صعيدي أحتل قلبي ❤

الفصل العاشر(ندم)

" لا ينفع الندم بعض فوات الاوان"
ـــــــــــــــــــــــــــــــــــــــــــــــــــــــــــــــ  
  
   صـعــيــدي آحـتـلَ قــلَبـي❤️’

البــارت العــاشـر،
فى الجامعة...
ها بقي هتيجي ولا ايه قالتها نور وهي تجلس بجوار فاطمة
فاطمة بملل: يبنتي انتي مش بتزهجي جولتلك مش هروح
نور: لا يا فاطمة بالله عليكي دي بتقول عاملاه في نادي كبير وبعدين منا هكون معاكي وبصراحه كدا انا مش رايحه حبآ فيها دا عشان نتفسح انا وانتي
فاطمة بقلق: بصراحه يا نور بنت خالتك دي دمها تجيل علي جلبي وهي كمان مش بطيجني
انتي شوفتي اصلا بتولع ازاي وهي شايفاكي جاعده معايا في الجامعة تحسي انها مختلفه عنك چدا
نور بضحك: تصدقي بالله مش بنت خالتي وانا نفسي مبطقهاش هههههه
هي عزمتنا اصلا بغرور كدا تحسيها هتتخطب لوزير وهيا بنت سفير
ضحكت فاطمة علي طريقه حديث نور على ابنة خالتها وتحدثت
فاطمة :والله انا عشانك انتي وعشان انتي غالية على جلبي هروح معاكي
نور بفرحه: هييي اخيرا ياشيخه خلاص هعدي عليكي بليل واعملي حسابك ان اخويا هو اللي هيودينا بالعربية
فاطمة بتوتر: ماشي خلاص اتفجنا وأمرى لله
__________________________

مالك بس يا ساره
ساره بحزن مصطنع قولتلك مفيش بقى يا تميم خلاص
تميم اومال مردتيش عليا ليه من اول مره وانتي عارفه اني مبحبش كدا
ساره بتمثيل: قولتلك اني مسمعتش الفون
واكملت ساره بمكر: بص يا تميم انا شايفة انك مبقتش تحبني لو شايف انك اتسرعت خلاص يبقي نبعد عن بعض وكل واحد مننا يشوف طريقه
تميم : اي اللي بتجوليه دا انا بس كنت مضغوط الفتره اللي فاتت لكن انا لسة بحبك اعمل اي بجي عشان تصدقيني
ساره وقد وصلت لمرادها :امم خلاص يبقي تيجي معايا فرح نيره
تميم خلاص ياجلبي نروح هعدي عليكي
علي 7:00 اي رأيك
ساره: تمام يا حبيبي هستناك باي واغلقت الهاتف وضحكت بغرور فهي تعلم كيف تقنع تميم بعلاقاتهم

_________________

يا بدر انا زهقت اوي بجد وعايزه ارجع البلد قالت جميلة هذا وهي تنظر لبدر الذي مشغول بالأوراق التي امامه علي المكتب
رفع نظره لها وترك ما كان يفعله: مالك بس ياجلبي اي اللي مزهجك اكده
جميلة بتذمر: انت علطول مشغول ياما في المصنع ياما هنا في البيت برضو شغل وانا مش بعمل حاجة وعايزه ارجع البلد ماما وحشتني
بدر بحزن مصطنع: للدرچادي زهجتي مني
اقتربت منه جميلة بسرعه واخذته في احضانها لا والله انا عمري ما ازهق منك ابدآ انا بس عشان انت علطول مشغول عني
شدد بدر من احتضانها وتحدث بحب : حجك عليا يا ست البنات انا اسف الشغل كان كتير شوية
جميلة: ولا يهمك يا حبيبي
بدر: انتي جولتي اي دلوجتي
جميلة بخجل: قولت ولا يهمك
بدر: جميييلة اللي بعدها عايز تجولي جولتي اي بعدها
خجلت جميلة وتحدثت: احم حبيبي
امسك وجهها بين كفيه وتحدث: اول مره تجوليها
نظرت له جميلة بحب: عشان حساها يا بدر
اخذها في احضانه وانتي حبيبتي وجلبي وكل حاچه ليا خلاص اوعدك بكرا هخرجك خروجه متحلميش بيها
جميلة بتردد: هه لا خلاص انا مليش مزاج اخرج 
بدر توقع ان السبب هو جمال
لكن هذه المره غضب كثيرا منها فتحدث بغضب: لع اكده كتير يا جميلة انا مش عيل جصادك عشان تخافي اكده وانتي معايا هتفهمي امتى انك متجوزه بدر الدسوقي يعني هو عارف زين انه ميجدرش يجربلك طول ما انتي معايا ليه دايما محسساني اني عيل جصادك ومش راچل
نظرت له جميلة بصدمه وخوف من صوته العالي فـ هى اول مرة تراه هكذا فـ بكت بحزن وخاصا عندما اكمل بدر كلامه
واتچوزتيني ليه من الاول لما انتي شايفه اني مش هجدر احميكي ولا لا افتكرتى انك اتچوزتيني غصب
وتركها وخرج واغلق الباب وراءه برزع وجلست هي تبكي
علي كلماته فهذا الغبي لا يعرف انها فعلا تخاف ولكن عليه هو.