فلاش باك:
ود:الفتره كانت منقطعه طل عن فواز دخل لي واتس وكان بطمن عليها مني كان كل يوم بقول لي هي حتكون تعبانه اقيفي معاها انا بشوفها ما تعبانه
ف كنت بطمنو كان بجيب لي جفاف
في اليوم الوقعت فيهو قلقت شديد وفواز لو عرف بموت نزلت الاستراحه
شلت تلفوني دخلت قروب كنا عملناهو للونسه كلنا التلاته شلت رقمو لانو اصلا م حصل دخل لي الا ف الفيس ونزلت دقيت ليهو الرقم م دخل معاي قلت خلاص شبكه عدت الاتصال رده من اول مره قال لي طل كويسه.؟
سكت مسافه وبقيت ابكي قال لي ود لا إله إلا الله
قلت ليه محمد رسول الله
طل... وحكيت ليهو بقا يتشهد ويكبر وفي نبره صوتو برجف
قال لي هسي بجي خليك في الاستراحه تمام؟
قلت لبيه طيب بسرعه
التفت لقيت دم في طاوله ياخ مالي الحته كلها ومطبقه كانت مطبقة طل كانت مطبقه طل يا جماعه 💔💔نزلت الأرض وبقيت اتأكد إذا هي مطبقتها ولا لا بس والله دي مطبقتها دي هي وااااااااااااااااااااااااااااي ما عارفه كنت قاعده وبشوف في الدم كيف لمن جاني صوت فواز قال لي ود بسم الله الرحمن الرحيم في شنو قلقتيني كنت ببكي وبقول اختي بين الحياة والموت وااااا قلبي 💔
قعد جمبي وقال لي فهميني الحاصل م تقلقيني كيف الصحن وقع في رأسها قلت ليه م عارفه 💔
فواز حبيبتك واختي بتموت وااااااي ي فواز
فووووواز طل بتموت
مشا دنقر ف الدم وكان صوتو مسموع
صوت أنفاسو الاكدت لي انو بحبها بجد
م يستاهلو يتفرقو قمت وجيت ليهو
قلت ليه فواز م تعمل فيها كده
قال لي بحبها...
كروان:في اللحظة دي انا جيت قلت ليه بتحبها؟
قام وقف قال لي اي والله بحبها
ولو كذب كان نسيتها وعرست
قلت ليه اسمعني يا مان انا حمشي اعالجها وعاوزك في فتره علاجها تتقرب منها وتعرسها عديل كده لانو م متحملين نخسرها
قال لي وصوتو ملان فرح حنتظر ولو عمري كلو حنزل معاكم بدون تشوفني
كنت متكيف منو واثبت انو راجل لمن وقف معانا لكن اول
ما صحيتي قلت ليه يمشي كان عاوز يشوفك
حميتو قلت ليه بليل تعال
وفعلا جا بليل وشافك وشلت رقمو واتفقنا
يلا حتوافقي؟
قلت ليه راسي مسكتو قوي كانو حينفجر ما عارفه في شنو
فواز قال لي ما تفكري كتير حاضر؟
كروان دخل لي كريم
كروان :سبب عدم التذكير شنو؟
كريم :ببساطه صدمات اثرت على االذاكره وفقدت بعض اللقطات من حياتها
كروان :حترجع؟
كريم:قربت ترجع بس افهم هي فاهمه شنو
كروان:بعد توقع ليها الفهم؟
كريم:حتتعب اكتر
كروان:💔💔💔💔💔
كروان دقا لي ابوي وقتي قال ليه حعقد
خايف عليها انا لازم تفرح كتير
ابوي قال ليه خليها تحكي وتزوق واعقد
كروان قال ليه اول ما تحكي وكريم يوقع ليها حعقد بدون تكلمني
ابوي قال ليه ماف خيار غير كده
كروان مرق لقا فواز بتغزل فيها ابتسم وقال لي وافقتي؟
قلت ليه اي قال لي طيب يلا نرجع البيت
رجعنا البيت اقسم بالله تعبانه وحاسه حكيت كتير
رقدت بديت اتذكر في اللحظات البحكي فيها مرات ابكي ومرات اسرخ ومرات اخد نفس ويدي بترجف انا كملت كرستالتين مويه وانا بفكر نمت
صحيت الصباح عملت شي اكلو ومشيت المركز دقيت لي فواز كلمتو ولي كروان قالو بجو
دخلت سلمت وقعدت
قال لي كيفك قلت ليه بخير الحمد لله قال لي عاوزك تخلصي حكايتك الليلة
قلت ليه طيب قال لي يلا
