" هاجر " تحدث بندم وهو يمسك بيدها
" ولا كلمة..ولا كلمة " تحدثت وهى تذرف الدموع وتذهب من امامه
وضع يده على رأسه بندم وصعد لغرفة ناريمان وطرق الباب ففتحت ونظرت اليه
" ناريمان..ممكن ادخل؟ "
" ادخل " تحدثت بلامبالة وجلست على السرير
" انا اسف..كان حقك تعملي كل ده..انا بجد اسف اوي..بس انا حبيتك انتِ كسرتيني اوي دلوقتي انا حاسس اني مع واحدة معرفهاش حاسس مريم الي حبتها اتبخرت "
" ما هو عشان مفيش انسانة اسمها مريم اصلا "
" انا بحبك يا ناريمان " تحدث وعيناه مليئة بالدموع
ضحكت " بتحبني اه..وانا بكرهك " نظرت اليه بحدة
" حقك..والله حقك..بس مينفعش تغفريلي؟ "
" هو الي انت عملته ده يستحق المغفرة؟..انا بدعي ربنا كل يوم ينتقم منك ومنكوا كلكوا ومن اي حد كسر قلبي وهفضل ادعي الدعوة دي طول حياتي انا عمري ما هسامحك على الاذى النفسي الي سببتهولي انت مشوفتنيش وانا بعيط كل يوم بسببك مشوفتنيش وانا شعري بيقع من الحزن بسببك مشوفتش وشي الي اتملى حبوب من الحزن بردو بسببك انا مكنش فارق معايا اي حاجة من الي خصلت إلا انت بس بردو بسببك بقيت قوية اوي واتغيرت ومحدش يقدر يفتح بقه معايا تاني خلاص..انت مشوفتش قد ايه انا تعبت عشان اوصل للي انا فيه دلوقتي "
" ناريمان حرام عليكي انتِ كلامك نازل زي السكاكين في وشي انا حبيتك! "
" طب ما انا كمان حبيتك وكلامك نزل عليا زي السكاكين!.. اشمعنا انا يحصل فيا كل ده وانت لا؟..حس بشعوري بقى..انا عايزة انام اخرج "
نظر اليها وتنهد " حقك يا ناريمان مقدرش الومك..عن اذنك " ذهب للخارج بانطفاء ونظر لهاجر آلمه قلبه بشدة
" حتى الإنسانة الوحيدة الي حبتني وكنت بقدر اكون معاها على طبيعتي واشكيلها همي خسرتها اروح لمين انا دلوقتي؟ " ذهب لغرفته واغمض عيناه وحاول النوم
" مازن ارجوك " بكت بشدة وامسكته لتوقفه
" بقولك ايه يا رحمة مش عايز اسمع صوتك سيبيني قي حالي بدل ما اسمعك كلام مش هيعجبك! "
" والله العظيم ما كنت اقصد اعمل فيك كدة انت شخص محترم وتستاهل كل خير "
" لا يا شيخة اومال لو كنتي تقصدي كنتي عملتي فيا ايه!؟.. ولما انا شخص محترم كدة عملتي فيا كدة ليه يخربيت السذاجة الي كنت فيها!..لا والله مكانتش سذاجة دي كانت ثقة بس للأسف طلعت مش في محلها " نزع يده من يدها وتركها تبكي كان الجميع ينظرون لها باشمئزاز
" طلعت شمال اوي " تحدثت فتاة موجهة حديثها لصديقتها
" ما لما انتِ بتحبي تجربي الولاد وكدة ما تيجي تجربيني هعجبك " تحدث وهو يقترب منها
" انت سافل وحقير! " تحدثت وهى تبكي وابتعدت عنه وهرولت ناحية مازن ترجلت وراءه لتحتمي به
" مش هيحميكي يا حلوة " ضحك بسخرية وهو يذهب وراءها صرخت وامسكت بكتف مازن فالتف وامسكه من عنقه والصقه بالحائط " بقولك ايه انا مش ناقص قرف متعصبنيش اكتر ما انا متعصب " تحدث بانفعال
" فيه ايه ده انا هجيبلك حقك منها حتى "
" سيبها في حالها متجيش جمبها لا حق ولا محقش " تحدث بحده وتركه وذهب لغرفته ونظر لأنور الذي كان يحدق امامه بشرود
" مش مصدق اني كنت مخدوع في كله كدة..وناريمان..طلعت بحب ناريمان! ومفيش حاجة اسمها مريم يا شماتتها فيا وهى شايفاني مدلوق عليها تلاقيها كانت بتضحك وبتقول ساذج وغبي وكانت حسة بمتعة وهى بتتخطط تكسرني ازاي زي ما كسرتها "
" تستاهل وتستاهلوا كلكوا واحد واحد " تحدث مازن
" فيه ايه يا مازن مش انت كمان! "
" انا حبيبتي كانت معايا عشانك مش اكتر انا مش طايق اشوفك " تحدث بانفعال
" طب وانا مال اهلي!!..هو انا قولتلها تحبني!..فوق كدة قبل ما نخسر بعض احنا كمان "
أنت تقرأ
The Ugly Beauty
Short Storyهل الجمال هو جمال الروح ام جمال الجسد؟ صديقي العين تأكل قبل الفم لا بل الروح هى الباقية والجسد فاني
