ်လုပ်မလဲ "
" ကြီးညိုပြောတာဟုတ်တယ် ပုံပုံ ၊ မလိုအပ်ပဲ ငြင်းမနေနဲ့ "
" ဟုတ်... "
ခပ်နွမ်းနွမ်း အဝတ်အိတ်ထဲကို ကြီးညိုက ပစ္စည်းတွေထည့်ပေးနေပြီး မေမေနှင့် ပုံပုံက ဘေးကနေ ရပ်ကြည့်နေရ၏။
" ဒါက ရေချိုးဆပ်ပြာခဲ ၊ ဒီမှာက ညအိတ်ဝတ်စုံရယ် ၊ အပေါ်ထပ်အင်္ကျီရယ် ၊ အဝတ်အပိုနှစ်စုံရယ် ၊ လိုကာမယ်ကာ ဖိနပ်အပိုတစ်ရံရယ် ၊ ဒီမှာ သွားတိုက်တံနဲ့ ခေါင်းဘီး ၊ ခေါင်းစည်းကြိုးနည်းနည်းရယ် ၊ သားကြိုက်တဲ့ သကြားလုံးဘူး ၊ ဓားမြှောင်အသေးတစ်လက် ၊ ဟိုရောက်ရင် မနက်အိပ်ယာထတာနဲ့ ဆံပင်ကိုခေါင်းဘီးနဲ့သေချာဖြီးပြီး တစ်ခါတည်းစည်းနော် ပုံပုံ ၊ အပျင်းထူဖို့ မစဥ်းစားနဲ့ ၊ သူများတွေရှေ့ခေါင်းစုတ်ဖွားကြီးနဲ့မနေနဲ့ဦး ၊ ဒီမှာရေသန့်ဘူးနဲ့မုန်လာဥပေါင်မုန့် "
ပုံပုံ ကြီးညို၏ ခပ်ဖိုင့်ဖိုင့်ခန္ဓာကိုယ်ကြီးကို တိုးဝှေ့ကာ ဖက်ထားလိုက်သည်။နွေးနေတာပဲ...
" သားမသွားချင်ဘူး... "
" မေမေ့သားက တော်ပြီးသားပဲကို...အဆင်ပြေမှာပါသားရယ်... "
မေမေက ပုံပုံနှင့် ကြီးညို နှစ်ယောက်လုံးကိုဖက်ကာ တီးတိုးရေရွတ်နေ၏။ပုံပုံ့ကို အားပေးနေတာလား သူ့ကိုယ်သူဖြေသိမ့်နိုင်ရန် ကြိုးစားနေတာလားတော့မသေချာပေ။
" ကဲသားအမိတွေ တော်ရုံပဲ အလွမ်းသယ်တော့ ၊ အိမ်ရှေ့မှာ အနီးဆုံးမြို့ကို သွားမယ့် ထင်းလှည်းစောင့်နေတယ် "
ပုံပုံ အိတ်ကိုကောက်လွယ်ကာ အိမ်ထဲကနေထွက်ပြီး လှည်းနောက်မြီးပေါ်တက်ထိုင်လိုက်သည်။မေမေနှင့် ကြီးညိုက အိမ်ပေါက်ဝမှာတင်ရပ်နေပြီး အနားကပ်မလာတော့။ကြည့်ရတာ ငိုမိကြမှာစိုးလို့ဖြစ်မည်။
ВЫ ЧИТАЕТЕ
လောဘကြီးတဲ့ကျွန်တော့်ချစ်သူကိုရွှေနဂါး(Completed)✅🌊
Фэнтезиလောဘကြီးတဲ့ ရွှေနဂါးကြီးတစ်ကောင်နဲ့ ကြောက်တတ်ပြီး နူးညံ့တဲ့ ပန်းရောင်ယုန်လေးတို့ရဲ့ အချစ်ဇာတ်လမ်း... ရှေးဟောင်းရတနာတူးဖော်တဲ့ကောင်လေးတစ်ယောက်သေဆုံးသွားပြီးနောက် သားရဲကမ္ဘာက လူအသွင်ပြောင်းနိုင်တဲ့ ယုန်လေးတစ်ကောင်အဖြစ် ပြန်လည်မွေးဖွားလာသောအခါ... ရွှေန...
