صعيدي أحتل قلبي ❤

الفصل الثالث (خيانة)

      تفاعلو فضلآ ♥☺️
ـــــــــــــــــــــــــــــــــــــــــــــــــــــــــــــــ

     صـعــيــدي آحـتـلَ قــلَبـي❤️’
البــارت التــالت،

يوم الفرح جميع اهل البلد عند بيت الدسوقي وصوت الرصاص في كل مكان والناس يحتفلون ببدر الدسوقي لانه محبوب من الجميع في قلب البيت يجتمع الحريم في مكان خاص للسيدات واحدي السيدات تغني اغاني البلد المشهوره
وتجلس جميله وسطهم وهي مثل القمر بالفستان الابيض الذي ترتديه لقد زادها جمالا فوق جمالها مع شعرها الذي كالحرير وبشرتها البيضاء مع الكحل العربي
اما حنان والدة بدر فخوره بعروسة ابنها وكانت تدعي لهم بهديان السر
كانت جميله خائفة من فكرة انها ستصبح زوجه بدر وفاقت من شرودها علي صوت حنان: تعالي يا بتي هيكتبو الكتاب تعالي هخليكي تتفرچي واخذتها لمكان بحيث ان جميله كانت تري بدر وشعرت بالسعادة لأن معتز (والد بدر) هيكون وكيلها سمعت المأذون يقول (الجملة الشهيرة بعد كل كتب
كتاب) بارك الله لكما وبارك عليكما وجمع بينكما في خير إن شاءلله وهنا تعالت أصوات الزغاريط فالأن اصبحت جميلة زوجت بدر رسميا قطع فرحتهم دخول فتاة وعند دخولها لاحظت جميله ان بدر تغيرت ملامح وجهه ألى الغضب وسمعت شهقة من حنان
اتت صفاء الخادمه وقالت
انا جولت اجولك بدل ميضحك عليكي دي تبجي علا مرات بدر وهنا ظهرت الصدمة على ملامح جميلة
جميلة فى داخلها: هل ما سمعته صحيح هل بدر متزوج
فزي جومي يا خرفانه غوري من وشي(كانت هذه والدة بدر صارخة فى صفاء الخادمة)

اقتربت حنان من جميله وقبل ان تتحدث قامت جميلة وقالت برجاء لو سمحتي يا ماما انا عايزة اطلع اوضتي لو معندكيش مانع
حنان بحنان: لا يا بتي اطلعي بس اسمعي من بدر يا جميلة وبعدين احكمي يا بتي متخليش العجربه دي تأثر عليكي الحكايه كبيره افهمي الاول يا بتي منه
هزت رأسها بإيجاب و صعدت جميلة الغرفة وسمحت لشلال دموعها أن تنهار
فى الأسفل..
نظر بدر لعلا نظارات مليئة بالغضب وسحبها من يدها ودخل غرفه المكتب
بدر بعصبية: انتي خلاص عجلك فوت
علا: عجلي فوت عشان جايه اشوف جوزي وهو بيتچوز عليا
ضحك بدر باستهزاء وقال:
دلوجتي بتجولي جوزي مش چوزك ده اللي  مش عايزة تخلفي منه دلوجتي تجولي چوزي  علا: انت عارف اني بحبك وده كان شيطان ودخل بينا طلقها يا بدر و خلينا نعيش مع بعض زي الاول وهخلف
بدر: لع مش هطلجها يا علا
عند جميلة..
دخلت جميله غرفتها وانهارت من البكاء
وقالت لنفسها ببكاء
احمدي ربنا انك بعيدة عن جمال وانك فى حماية راجل وخلاص متعشميش نفسك بحاجه تانية

***************************

اتت فاطمة تجلس مع الحريم و تغني وترقص معهم حتي شعرت بالعطش وذهبت الى المطبخ لتشرب وهي في طريقها للعوده
نظرت للخارج فوجدت تميم يقف مع بنت جميله ولكن تبدو من ملابسها انها ليست من سوهاج تشبه بنات مصر فكانت بشعرها
غضبت وذهبت الى تميم ويملئها الغيره تفاجئ تميم بمجيئ فاطمة
هو بغيرة اي اللي طلعك من چوه يا فاطمة تجاهلته وتحدثت للفتاه
اهلا منورة
ساره: تسلمي منوره بيكو
فاطمة: مش المفروض تخشي عند الحريم چوه ميصحش تجفي وسط الرجاله اكده 
ساره: انا بس اتحرجت لاني معرفش حد جوه
فاطمة: لع ودي تيجي بردك وانا روحت فين هو انتي متعرفنيش مش تعرفها عليا يا تميم
  تميم: احم اه دي فاطمة تبجي بنت عمي ودي ساره بتشتغل معانا في المصنع
حزنت فاطمه من كلامه هل انكر ارتباطهم ام هل ما سمعته خطأ
ادمعت عيونها ونظرت له بحزن وقالت صح ابجى بنت عمه بس
تحدثت فاطمة بهدوء وحزن داخلي تعالي يا ساره چوة متقلقيش انا معاكي عشان ميصحش وجفتك اكده تعالي انتي ضيفتنا
ساره بامتنان: ميرسي اووي يا فاطمة ودخلو الى المنزل وتميم ظل واقف مكانخ يلعن نفسه علي تسرعه فى ما تفوه به
في الداخل،
استجوبت فاطمة ساره لتعرف منها مدى علاقتها بتميم
انتي بجي يا ساره بتشتغلي معاهم في مصر  ساره: اه بشتغل مع تميم
فاطمه بغيره: يعني بتشوفه بعض على طول 
ساره قاصدة جرحها:
طبعا انا وتميم كل يوم بنشوف بعض ومش بس كدا دا احنا بنفضل طول اليوم سوا عشان الشغل
فاطمه بغيظ: اااه جولتيلي
وهو بجي مجلكيش انه خاطب
ساره: هكلمك بصراحه عشان انا حبيتك انا وتميم بنحب بعض
وظهر على ملامح فاطمة الصدمة مما سمعته..
ثم ساره اكملت كلامها: وكمان هو كان قايلي كل حاجة وانه خاطب وكدا بس هو مبقاش يحبها هو شايف حياته واستقراره في مصر
حاولت فاطمة كتم دموعها
لا تدري ما تفعل غير انها قامت وغادرت المكان قبل ان تنهار ويظهر ضعفها امامها
ولاحظها تميم عند دخوله البيت فاقترب منها ولكن قبل ان يتحدث نظرت له
بعيون باكية بها الكثير من الاسئلة والعتاب  احيانا تتحدث وتحكي مه ولكن هذه المرة
تركته وذهبت وتركته دون كلمة وتركت قلبها له

دلفت فاطمة الى غرفتها وارتمت علي سريرها تبكي بحزن وقهر على سنين الحب الضائعة هل حبها لا يعني له شئ فهي عشقته منذ ان كانت طفله وتميم بالنسبه لها حب حياتها
سمعت صوت رنين هاتفها وبكت اكثر عندما رأت اسمه يضئ على شاشة هاتفها بأسم"نبض القلب"مسحت دموعها وأجابت بضعف وحزن ظهر في صوتها
الو
تميم: فاطمه انا لازم اتكلم معاكي
فاطمة: مفيش حديت بنا يا واد عمي
تميم: فاطمة اسمعيني وبعدين احكمي ارجوكي لازم تسمعيني انتي فاهمة الموضوع غلط انا عرفت الكلام الى  ساره حكتهولك احنا لازم نتكلم وانا هفهمك كل حاجه
فاطمة: بجيت بتتحدت زي بتوع مصر
تميم: فاطمة
قاطعته فاطمه بغضب وبكاء 
هو سؤال وترد عليا يا تميم
كلام ساره دي حجيجي ولا لا ؟
سمعت صوت تنهيده منه  وفضل الصمت
فاطمه بحزن: اجابتك وصلتني يا واد عمي كل شئ قسمة ونصيب وحاچتك هبعتهالك مع اخوي ولم تمهله فرصة للرد واغلقت الخط وحتضنت الهاتف وبكت بحرقة علي ضياع حبها..

-----------------------------
فى مكان اخر..

كانت تجلس علا والغيظ يسيطر عليها
والدتها: ها عملتي ايه يا خايبة روحتي ورچعتي
علا: اسكتي ياما انا هتچنن بجي ده بدر انا مش مصدقه
ماجده: انا ياما جولتلك ارچعي عشان مفيش واحدة تخطفه منك بس انتي بجي اللي نشفتي دماغك اهي جت اللي لهفته منك وابجي جابليني بقي ان عرفتي ترچعيه تاني
علا بخوف: لع بدر بيعشجني وطلاما انا لسه مراته يبجي هيرچعلي واللي اتچوزها دي انا هعرف اخليه يطلجها
ماجده: تبقي هبلة لو مفكره ان حنان هتديكي فرصة تعملي اكده انا عارفاها كويس متنسيش انها مكنتش رايداكي اصلا لولا ابنها اللي غصب عليها
علا بغل: متفكرنيش ياما بالولية العجربه دي ليها صرفه معايا بس اصبري عليا
ماجده: انتي اللي غلطانه لو كنتي سمعتي كلامي ومخدتيش حبوب منع الحمل كان زمانه  خاتم في يدك
علا: احنا لسة فيها ياما يلا انا هجوم احضر هدومي
ماجده: علي فين يا بنت
علا بضحكة ماكرة: علي بيت چوزي

ما الذى سيحدث ياترا؟؟
يتبع#
بقلم/الاء اشرف