ဉယျာဥ်ကဲ့သို့ လှပတိတ်ဆိတ်နေသော စံအိမ်ကြီးထဲ အက္ခရ တစ်ခါမျှပင် မရောက်ဖူးပါ။
ဆယ့်နှစ်ရာသီပွင့်သော ပန်းတွေအစုံအလင် စိုက်ပျိုးထားသော စံအိမ်ကြီး ဖြစ်သည်မို့ အက္ခရ တည်ငြိမ်စွာပြုံးမိ၏။
သုံးဘီးလေးကို ခြံတံခါးထိ မောင်းခဲ့လိုက်သည်။
ခြံတံခါးဝ ခေါင်းလောင်းလေး တီးကာ....
" ဒီမှာခင်ဗျ ဆန်အိတ်လာပို့ခိုင်းလိုက်လို့ပါခင်ဗျ"
" အမောင်က ဘယ်သူတုန်းကွဲ့ နို့....ခါတိုင်းပို့နေကျ သူမဟုတ်ပါလား "
"ကျွန်တော်က အသစ်ပါခင်ဗျ ဘကြီးစွေက ကျွန်တော့်ကို လွှတ်လိုက်တာပါဗျ "
"အေး..အေးလာကွယ် အမောင့် သုံးဘီးကို အထဲမောင်းခဲ့ကွဲ့ "
သုံးဘီကို စက်နိုးကာ ခြံဝင်းအတွင်းသို့ ဝင်ခဲ့လိုက်သည်။ အိမ်အပြင်ဘက်က မြင်ရသည့်ပန်းများ ယခု အနီးကပ် မြင်ရတာ စိတ်ချမ်းစရာအလွန်ကို ကောင်းခဲ့သည်။
စံအိမ်အဝင်ဝ ကားဂိုဒေါင်တွင် သုံးဘီးကားစက်ရပ်ပြီးသော် ......
" အမောင်က ဦးစွေ လွှတ်လိုက်တာလား ကွဲ့"
"ဟုတ်ပါတယ် ကျွန်တော့်နာမည်က နှောင်းအက္ခရ ပါ
ခါတိုင်း အလုပ်သမား ကောင်လေးက တစ်ခြားဘက်ပို့လိုက်လို့ ကျွန်တော်က လာပို့ပေးတာပါ ကြီးဒေါ် "
တစ်ပတ်လျို ဆံထုံး ဖြင့် သွားခပ်ကြဲကြဲ ကွမ်းယာတစ်ပျစ်ပျစ် ပြောနေသော အသက်၅၀ကျော်
ဟန်ရှိပုံရသော အမျိုးသမီးကြီးက အိမ်ထဲသို့ မရင်းနှီးသော သူစိမ်း ဝင်တာကြိုက်ဟန်မတူ။
နှောင်းအက္ခရမောင် ကို သေချာလေ့လာပြီးမှ စံအိမ်တော်အတွင်းသို့ ဝင်ခွင့်ပြု၏။
"မမကြီးရေ မမကြီး ဒီမှာ စာရင်းရှင်းမယ့်သူရောက်နေတယ် "
စံအိမ်အတွင်းသို့ ထိုအမျိုးသမီးကြီး၏ အသံဟာ ဟိန်းတက်လို့သွား၏။
စံအိမ်ကြီးရဲ့ နေရာကျယ်လောင်မှု ဟာ ပုံတော်ဖိနပ်ထူ ဖြင့် ကျွန်းလှေကား ထက်မှ ဆင်းလာသော မမကြီးဟူသည့် အမျိုးသမီးရဲ့ ဖိနပ်သံယဲ့ယဲ့ ကြားလိုက်ရသည်။
"မမကြီး ဒီမှာပါ ဆန်စာရင်းရှင်းမယ့်သူပါ "
"အေး ငါသိတယ် မိမိ တို့ဘာလုပ်နေကြတာလဲ သံပုရာရည်ဖျော်ခဲ့လေ ဧည့်သည်က မိုးညိုစံမြန်း စံအိမ်ထဲကို ရာသီဥတု ပူတဲ့ကြားက လာခဲ့ရတာလေ"
YOU ARE READING
မောင့်သဘင်သည် (Ongoing)
Viễn tưởngစိမ်းလဲ့လဲ့ပြာပြာ ....နေခြည်က မတိုးရပါကလား...သြော်နေခြည်ကမတိုးရပါကလား..... မီးထိုးလာသော ဇာတ်ခုံပေါ်တွင် ဖယောင်းရုပ်အသွင် နူးညံ့စွာ ပဝါလေး လက်ချောင်းထဲ ထည့်ကာ ရုပ်သေးရုပ်အသွင် ကပြနေသော သဘင်သည်လေး တစ်ယောက်။ သဘင်လောက ရဲ့ရှုပ်ထွေးမှုကြားက ဖြစ်တည်လာသောအခ...
