داليدا

٥

{وما بعد هذا؟!}
{كُتِبَ قَدرِي}

لاجلك تركت الناس خلفي وجيت💛

فوز:قلت ليهو بصوت نعسان حسون قال لي ادخلي الواتس جمبي اصحابي قفلت ودخلت واتس قمت غسلت وشي عشان لو نمت حيشلتني لبست النظاره وشلت التلفون
=حسون ي حسون
_🙂
=والله نسيت ياخ وانشغلت ونمت😹😹😹
_الله يهديك ي فوز🙂اها حصل شنو
=اول زعلت؟
_حبه لكن راحت
=طيب
_اها حصل شنو
=حتضحك لو قلت ليك؟
_لا قولي وترتيني
=بقيت عموش
_لاحوله شكلك حيكون ضارب براهو ضارب
=اصبر لي ي رمه
_عليك الله لبستي نظاره 😹😹😹
=اي ي حسون
_ياتا😹😹😹
=زي حقت جدو الحافظ🙂
_المستطيله 😹😹
=بطل تتافه
_اسف اسف 😹😹😹
=حسون والله انوم
_حبقلبي خلاص سكت
=اي يلا انت احكي يومك
_هسي عاوز اقول ليك لا احكي اول
=أبيت عشره مرات
_طيب عايني صحيت الصباح عارفك عاطلة دقيت ليك وجيتي المكتبه والخ.. لمن طلعتي دقا لي صحبي قال ف زول جاي يستلم لوحة فاضيه وكتاب قفلنا ع كدة جهزتها ليهو جا الشاب داك وشالها المهم الدوام العادي ده
=انا بس مشيت المستشفى
_لا احكي من اوله
=حسون واللة نعسانه شديد
_خلاص حبيبي ارتاحي عشان بكرة زاتو حبوبتك جاية
=اي ياخ خلي عندك ذوق😹😹
_هبله 😹😹يلا امشي
=تصبح على خير ي يقلبي
_وانتي من اهله ي سجم
=الحمد لله انا اشك اني م مصاحبه بني آدم انا مصاحبة كتله تفاها
_المشكلة انك م بتقولي الحمد لله على النعمه الفي حياتك
=انت م قلت الحمد لله علي عشان كده بديت اكرهك🙂
_فوووز لا إله إلا الله طيري
=افااا ي حسون حبك اتغير🙂
_خلاص كويس 😹😹😹
=انا جاده
_م كنت عاوز ارفع راسك بس عصرتي على ي زفته انا كل م أصبح وامسي بحمد الله عليك
=وووووووووووااااااااي ي حبوبتي العاشرة واااي🙈🙈🙈🙈🙈🙈🙈🙈🙈🙈🙈🙈🙈🙈
_غلطان انا
=صح غلطان لانو النوم طار من عيوني
_انتي حتعزبي راجلك بفصلك الكتير د
=هوي لاقي نور ينور حياتو؟
_بكل ثقه كمان
=اي لازم لازم وبعدين تعال قصدك انه حيندم
_هو الصراحه ماف زول بندم على دخولك حياتو لكن حيندم من ناحيه واحده وهو لو اتعلقتي فيهو
=حسون
_عيون حسون
=نعست طير 😴
_حاضر طيب يلا معسلامه
=ف امان الله
_ورعايته
....نمت طوالي صحيت الصباح وجهزت حاجات النظافة مشيت دقيت لي ريري قلت ليها ثواني القاك جمبي قالت لي انا جيت وم فتحتو الباب قلت ليها كنتي تلبي بي الحيطة بقت تضحك قالت لي يلا ارح خليت الباب فاتح ودخلت عملت سندوتشات وقطعت الطماطم شرايح عملت تانك وطلعت لقيت ريري ف الصاله قلت ليها افتحي المكيف سخانه ألف مشت فتحتو وجات قالت لي حسون كيف لي كم م مشيت المكتبه وعاوزه امشي بعد بكره تمشي معاي؟ قلت ليها هو كويس الحمد لله الليلة كنت معاهو في المكتبه اي بمشي قالت لي م شاء الله طيب عايني نشيل سفري من مطعم ونمشي ليهو نتغدا هناك قلت ليها فكره جميله لكن م نشيل من المطعم خلينا نعمل اكل من هنا قالت لي لالا ياخ بس خلينا نعمل كده قلت ليها كويس كويس اكلي بقينا ناكل نتونس قالت لي م بديتي النظافه قلت ليها لا حبدا هسي انتي فرشي ولملمي الحاجات وفي عدة بسيطة غسليها قالت لي ح... قاطعنا صوت هتان جا داخل السلام عليكم صباح الخير ردينا عاين لي ريري قال ليها منوره بيتنا🖤قالت ليه دايما منوراهو قلت ليهم شنو ياا حتخلطو؟ هتان نطط عيونه ومشا حسيته اتحرج😹ريري شغاله تتحسبن قالت لي هسي نخلط شنو سلام رديت قلت ليها على انا انتو م شايفين عيونكم بتلمع كيف قالت لي اخوك م شغال بي ع فكره قلت ليها سمح اقتنعت قالت لي امشي امشي امي جات قالت لي لسه انتي؟ ابوك مشا يجيبهم من الظلط قمت فوق وقلت ليها الظلطططط؟ جريت بقيت انظف وريري غيرت الملايات وبخرت وغسلت العده ولملمت الحته اول ما رفعت قطعه المسح جو دخلت جوا لقيت ريري بتخت ميكب قلت ليها تخوني العشره ضحكت قالت لي امشي استحمي ارح اخت ليك ميكب مشيت استحميت لبست وجيت ليها مكيجتني وطلعنا سلمت ع حبوبه كتيرررررر وخالتو وجدو ومعاهم ولد كده قال لي انا ولد خالتك فضة رائف قلت ليه انا فوز قال لي حلو شغاله؟... طبعا م حصل مشيت السريحه ...قلت ليه لا عاطلة وم عاوز اشتغل كفايه تعب الجامعه والمدرسة 😹ابتسم قال لي غريبه قلت ليه غريب الشيطان قال لي هسي اليوم كلو بتكوني نايمه؟ ضحكت قلت ليه لا ياخ م بنوم كتير امي قالت ليه والله اليوم كلو نايمه الا ننزلها من السرير بقا يضحك غايتو اتفضحت فضيحه رهيبه قال لي ظاهر ف عيونك نعست عيوني ومشيت كبيت ليهم عصير حبوبه م بتشرب سكر كتير ف اضطريت اعمل عصير ف زمزميه وكبيتو ليها بقينا نتونس الاربعه هتان وانا وريري وده اسمو منو رائف طلع ظريف نوعا ما هتان قال نطلع طلعه ضريفه قلت ليه نمشي المشاتل نفسي والله قال لي طيب قلت فقلبي اخخ عاوزه حسون يمشي ياخ مشتاقه لخلقتو مشيت المطبخ لقيت امي بتخت ف الفطور قعدت اكل بس قالت لي بيل منكقي قلت ليها م زاااحه جعانه ي حجه قالت لي اهبل ضحكت وبقيت اكل ف الطعميه خليتها ومرقت لي ريري لقيت خالتي ولدها مستلمنها قلت ليهم ف شنوووو اول مره تشوفو بت سمحه كدي ضحكو رائف قال لي تعالي يا ام نظارة والله مكنه عديل قلت ليه كلي مكنه🙈قال لي بتتصحري والله ضحكت بقينا نتونس لمن امي ختت الفطور أكلنا وقمنا غسلنا العده ورتبنا العده ف التلاجه كبيت فانتا لنفسي وريري كبت براها دخلنا الغرفة كنت قاعده اشرب ريري قالت لي عاوزه يمشي معانا؟ انا تفيت الجغمه بخلعه وعاينت ليها المخلوعه قالت لي بسم الله د كلو عشانو قلت ليها منووووو هوووو قالت لي حسون ي قلبي ظاهر انكم بتحبو بعض واي واحد ادغل من التاني قلت ليها ابدا نحن بيست بس ومستحيل احبه ولا يحصل بينا علاقه اكبر من الحب قالت لي زواج؟ قلت ليها اي مستحيل نعرس قالت لي عشان عندو برص؟ قلت ليها رحاب انتي من متين بتفكري كده قالت لي خمنت مالو حسون هسي سيد الررجاال قلت ليها سيد الرجال واي شي وانا كمان م برضا فيهو ابدا بس م بحبو ي ريري قالت لي كلام ساي سكت منها ساي قمت وضربت منكير اسود طلعت جيبي شورت ابيض وتشرت اسود... من تحت فيهو شخوط كتيره او خطوات صغيرة كتيره ومن اليدين برضو طلعت شبط عالي اسود بي ابيض مخطط نمري وطرحه داخله فيها الألوان الرماديه والبيضاء لونها م مفهوم ختيتهم ع جمب قبلت على ريري لقيتها فاتحه فمها مترين قالت لي ماشين عزومه نحن؟ قلت ليها اااا مخططه نمشي المشاتل ومطعم قالت لي طيب طلعي لي لبسه م ممكن تكشخي كده وانا أقعد زي النعامه قلت ليها طيب دقيقه طبعا انا واحده م عندي حاجه اسمها امرق بي عبايه عاديه الا لو للدكان بس لكن لو ماشين الجيران بكشخ طبعا هتان م بخليني البس بناطلين ضيقه ولا تشرتات قصيره ف دايما بشتري هدوم واسعه وطويلة وحلوه أمي بتقول لي شغلك لبست م عندك شغله بي شعرك ولا جسمك ولا وشك حرفيا انا بعد ما صاحبت ريري حتى بديت اتعلم منها البت د بت بمعنى الكلمه مهتمين بنفسنا لكن م سمحات السماحه ديك😹سمحات لكن م بنسبه للبنات الواو ديل عادين جدن بس مهتمين ريري قالت لي مع النظاره حتكوني درعه قلت ليها عاوزه اخطط حواجبي واعمل روج وكده قالت لي حلو م تختي كتير زاتوو هييي طلعي لي طلعت ليها فستان قالت م حلو قلت ليها عزلي طيب طلعت بنطلون جنز فاتح ومعاهو تونكه ألوانها كتيره وطرحه سماويه
العصر كدة هتان ضرب لي قال لي اجهز قلت لي اجهزي*قال لي اجهزي اي لبسنا واتمكيجنا ريري قالت عندها تلفون مهم مشت ورا العربيه وانا ركبت رائف قال لي م شاء الله عليكي حِليوه قلت ليه تسلم قال لي على فكره كسرتيني ودشدشتيني ضحكت قلت ليه ياولد السريحه عاد اتعلمت قله الأدب من هتان قال لي نحن غلطانين بنرفع معنوياتكم قلت ليه بالكذب؟ ضحك قال لي انتي مكنه والله ابتسمت ريري جات واتحركنا قلت ليها سيدك م تدسي مني ماني شالبه ضحكو ضحك هتان قال لي مرتبطه هي حالتي كنت حاجزها لي رائف د قلت ليه بري سنجل هسي يخطبوها ضحكت قالت ليهم واحد فيكم يلمني قلت ليها ي حيوانه م كده بقينا نضحك مشينا اول المشاتل وبقينا نتمشي فيها ياخ ف مشتل كان بعيد شوي ظاهر انو رهيب عشبو اخضررر ومقصقص على أشكال حلوة مشيت بسرعه وبقيت اصور فيهو واصور معاهو كان فيهو كم مدخل كده جاني صوت ريري من ورا بتقول اندمجتي ضحكت وعاينت ليها لقيت ولد عمها لأمها وحسون بقيت اعاين لحسون وهو بعاين لي كأني اول مره اشوفو دققت في البرص وفي عيونو البتعاين لي ولد عمها لأمها قال شنووو يا م حتعرفونا ريري قالت لي فوز ده عساف ود حسون مع غمزه كده ابتسمت وسلمت عليه عساف قال لي اتشرفنا يا مزه قلت ليه شرف عظيم بس وين المزازه😅قال لى النية النيه ضحكت عاينت لحسون لقيتو بعاين في يدي ولي النظاره مديت يدي وقلت ليه كيفك حسون سلم على وضغط على يدي قال لي النظاره سرقت عدسة عيوني ضحكت قلت ليه بطل طلس ويلا نمشي قال لي نمشي وين عاوز اوريك ده عاينت ليه ولي ريري قلت ليه ثواني مشيت مسكت يدها وسقتها ع جمب قلت ليها جبتي من وين؟ قالت لي عزمت ولد عم امي ف حاجه🙈😉ضحكت قلت ليها هبله ومشيت مع حسون وهي مع اسمو منو عساف ده حسون قال لي لابسه اربعه خواتم ليه حبشيه انتي؟ قلت ليه مخطوبه بي ديل 🐸ضحك قال لي حلوين قال لي تعالي مشينا محل الزهور قال لي شوفي الزهره دي لونها مختلف عن ألوان الباقي لونها زينب كده قلت ليه واااااي اتكسرت قال لي حقول ليك داليدا تاني عقدت حواجبي وقلت ليه داليدا؟قال لي معناها زهرة ابتسمت قال لي داليداتي🖤قلت ليه حبيبيش والله قال لي نشيلا قلت ليه لا منظرها حلو ابتسم قال لي يلا ي عموش نمشي مشينا ليهم هتان قال لي يلا نمشي اي مطعم؟ قلت ليه اي مطعم م بعرف شي انا رائف قال لي ظاهر قلت ليه رائف اختاني اها انت عزل قال لي من عيوني بس تدفعي كم ضحكت قال لي يلا نمشي باب اليمن ولا شاورما عربي؟

في رايكم فوز وحسون بحبو بعض؟

*نتلاقي*