(UNICODE)
BEGIN AGAIN
"ချန်းယောလ် ငါသတင်းတစ်ခုကြားခဲ့တယ်။"
"ဘာလဲ"
စိတ်ဝင်တစား မေးလာသူက ဘတ်ခ်ဟျွန်းဖြစ်၏။
"ဟိုLaw king လေ Kris"
"အင်း ဘာဖြစ်တယ်တဲ့လဲ"
အမောဖြေနေသော ဆယ်ဟွန်းကို ဘတ်ခ်ဟျွန်းက ဝင်ထောက်ပေးသည်။
"အဲ့ဒါ မနေ့ညက သူ့မွေးနေ့ပွဲမှာ သူ့ Crush ကို ဖွင့်ပြောတယ်တဲ့"
ဘတ်ခ်ဟျွန်းက စိတ်ဝင်တစားရှိနေပေမဲ့ သူကတော့ စိတ်မဝင်စားပါ။ သူဟာသူ ဘယ်သူကို ဖွင့်ပြောပြောပေါ့။ ဘာအရေးတုန်း။ သတင်းလုပ်ကာ အရေးတယူပြောနေကြသေးသည်။ ချန်းယောလ် ဖုန်းဆီသာ အာရုံပို့လိုက်ရင်း ဂယောင်ဆူးဆီ ဘာ စာပို့ရမလဲဟု အသည်းအသန်တွေးနေမိ၏။
"ချန်းယောလ် ကြားလား။"
"ဟမ်...ဟမ် ဘာလဲ ဘာပြောလိုက်လဲ"
"သူ crush က မင်းရဲ့ ဂယောင်ဆူးလို့"
"ဘာ!!!!! ဘယ်လို"
ဂယောင်ဆူး ဆိုသော နာမည်တွင် သူ စိတ်လှုပ်ရှားစွာ ထိုင်ရာမှ မတ်တပ်ရပ်မိသွားသည် အထိပင်။
"အဲ့တော့ 'မောင်'က ဘာတဲ့လဲ"
တုန်ရီနေသော အသံကို ထိန်းကာ ချန်းယောလ် မနည်းမေးလိုက်ရသည်။ အတိတ်ကို ပြန်ရောက်လာတာ ခုလိုတွေ ဖြစ်ဖို့ မဟုတ်ဘူးလေ။ ဆက်ဆံရေး တိုးတက်ကာ အဆင်ပြေနေပြီဟု ထင်ကာမှ ဘေးလူတစ်ယောက်က ပါလာတယ်တဲ့လား။ မဟုတ်မှ Kris ဆိုတာ ဟိုတစ်ခါက လူများလား။
အဲ့လိုတွေ မဖြစ်ရဘူး။ သူက ဂယောင်ဆူးတွက်ပဲ ဖြစ်ရမယ်။ ထို့အတူ ဂယောင်ဆူးကလည်း ချန်းယောလ် တစ်ယောက်တည်း၏ အပိုင်သာ ဖြစ်ရမည် မဟုတ်လား။ ဘာကြောင့် ကြားလူတွေ ရှိလာရတာလဲ။
ဆယ်ဟွန်းရဲ့ အဖြေကို စောင့်စားနေရင်း သူ ခြေဖျားလာဖျားတို့ အေးစက်လာရသည်။ အဖြေကြားရဖို့ အရေး တစ်သက်လောက် ကြာမြင့်နေသလိုပင်။
"အငြင်းခံလိုက်ရတယ်တဲ့။"
သူ စိတ်အေးစွာပင် လေတစ်ချက်မှုတ်ထုတ်လိုက်သည်။
YOU ARE READING
Begin Again (U/Z)
Nouvellesစစ်မှန်ခြင်း မစစ်မှန်ခြင်းက တကယ်တော့ ကိုယ့်တွက် အရေးမကြီးပါဘူး။ ထောင်ပေါင်းများစွာသော တောင်းဆုတွေထဲက ကိုယ်လိုချင်တာ မင်းတစ်ယောက်တည်းပဲ။ ကိုယ်သိတာက မနက်ဖြန်တိုင်းကို မင်းနဲ့အတူ ကုန်ဆုံးချင်တယ်။ ကိုယ့်ရဲ့အချိန်တွေကို ရပ်တန့်ပေးရမယ်ဆိုရင်တောင် ဝန်မလေး...
