Unicode
" ဘယ်သူလဲ ၊ ထွက်ခဲ့စမ်း "
နက်ရှိုင်းက ခပ်တင်းတင်း ဟိန်းဟောက်လိုက်သော်လည်း တစ်ဖက်မှ ဘာသံမှ ပြန်ထွက်လာခြင်းမရှိ။
သို့သော် တစ်ခဏကြာလျှင် အသံလာရာ သစ်ပင်ကြီးနောက်ဖက်မှ အပြင်းကြောဆန့်သံလိုလို သန်းဝေသံလိုလို အသံတစ်ခုထွက်လာသည်။
ပုံပုံ ကြောင်အသွား၏။
ဒီလောက်ကြောက်စရာကောင်းတဲ့ နဂါးကြီး တစ်ကောင်လုံးရှိနေတာတောင် တစ်ဖက်လူက သန်းနေနိုင်သေးတယ်။ဒီလူ တော်တော် သတ္တိကောင်းတာပဲ။
ပုံပုံ နက်ရှိုင်း ခေါင်းပေါ်က ဂျိုကြီးနှစ်ချောင်းကြားကို မရရအောင် ကုတ်ကတ်တွယ်တက်သွားကာ ငြိမ်ငြိမ်လေးပုန်းနေလိုက်သည်။နဂါးကိုတောင်မကြောက်မှတော့ သူ့ကိုအန္တရာယ်ပေးမယ့်သူဆို ဘယ်လိုလုပ်မလဲနော့။အားကိုးရှိမှတော့ ကြိုပုန်းနေရမှာပေါ့။
ပုံပုံတစ်ယောက် ပုန်းသာပုန်းနေသော်လည်း သူ့ပန်းရောင် ခေါင်းထိပ်ကလေးက သိသာစွာပေါ်နေသည်ကိုတော့ မသိရှာပေ။အသံကို ခိုးနားထောင်ချင်နေတာကြောင့် ခါတိုင်း ခေါင်းလုံးလုံးလေးဘေးတွင် တွဲလောင်းကျနေတတ်သည့် ပန်းရောင်နားရွက်ရှည်ရှည်လေးတစ်ဖက်က ထောင်နေ၏။
သစ်ပင်နောက်မှ လူတစ်ယောက် အေးအေးလူလူထွက်လာသည်။အသက် ၄၀ခန့်ရှိမည်ဟုထင်ရကာ ဗိုက်အနည်းငယ်ပူပူနှင့် လက်ထဲတွင်လည်း ပန်းသီးစိမ်းတစ်လုံးကို တဂျွတ်ဂျွတ်မြည်အောင်ကိုက်ဝါးနေသည်မှာ ပုံပုံပင် သွားရည်ကျလာ၏။
" ခင်ဗျား ဘယ်သူလဲ "
နက်ရှိုင်းက လည်ချောင်းသံနှင့် မာန်ဖီပြီးမေးလိုက်ရာ လေထုထဲတွင် အပူလှိုင်းတွေပါ ပျံ့သွားသည်။
လူကြီးက ခပ်အေးအေးပြုံးကာ နက်ရှိုင်းကို ကြည့်လိုက်ပြီး
" ဒီခေတ်ကလေးတွေက တယ်လည်း နမော်နမဲ့နိုင်ကြတာကိုး...ငါ့အိမ်ထဲဝင်လာပြီး စိတ်ရှိလက်ရှိလည်း ဆော့နေကြသေး ၊ ငါ့များ ဘယ်သူတုန်းတဲ့ "
ထို့နောက် လူကြီးက အရှိန်အဝါတစ်ခုထုတ်ဖော်လိုက်ရာ လူကြီး၏ ခန္ဓာကိုယ် ပတ်ပတ်လည်တွင် အစိမ်းရင့်ရောင် အလင်းရောင်ခြည်လေးများ ပတ်လည်ဝိုင်းသွား၏။
BINABASA MO ANG
လောဘကြီးတဲ့ကျွန်တော့်ချစ်သူကိုရွှေနဂါး(Completed)✅🌊
Fantasyလောဘကြီးတဲ့ ရွှေနဂါးကြီးတစ်ကောင်နဲ့ ကြောက်တတ်ပြီး နူးညံ့တဲ့ ပန်းရောင်ယုန်လေးတို့ရဲ့ အချစ်ဇာတ်လမ်း... ရှေးဟောင်းရတနာတူးဖော်တဲ့ကောင်လေးတစ်ယောက်သေဆုံးသွားပြီးနောက် သားရဲကမ္ဘာက လူအသွင်ပြောင်းနိုင်တဲ့ ယုန်လေးတစ်ကောင်အဖြစ် ပြန်လည်မွေးဖွားလာသောအခါ... ရွှေန...
