صعيدي أحتل قلبي ❤

الفصل الحادي عشر(موافقة خطوبة)

      أكبر جبان .. هو الرجل الذي يوقظ مشاعر الحب في المرأة وهو لا يرغب بحبها.
   ـــــــــــــــــــــــــــــــــــــــــــــــــــــــــــــــ

     صـعــيــدي آحـتـلَ قــلَبـي❤️’

البــارت الحــادي عــشــر،

تفاجأ جمال بسالي وهي تمنعه من الخروج ومعها قوات الشرطه وتحدثت بسخريه: على فين يا جمال فاكر نفسك هتهرب بعد عمايلك السودة بالسرعه دي نظر لها جمال بشر والعساكر تمسكه من ملابسه وتبعد جميلة عنه وتحدث بغضب مش هتفلتي مني بعملتك دانا هوريكي يا سالي هقتلك
اخذته الشرطة وذهبت
جرت جميلة بخوف ودموع الي بدر الملقى على الارض من اثر الضربة القوية على رأسه جميلة بلهفه وحاولت افاقته ولكنه ما زال مغمي عليه لا يستجيب فاقتربت منها سالي  بهدوء وهي تحاول ان تطمئنها
سالي: متقلقيش انا طلبت الاسعاف وزمانهم علي وصول متخفيش هيبقي كويس
نظرت لها جميله بانهيار: انا خايفه اووي بدر لو جراله حاجه انا مش هسامح نفسي ابدا انا السبب انا السبب وظلت تبكي بخوف وجاءت الاسعاف واخذو بدر الي المستشفي وذهبت جميلة وسالي معه
____________________

تحدث ادم باحراج: ازي حضرتك يا حج سامح
سامح بترحيب: اهلا وسهلا يا ابني نورت بلادنا
ادم: منوره باهلها يا حج
سامح: دا يبجي ولدي الكبير سالم
نظر ادم لسالم بتوتر من نظراته الفضوليه له وتحدث: اتشرفت بحضرتك يا استاذ سالم تحدث سالم بغموض: الشرف لينا يا افندي
(صعيدي مجفل😂)
وتحدث سامح بود: خير يا ولدي
ادم بابتسامة: احم انا والله سمعت عنك كل خير وانا بسأل علي العنوان
سامح: تسلم يا ولدي وتعيش انت جولتلي انك چاي بخصوص بتي فاطمة طمني يا ولدي في حاچه
ادم بسرعه: لا لا خالص متقلقش هي بخير انا ابقي اخو صحبت فاطمة في الجامعة وشوفتها معاها مره وهما مروحين وبصراحه عجبني اخلاقها وادبها ويشرفني اني اطلب ايديها من حضرتك يا حج
نظر له سالم بغموض وتحدث: وانت بتشتغل ايه بجي علي اكده
ادم بتوتر: انا ابقي دكتور صيدلي وعندي صيدليه بأسمي وشقتي كمان جاهزه
سامح بهدوء: تمام يا ولدي ادينا فرصه اكده وهنرد عليك في اجرب وجت(اقرب وقت)
ادم: ان شاء الله يا حج يكون في نصيب بعد اذنكو وده رقمي وان شاء الله هنتظر منكو الرد في اقرب وقت بالموافقه
رد سالم: شرفت يا دكتور
ادم: الشرف ليا سلام عليكم وتركهم وغادر
وبعد ذلك انفجرت مصورة المياه اقصد سالم  سالم بعصبيه: انت مجولتلوش ليه يا بوي ان احنا مش بنجوز بناتنا لغريب وكمان من مصر
سامح بهدوء: وليه لا يا ولدي انا شايفه واد زين ومتربي وكمان دَكتور جد الدنيا
سالم بغضب: حديت اي دا يا بوي عاد انت هتوافج
سامح بحزم: ايوا يا سالم لو سألت عليه ولجيته شاب زين واهم حاچه ان اختك تكون راضيه ورايداه هوافج والحديت خلص في الموضوع ده روح يلا شوف شغلك .

________________#

كانت جميلة وسالي في انتظار خروج الدكتور ليطمئنهم فـ جميلة متوتره وخائفه من ان يصيب بدر مكروه وعند خروج الدكتور توجهت اليه بسرعة
جميلة بلهفه: طمني يا دكتور لو سمحت بدر كويس مش كدا
الدكتور بطمأنه: متقلقيش حضرتك هو بخير وفاق وبقي كويس الخبطه بس كانت جامده شويه
عليه، وكنت خايف ليدخل غيبوبه بس الحمد لله ربنا لطيف بعباده وتقدري تطمني عليه بعد اذنكو وتركهم وغادر اما جميلة فرفعت يدها وحمدت ربها وشكرته علي عوده بدر لها بالسلامة ودخلت بسرعه للغرفه لتطمئن عليه وذهبت له وبدون اى مقدمات و اترمت في احضانه
بدر وهو يضمها بخوف: حجك عليا معرفتش احميكي انا اسف 
نظرت له والدموع في عينيها: متقولش كدا انت لو كان حصلك حاجه يا بدر مكنتش هسامح نفسي ابدا
بدر بحب: ربنا يباركلي فيكي يا حبيبة جلبي وسمعو طرق الباب ودخلت وكانت سالي وتحدثت بتوتر: حمدالله علي سلامتك يا بدر
بدر ببرود: الله يسلمك
جميلة لتهدئه الجو: على فكرا يا بدر لولا ماما بلغت البوليس ولحقو جمال قبل ما يخطفني بجد مكنتش عارفه كان حصل اي
نظر بدر لها بإمتنان هذه المرة: اشكرك يا ست سالي على الى عملتيه
سالي بإبتسامة: بتشكر حماتك يا بدر ربنا يطمنا عليك ياحبيبي
بعد اذنكو عندي مشوار لازم يتعمل وتركتهم وذهبت وبدر
نظر لجميلة بعشق واحتضنها وهي بادلته اخري واطمئنت..
______________

بعد ايام دخل سامح علي ابنته فاطمة وتحدث بحنان: ها يا بتي ارد عالراچل اجوله اي احنا بجالنا كتير بنفكر وبصراحه انا سألت على الراجل وطلع زي الفل دكتور واخلاجه زينه وهيصونك
نظرت له فاطمة ولا تعلم لما هي متوتره فهي تعلم في داخلها انها ما زالت تكن لتميم مشاعر لزالت تعشقه لا احد يعرف كيف ينسى حبه الاول وعشقة الوحيد بسهولة ولكن يأتى الذى يعوض كل شئ وتفاجئت بطلب أدم يدها فهي شعرت بإعجابه بها من كلامه ونظراته لها ولكن لا تعلم لما فعل ذلك وهو يعلم بحبها لتميم وقصتها معه واستنبهت علي صوت ابيها
سامح: ها يا بتي مردتيش اقول لراجل اى
فاطمة بخجل: اللي حضرتك شايفه يابوي
سامح بفرحة: يبجي علي خيره الله
الف مبروك يا بتي ونادي علي امها وفرحها بالخبر اما فاطمة لا تعلم لما قلبها يدق بشده هكذا وأوهمت نفسها انه القلق لا اكثر ولا تعلم انه يشعر بالسعاده او من الممكن انه في طريقه للحب الحقيقي او لم تكن تحب تميم بل كان مجرد إعجاب به لا اكثر غالبآ ما يخطأ القلب ويأتى من يصحح خطأه..

---------------------#

بعد اسبوعين..
عاد بدر وجميلة الى سوهاج وقد اصبحت صحته افضل من قبل وعلاقته بـ جميلة اصبحت اقوى
حنان بحب: ازيك يا ولدي كيفك بجيت زين يا جلبي
بدر: الحمدلله ياما بجيت زين
حنان: يارب تبجي زين دايما يا ولدي
كيفيك انتي يا حبيبتي اوعي يكون بدر بيزعلك
جميلة بضحك: لا يا ماما بدر طيب ومش بيزعلني
حنان: ربنا يهديكو دايما يا حبايب جلبي
انا عملت الوكل الي هتحبو من يدي
جميلة: تسلم ايديك يا ست الكل
بدر: انا هجوم اريح شويه ياما عايزه حاچه
حنان: لع يا ولدي خد بالك علي حالك
بدر: حاضر ياما
___________________؛

انا عايز افهم انا هنا ليه وبعمل ايه قالها جمال بعصبيه
الظابط بصوت عالي: الزم حدودك ووطي صوتك يا متهم انت فاهم
جمال بضيق ولكنه اخفض صوته قليلا: انا بقالي هنا كتير يا حضره الظابط ممكن اعرف تهمتي اي
الظابط: انت متهم بالتعدي علي بدر الدسوقي
ومحاولة اختطاف زوجته
جمال ببرود: محصلش انا كنت هناك عشان اسلم عليهم ولقيت
بدر واقع في الارض سايح في دمه
الظابط بنفس بروده: دا كلامك انت لكن هو اتهمك بنفسه انك اتعديت علي بيته وكنت عايز تخطف مراته
طرق الباب ودخل العسكري واخبر الظابط ان المحامي الخاص بـ جمال يريد الدخول وابتسم جمال بسخريه انه يعلم ان هذا المحامي سيخرجه منها بسهوله وبالفعل تحدث المحامي للظابط وقدم دلائل مزوره وخرج جمال بكفاله لحين العرض علي النيابه ابتسم جمال بنصر ولا يعلم ما الذى ينتظره وعند خروجه من مكتب الظابط تفاجأ بسالي عبس ونظر لها بغضب وهي نظرت له ببرود وتحدثت للظابط لو سمحت يا حضره الظابط انا عايزه اعمل بلاغ
الظابط: بلاغ عن اي يا مدام
نظرت لجمال بتحدي وتحدثت: جريمة قتل

يتبع#
بقلم/الاء اشرف