صعدت للمنزل اخيرا وارتمت على السرير بوهن
" جسمي مكسر هموت " تحدثت بألم وامسكت بالهاتف وجدت رسالة من رحمة
" ازيك يا مريوم "
" الحمدلله يا حبيبتي ايه اخبارك "
" بجد بجد كنتي زي القمر النهاردة "
" حبيبتي والله انتِ الي قمر اسألي انور قولتله انك تجنني وشكلك عشرية وعسولة " تحدثت مريم ثم تابعت
" بس هى ليه هاجر مش طايقاني؟..كنت حابة اعرفها "
" هى هاجر كدة..بيني وبينك انتِ احلى منها حتى هى نفسها شايفة كدة فا هى خايفة انك تسرقي الاضواء منها عشان هى بقى الكوين في اعلام هنا كله بيتهبل عليها وحقيقي معرفش ليه "
" اه فهمت..بس دي معندهاش ثقة في نفسها خالص "
" خالص يا مريم هى اصلا بتداري نقصها بكلام الناس لما الناس بتمدح فيها هى بتتبسط اوي وبتتغر انما لو ركزوا مع حد تاني شخصيتها الضعيفة بتبان وثقتها في نفسها بتنهار هى عايزة حد يفضل يمدح فيها على طول "
" يا حرام صعبت عليا اوي..بس افتكرتها صاحبتك "
" صاحبتي ايه بس ده انا بكرها كره!..يا بنتي انا معاها عشان ابقى جمب انور مش اكتر "
" انور!؟..مش انتِ مرتبطة بمازن يا بنتي "
" ما هو بصي هفهمك.. انا بحب انور بس انور بيحب هاجر اوي فا انا كنت زعلانة جدا ومتضايقة ونفسي انساه فا ارتبطت بمازن..هو انسان طيب وبيحبني فا انا معاه عادي بس بردو لسة بحب انور بحبه اوي كمان وقلبي بيتكسر طول ما انا شايفاه معاها "
" مش عارفة اقولك ايه يا رحمة والله ربنا يصبرك بجد..رحمة هى مين ناريمان!؟ "
" بنت تخينة اوي ووحشة معرفش بجد بتعمل ايه في اعلام..احنا كليتنا بتاخد بالشكل اوي خصوصا في الشغل انا بقى مش فاهمة دي جالها قلب تخش اعلام ازاي بشكلها ده!..دي مستحيل اصلا تشتغل بشكلها ده ولا صوتها والله ما كان بيطلع من بقها بسبب الدهون "
" حرام عليكي متقوليش عليها كدة دي صعبت عليا اوي" تحدثت بشفقة
ضحكت رحمة " هى تصعب على الكافر بصراحة "
"ابعتيلي صورتها"
" كان نفسي بس هى قفلت اكونتاتها كلها "
" يا خسارة كان نفسي اشوف! "
" ما علينا خليني اكملك كلامي "
" كملي " تحدثت مريم
" مازن عيبه انه راجل ممل كلاسك اوي مفيهوش حاجة جديدة مش مطرقع كدة ممل فاهماني؟ "
" ايوا "
" فا بزهق منه كتير..هو حنين وطيب ومحترم بس ممل بغباء لما بزهق منه بقى بحرج مع رجالة تانيين بروح اسهر معاهم كدة يعني وطبعا هو ميعرفش..مش حبة اخسره "
ضحكت مريم " اهم حاجة التنوع "
" بجد اه يا مريم الرجالة دول كل واحد فيهم مختلف وكل واحد فيهم فيه ميزة غير التاني فا بحب اجربهم كلهم يمكن اختار شريك حياتي منهم في الآخر..وانتِ بقى مفيش حد كدة ولا كدة؟ " ضحكت وتحدثت بمزاح
" لا خالص والله نفسي بس مفيش..عن اذنك يا رحمة لازم اقفل بابا بيتصل بيا "
" تمام يا حبيبتي باي "
اغلقت الهاتف واغمضت عيناها " كلوا دماغي جتهم القرف"
استيقظت باليوم التالي ارتدت ملابسها وتوجهت للخارج لتذهب الى الجامعة عندما وجدت انور امام منزلها
ابتسمت " انور!..بتعمل ايه هنا؟ "
" انتِ نسيتي اننا متفقين نروح ونيجي مع بعض ولا ايه"
" بس انا خايفة هاجر تعرف وتضايق انا مش عايزاها تكرهني "
" متخافيش خشي انتِ الأول وانا هخش بعدك بخمس دقايق كدة كدة هى بتروح بدري فا مش هتشوفنا "
" تمام اشطا "
وبالفعل ذهبا سويا للجامعة
" صباح الخير يا جماعة " تحدثت مريم
القوا جميعهم التحية ما عدا هاجر
" هاجر..عايزة اتكلم معاكي لو سمحتي " تحدثت مريم بابتسامة
تنهدت هاجر " نعم؟ "
" هو انتِ ليه مش طايقاني انا حبة نكون صحاب..لو عشلن انور فا ريحي نفسك انور زي اخويا بالظبط ده غير انه مش نوعي المفضل "
" بصراحة يعني انا بغير عليه اوي..بس اسفة لو ضايقتك مكنش قصدي " ابتسمت بحرج ووضعت يدها على كتفها
" حقك اكيد..بس لازم يكون عندك ثقة فيه "
" عندك حق بس حقيقي غصب عني اصل الدبان حواليه كتير " تحدثت بملل
" انتِ بردو زي القمر فا اكيد حواليكي اكتر " ابتسمت
" ميرسي يا مريومة..خلاص نبدأ صفحة جديدة؟ " تحدثت هاجر
" اكيد " ابتسمت وهى تعانقها
أنت تقرأ
The Ugly Beauty
Short Storyهل الجمال هو جمال الروح ام جمال الجسد؟ صديقي العين تأكل قبل الفم لا بل الروح هى الباقية والجسد فاني
