" بقولك ايه عندي ليك تحدي وربنا لو نجحت فيه ليك عندي الفين جنيه " تحدث حامد وهو ينظر للأمام ويضحك
" تحدي ايه " تحدث انور
" توقع ناريمان فايز وتخليها تعترفلك بحبها "
نظر اليه بصدمة " انت أهبل ناريمان ايه!..ده انا اشهر واحد في اعلام وبعدين الكلية كلها هتتريق عليا ال ناريمان ال! "
" يا ابني دي هتبقى متعة وتخيل الضحك الي هيحصل في الجامعة "
" هى مين ناريمان دي يا جماعة؟ " تحدثت هاجر حبيبة انور
" بنت كدة تخينة بغباء ولابسة نضارة شبه الكوباية وشها كله حبوب هو مش باين من تخنها اصلا مفيهاش حاجة عدلة غير ان شعرها اصفر حتى مش لايق على عينيها السودا هتعرفيها ازاي بقى هتلاقيها دايما ماسكة حاجة بتاكلها " تحدث حامد ثم اشار اليها " اهى جت على السيرة وماسكة كيكة مش قولتلك "
" انور بليز اعمل كدة الحوار هيبقى جامد اوي اقسم بالله" تحدثت هاجر وهى تضحك
" هاجر انتِ حبيبتي واخدة بالك؟ " تحدث انور
" ايوا بس ده كدة وكدة " تحدثت وهى تضحك
" وانا معنديش مانع اي حاجة فور فان اشطا "
توجه اليها وابتسم " ازيك يا ناريمان "
كانت تأكل الكعكة فنظرت اليه بدهشة وابعدتها عن فمها بسرعة " انور؟ "
" ايه مالك مخضوضة كدة ليه "
" لا مفيش اصل دي اول مرة تكلمني" تحدثت بتوتر
" انتِ متضايقة..امشي؟ "
" ايه!..لا لا " تسارعت دقات قلبها
حاول كتم ضحكاته " انا حابب نكون صحاب يعني لو مش هضايقك "
" انا!؟ " نظرت اليه بذهول ثم تابعت " اشمعنا انا؟..يعني سايب كل البنات وعايزني انا!؟.. ده بنات اعلام كلها معجبين بيك "
" طب وفيها ايه مش فاهم؟..مالك يعني؟..حسك عسولة ودمك خفيف فا حبيت نكون صحاب بس لو مش عايزة قولي "
ابتسمت بخجل ونبض قلبها بسعادة " لا اكيد عايزة "
كان يحاول منع نفسه من الضحك وحدث نفسه " ما اكيد اما صدقتي حد بص في وشك الي مش باينله ملامح ده..هموت واعرف انتِ كام كيلو "
ابتسم " طب ايه مش هتجيبي رقمك؟ "
" لا اكيد هبعتهولك "
" هتبعتيه ازاي انتِ معاكي رقمي؟ "
" معايا اه..من جروب الدفعة..اصل انت حاطط صورتك عادي " تحدثت بحرج
ابتسم " تمام ابعتيلي وهسجلك..اشوفك بعد المحاضرة "
" انور "
" نعم؟ "
" هو مش انت مرتبط بهاجر؟ "
" هاجر!..هاجر دي اختي انتِ بتقولي ايه "
ابتسمت بسعادة " تمام "
هرولت لصديقتها الوحيدة هالة
" يا لولو الحقيني يا لولو هموت من الفرحة! "
ضحكت هالة " ايه الي حصل "
" انور وجدي..طلب مني نبقى صحاب وقالي اني عسولة ودمي خفيف! " تحدثت بخجل وهى تحرك خصلات شعرها
" انور؟..ما بلاش يا ناريمان "
" ليه!؟ "
" حسة ان فيه حاجة غلط "
" ليه بتقولي كدة يا هالة!.. ده كان جنتل خالص!..وبعدين دي اول مرة ولد يكلمني مش عايزاني افرح!..انا عايزة احب واتحب زي اي بنت انا جوايا طاقة ومشاعر! " امتلأت عيناها بالدموع
" يا حبيبتي انا مقصدش والله العظيم ما اقصد انا بس خايفة عليكي مش عايزاكي تدلقي بمشاعرك عليه كدة مرة واحدة وتتعشمي في حاجة " تحدثت وهى تمسح دموعها
" بس انتِ عارفة يا هاجر اني معجبة بيه اوي ده انا لما صدقت كلمني عمري ما كنت متوقعة "
" طب خلي بالك ارجوكي بلاش تدلقي كدة "
أنت تقرأ
The Ugly Beauty
Short Storyهل الجمال هو جمال الروح ام جمال الجسد؟ صديقي العين تأكل قبل الفم لا بل الروح هى الباقية والجسد فاني
